JOSHUA 6:4 - DEENA BAIBÉL (BSI)

⁴ Miri ami kínídko aareng bikulem mipile bomla, Daapong Sonduk kerang-keralo gígemolangka. Longe kínídnana longe delo, nolu lemkíníd kokai billangka, delokke miri kídíde bikulem dekepe idungem muttílangka.

JOSHUA 6:4 Iomraidhean Croise

KEYUM KERO 2:3

Delo Shédíke ruulenla, pílen sunam agér tabunglok bí apééla ikolok, dem longe kínídnana longe dem Shédíbí utepooroem ruulíkla deemoto.

1 ROJA KÍDÍ 18:43

Depe igeyéla bím agér ibinadem, “Gíla no siyéng danpe kaatoka” emla lulígto. Delo amide gíla kaadola, “Ngo atí kaapamang,” emla poyansuto. Dekepe lemkíníd kokai Elijah bí agér ibinadem “Gíla kaatoka,” emla lulígto.

2 ROJA KÍDÍ 5:10

Delo Elisha amiko tomlíkla, Naamanme sikepe pomoto, “Jordan asilo gíla lemkíníd ko írsu langka, delo nok amílde deeyéku, delokke nok kinamde aiyéku.”

2 ROJA KÍDÍ 5:14

Delo Naaman gíla Jordan asilo lemkínídko Elisha ke pokampe jilum rongem bík asig-ayo kídíe yaamé koo kísape pelam kaku.

2 ODONG 13:12

Shédí agísue ngoluke Ruutume, delokke bíkke miri írne kídare ngolu nolum mimak iyabomdope, bikul tapungem mutnampe belengla, ampeng si dagdung. Israellok ami kídara, Ruutum noluke buku-nekuke Shédíme mimak imín sumapeka! Nolu ikummayé!”

2 ODONG 20:17

So mimak so nolu atí imín supenam kamang; noluke dagpekolo daglangka, delokke asoope dagla, noluke adumpe Ruutumke ikumnamem kaalangka. E Judah, delokke Jirusalem kídía.’ Pesomapeka delokke mínggíp sumapeka; yampo bulum tupríksupe gílen langka, delokke Ruutum bí nolukíng yémín geyé.”

2 ODONG 20:19

Depeido delo Kohath erang loklang Korah lokke Lebi kídare Ruutum Israelke Shédíme gogtodola yitgepe dagrepto.

2 ODONG 20:21

Delo edílo bí ami kídídem poyilem iyintodín, delo bí Ruutum kelo miriem lula, delokke deena leemoem gela bím rínggela, maglíng keradelo gíla sikepe lugepenaem ullento, “Ruutum me yidgelangka, kapeila bíkke mínggapna ayangde duuyarne.”

JOBKE KITABE 42:8

Depeila supak nolu rubo kíníd kolang mérbo kínídko Job kíng bomala noluke legasupe romnam aman rémoko ilangkuka. Ngome agér ibina Job bí noluke legape kumbiyé, delo ngo bík kumnamem tatbiyé, delokke talla noluke bopol ségu teyolo atímangem ilíkmayé. Kapeila ngokke agér ibina Jobke kísa ngokke aro legangem nolu pomang.”

ISAIAH 27:13

Delo longe delo botterupe bikul tapungko mutyé. Delo Assirialo yéna kídíe lang Ijiptlo umnyokla yényokna kídí tabunge Jirusalem ke deena díítumlo píídum suyinla Ruutum me tabunge kumsuyé.

LEBITIKA 14:16

bíkke lakbík lokke lakkéng kolok níklumla, lakké lakpyo delokke tél delok amidem lemkínídko Ruutum ke keralo píkkat langka.

LEBITIKA 4:6

agí lakkéngem iyyi delo íknyom geyéla deena porda keradelo, iyyi delok lemkíníd kokai píkjépe aiyé.

JEKHARIAH 4:2

Depe uddola bí ngom ííto, “No ingkoko kaadon?” Ngo poyansuto, “Uunlok monam sérak-meru dakkengko. Delokke teyodelo tél dungkeng toguko dung. Sérak-meru dakkeng delo sérak-merue kínídko dak, delokke sérak-meru miyoolo eme romlíkpeko nosole kínídko kadung.

JEKHARIAH 4:6

Delo bí ngom poto, “Jerubbabel kelo Ruutum ke agome si: Miga-miram loklang ralnam lokmang, idola ngokke Aid lokmin, emla Maglíngke Ruutumbí podung.

SANNAM 23:1

Balaam bí poto, “Ngome so runggu kínídko mobila rubo kíníd kolang mér kínídko iru bilangka.”

JOSHUA 6:13

Bikul bomna miri kínídde, Daapong Sondukke kerang kerape bikul mutla gígeto. Dekepe bikul muddungem, maglíngke opéékonde kerayalumem gígeto, delokke opéékonde Daapong Sonduk méélam delo gímín geto.

JOSHUA 6:3

No lang nokke maglíng kídíe, longem lekodada doolung sim bilgola gígotoka. Sikepe longe akkékope billangka.

JOSHUA 6:5

Depe irodem bulu leko oolooko mutyar polangka. Depe mutyarnamem tatrongem, nolu daadi takame bottepe ngommín gelangka, dekepe iyém doolung delokke yabgoe bényé, delo nolu maglíng takame doolung delo mimakpe dugabomlangka.”

BEROK BINAM 1:20

Ngokke lakbíklo bomdope nokke kaatonam takar kínít delokke eerína uun meru kínít delokke eerína agomde simoko: Takar kínítde kínít mondoli sokke teyong kotoki kídíe, kínít merude Kínít Mondolie.

BEROK BINAM 1:4

Joan, Asia amolo duuna kínít Mondolilo: Yéduuna, yétona delokke angkupena kelok delokke bíkke roja umkéé keralo duuna aid kínít kelok,

BEROK BINAM 10:3

delo bí myomur uknam kísape séngéépe ukdo. Bíkke ukrodelo doomír kínítko mírdo.

BEROK BINAM 15:1

Ngo teyong amotelo botteruna delokke irisinyo iyod konko kaato. De teyong kotoki kínítko méélam yalumna kilii ramponem kínítko bomaneke, kapeila bulu kelok Shédíke marlíngem iyinnato.

BEROK BINAM 15:7

Delo turna atí appi delokke akone teyong kotoki kínít dem duuyarna Shédíke marlíngem bíísétna uun bati kínítko bito.

BEROK BINAM 16:1

Delokrongem ngo kumkeng ekum delok teyong kotoki kínít delo ponamem “Gíkala, Shédíke marlíng bati kínídem among teyoso pílíktoka” emdope tatto.

BEROK BINAM 5:1

Delokrongem palenglo duuna delokke lakbíklo arot konemlang arot konem akor atnam kitabko ngo kaato delokke delo siil kínítko tuplíktung.

BEROK BINAM 5:6

Delokrongem ngo pettonam mérbeno kísanako paleng raadalo dakdope kaato. Bím turna atí appi delang miro kídíde daggo bomdo. Bí areng kínítko kado delokke amig kínítko kado. De Shédíke among tabuso megoolíknam aideke.

BEROK BINAM 8:2

Delokrongem ngo teyong kotoki kínítko Shédíke keralo dakdope kaato, delokke bulum bikul tapung kínítko bitung.

BEROK BINAM 8:6

Delo bikul tapung kínít bomna bíkke kotokide tapung mullenpe ito.