JOSHUA 6:21 - DEENA BAIBÉL (BSI)

²¹ Bulu doolung dem Ruutum keepe tolíkla, delo duuna mimedak milo dak, eejo-míjingdak koo-kíangdak, tani takamem petyinto. Bulu gooru, mér, gado, sobén delokke abíd taro kídíemte moka kayinto.

JOSHUA 6:21 Iomraidhean Croise

1 ROJA KÍDÍ 20:42

Delo kaaluna miride Ahab rojame luto, “Ruutum bí sikepe podung: ‘Ngokke mokadope lulígnam amidem no dugpí sudokupe melígnam legape, delok ayanpe nok yénamem doryan bipe aiyé. Bíkke maglíngem ipítsudope imonam legang ayanpe nokke maglíngem nyokyin moyéku.’ ”

JEREMIAH 48:18

E Dibonke ami kídía! Noluke angun-abéna dungko delok oila, ereena, baasannam amolo duulangka. Kapeila Moab em nyokmone, nolukíte aala, noluke líísak kumgo sunam, doolung kídíem lííyin biyé.

POBENG BINAM 13:16

Delo duutuana doolung ami kídí delokke ekuserang kídí takamem gíídalo gedum sugeyéla, Ruutum noluke Shédíke keralo aman binam kísape gedum sunam takam demla doolung dem apíírupe emelo romlík langka. Doolung deme ato-siro atí kaimadope mílírupe imola edílote doolungrupe imokumapeka.

POBENG BINAM 2:34

Dekepe ido delo ngolu bulume mime-milope, ome-oope, tani turna atel koteng kaimadupe nyokkak berokmoto.

POBENG BINAM 7:16

Noluke ale rumkílo, Ruutum noluke Shédíke ruulík binam mibo-miying kídíem nolu nyokyin molangka. Nolu bulum ayang-yaman sula, buluke uyu kídíem kumsula imapeka. Depe inamde noluke annyi supename.

JOSHUA 10:28

Joshua bí delo longe delo Makkedah doolungdem laato. Doolung delokke roja demlang mipil-miyong ami kídíem petyin berokto. Midum atel koteng bí turmomato. Jeriko rojem bí kape kísa itodí, deke kísapakpe bí Makkedah roja demte bí ito.

JOSHUA 10:39

Bulu doolung demlang ayir-agongke doolung kídídem laala, midum atel koteng turmomape petyinto. Bulu apíírupe nyokyinmoto. Bulu Hibron doolung kelang Libnah doolungke rojem lang ami kídíem kape kísa itodí deke pakpe Debir demte ito.

JOSHUA 11:11

Bulu doolung delokke midum atel kokom turmomape, petyinla doolung dem emepe romto.

JOSHUA 11:14

Doolung kídí delokke míínam ekuserang kídí emlang, taro kídíem, Israel kídíe buluke supe bomsii suyintoku. Idola tani emdan midum atel koteng turmomape petyin berokto.

JOSHUA 8:2

Jeriko emnam doolung delokke rojem, no kape kísa itodí, dekepe Ai doolung demlang, doolung delokke rojemte no iyé, idola so irum so dan nolu doolung delokke ekuserang kídí emlang simon-sili kídíem agíke supe bomsing suladoku. Doolung méélam dan delok bulu mamam sudope mimagem aabomdope irusulangka.”

JOSHUA 8:22

Depe idung delo, doolung dem emepe rílíkna opéé dete, mimakdem idum sutoku. Delo Ai doolung lokke ami kídídem mimakpe isép aloosubomto. Bulu Israel maglíng gooralo ila sékote dugge langkuna kalamato, delokke bulum takam moka kayinto.

JOSHUA 9:3

Idola Jeriko emla Ai doolungem, Joshuake inamem edílo Gibeon ami kídíe tattodí,

BEROK BINAM 18:21

Delokrongem teyong kotoki tolnakone botteruna lííbyangko siyéng teyolo gelíkdola sikepe pokai; “Sikepena bottena taon Babilon dem gepak yéne lekokom paayi kumayé.

1 SAMUEL 15:3

Gíla Amalek kídíem mimak ila, buluke takam ekurangem nyokyin molangka. Atí koteng mepak mapeka; milokong kídíem, mime kídíem, ome-oo kídíem, ojing kídíem, taroem, mérem, uut simonem delokke gado kídí takamem petyin songkin langka.”

1 SAMUEL 15:8

Bí Amalek kídíke roja Agagme turdope umto delokke ami takamem petyinto.