JOSHUA 6:6 - DEENA BAIBÉL (BSI)

⁶ Deme tatla, Joshua bí miri kídíem tomla poto, “Nolu Ruutum ke Daapong Sondugem joolangka, delokke miri kínídko bikul tapung bomla, Daapong Sonduk delokke kerang-kerangem gígelangka.”

JOSHUA 6:6 Iomraidhean Croise

GÍLEN KUNAM 25:14

Delokke kékonlo, daajong annyi dem, sonduk delokke abe elenlo, píket líknam kelong kídílo, jonnampe íkbung líkla leeyin líkmotoka. Sonduk dem daajong delok joobom nadope,

TOMLÍKNAM 9:1

Depe idungem, Saul bí Ruutumkelo luyilsuna kídíem sengéépe míírí míínyo bomkai. Bí ríne ruutumlo gíla

JOSHUA 24:11

Depe irongem nolu Jordan korongem koola Jerikolo pííto. Jeriko ami kídí de nolum mimak imínsula, delokke bulukíng makpépe doola, Amorit, Perijjit, Kanaan, Hittit, Girgash, Hibit delokke Jebus ami kídíete mimakpe imínsuto. Idola bulum takamem ngo noluke alag aralo ruuyinlíkto.

JOSHUA 3:3

“Edílo nolu Lebi miri kídíe, Ruutum noluke Shédíke Daapong Sondugem joola gídope kaayédí, delo nolu ippoem adpala gímín gepe aiyé.

JOSHUA 3:6

Delo Joshua bí miri kídíem lulíkto, “Nolu Daapong Sonduk dem joola ami kídídem gíbola gígelangka.” Depe pokolok bulu deme joolangala, ami kídí kerape gígeto.

JOSHUA 6:13

Bikul bomna miri kínídde, Daapong Sondukke kerang kerape bikul mutla gígeto. Dekepe bikul muddungem, maglíngke opéékonde kerayalumem gígeto, delokke opéékonde Daapong Sonduk méélam delo gímín geto.

JOSHUA 6:5

Depe irodem bulu leko oolooko mutyar polangka. Depe mutyarnamem tatrongem, nolu daadi takame bottepe ngommín gelangka, dekepe iyém doolung delokke yabgoe bényé, delo nolu maglíng takame doolung delo mimakpe dugabomlangka.”

JOSHUA 6:7

Delo bí ami kídíem, “Ruutum ke Daapong Sondugem kaabomna maglíng opééko kerayalumpe gígela, doolung sim bilgola gílangka,” emla lulíkto.

JOSHUA 6:8

Joshuake lulíknamem tatrongem, miri kínídko, bikul tapung kínídko bomla, kerang kerape bikulem mutgela, gíto. Buluke méélamlo Ruutum ke Daapong Sondukde gímín geto.

1 SAMUEL 4:3

Edílo mimaklok turna kídíe notkolo aatokudí, delo Israel lok ruutum kídíe pobosuto, “Kapei Ruutum bí Philistain kídíem ngolum ikum mokan? Kaju gíla Ruutum ke Daapong Sondugem Shiloh lok langa laju, Ruutum bí ngolu kelo lekope gíla ngolum miru kídílok mopít dope.”