JOSHUA 6:5 - DEENA BAIBÉL (BSI)

⁵ Depe irodem bulu leko oolooko mutyar polangka. Depe mutyarnamem tatrongem, nolu daadi takame bottepe ngommín gelangka, dekepe iyém doolung delokke yabgoe bényé, delo nolu maglíng takame doolung delo mimakpe dugabomlangka.”

JOSHUA 6:5 Iomraidhean Croise

GÍLEN KUNAM 19:19

Delokke bikul adude muuduk yayang ikai. Delo Mosi lupola, Shédí Ruutumbí doomír-mírdud lok poyansuto.

ISAIAH 25:12

Moabke kedonna líísak etorem dírmola, otír-oyir sumola demulpe bí imoyé.

ISAIAH 30:25

Ingkona longe lodí noluke miru kídíke líísak ekum kídíem bényéne, delo dííte miyonglok, delokke díítum takamlok koronge biilenyé.

JEREMIAH 50:15

Rego miyonglok Babilon me ngombom langka. Supak alag leedu sula agíem kolík sukai. Bíkke líísak ekum kedonna kídíe oletkai. Bíkke líísak etore bénkai. Babilon bí kape kísa ami opín teyolo itodí dekepe bíkke teyolo nolukom edo ralangkuka. Kapeila buluke teyolo Ruutum ke iyan sudíkue pííla, bím edo radungku.

HIBRU 11:30

Míngke lokmin Jeriko lokke yapgue amikídíe longe kínít kokai dem yon goola yonrongem bénlet sukane.

JOSHUA 6:16

Lemkíníd bildo delo, edílo miri kídíe bikulem muttodí, delopak Joshua bí ami kídíem poto, “Ngomlangka, Ruutum bí nolum doolung sim bito.

JOSHUA 6:20

Edílo bikulem muttodí, delo ami kídíde ngomto. Bikul adud delok edílo ami kídíe bottepe ngomtodí delo doolung yabgo de bénla oletkai, delo Israel maglíngde mipil miyongpe dugabomla doolung dem laato.

JOSHUA 6:4

Miri ami kínídko aareng bikulem mipile bomla, Daapong Sonduk kerang-keralo gígemolangka. Longe kínídnana longe delo, nolu lemkíníd kokai billangka, delokke miri kídíde bikulem dekepe idungem muttílangka.

JOSHUA 6:6

Deme tatla, Joshua bí miri kídíem tomla poto, “Nolu Ruutum ke Daapong Sondugem joolangka, delokke miri kínídko bikul tapung bomla, Daapong Sonduk delokke kerang-kerangem gígelangka.”

KEBANG RUUTUM KÍDÍ 20:37

Tona ami kídíde menape doolung dem dugabomla, doolung delo duuna ami kídíem mipil miyongpe moka kayinto.

1 SAMUEL 17:20

Dabid rokompe gerepla, mér sobénem kaabomdope ako amiko tomyan líkpala, Jesseke pokampe donam ekurang kídídem bomla enlento. Israel ami kídíe mimak ipeko delo mimak togogem gogla gílenduem Dabid notko delo pííto.

1 SAMUEL 17:52

Israel kelang Judah ami kídíe érbomla bulume méélamlo monmín gela, Gad delokke Ekron luyab kídí loope monlíkto. Philistain kídíe Shaaraim bedang ruubung delok oyak-osak sula Gad delokke Ekron loope pííto.

1 SAMUEL 4:5

Edílo Daapong Sondukde píngatodí, delo Israel ami kídíe amonge petír gedope ashéla ngomto.