JOSHUA 6:19 - DEENA BAIBÉL (BSI)

¹⁹ Ruutum ke keralo uun, baldín delokke, pitol ekurang kídíe lang, arem ekurang takamde deena ato-sirope idung, iname dekeme Ruutum ke ekurangpe mesing kolo melíkpe aiyé.”

JOSHUA 6:19 Iomraidhean Croise

2 SAMUEL 8:11

Dabid roja sike simteng kumsuko agérlo, bíkke Edom, Moab, Ammon, Philistain delok Amalek, delokke Hadadejer kelok lanam baldín delo pitol ekurangem inadope kumlíkto.

1 ROJA KÍDÍ 14:26

Bí Ruutum ke Kumko Ekum arang delokke ekuserang takam emlang roja ekum kídí delokke ekuserang takamem giibomtoku. Bí Solomon ke monam uun téngking kídí demla kaapanam ato-siro takamem giiyin bomtoku.

1 ROJA KÍDÍ 7:51

Edílo Kumkeng Ekum lokke ato-siro tabungem roja Solomon bí píyin todí, delo bíkke abu Dabidke Ruutum kíng tosaklíknam uun, baldín delokke abíd-abíd ekurang kídíem laalenla Kumkeng Ekum lokke kumsunglo mesiitoku.

2 ROJA KÍDÍ 24:13

Ruutum ke porungnam kísa Nebukadnejjar Kumkeng Ekumlok murkong, roja ekumlo mekumnam murkong, delokke Israel roja Solomonke Kumkeng Ekum legape uunlok píla mekumnam takamem bomyintoku.

1 ODONG 18:11

Bíkke binam kídídem itaksula delokke Edom, Moab, Ammon, Philistia delo Amalek ami kídarem ikumla, bulu kelok lanam baldín, uun tabungdem lekope, Ruutum ke agérlo inadope Dabidbí kumlíkto.

1 ODONG 26:20

Delokke Lebi kídí aralok, Ahijahbí Shédíke ekum lokke abal emla tolíknam aman kídíke kumsungem kaabomnape ito.

1 ODONG 26:26

Shelomith lang bíkke erang kídarde, Dabid rojake, delo erang kídarlok ruutum kídíke, delo pínmík-ramíklok ruutum kídíke, delo sipaying ruutumkídíke Shédí keelo tolíknam aman takamem kaabomnape ito.

1 ODONG 26:27

Bulu mimak ikolok laala bomkunam ayokonem Kumkeng Ekumlo gérnadope tolíkto.

1 ODONG 26:28

Kaalu miri Samuel, Roja Saul, Nerke oo Abner, Jeruiahke oo Joab bulu tabungke aman bidum sunamem itaksula Kumkeng Ekum delo agér inadope tolíknam takamdem Shelomith lang bíkke erang kídíe kaabomto.

1 ODONG 28:12

Bíkke aapílo, kebang ipeko kídí, delokke dem dunggoopena pírtek kídí, delokke Kumkeng Ekumke ekuserang emla Ruutum kelo tolíknam aman kídíem mepeko kumsung kídíem, modope mííbomnam kídíemteng Solomonme bito.

2 ODONG 15:18

Shédíke legape bíkke abu Abijah, delokke bík agísuke uun loklang baldín lok mola tosak sunam tabungem bí Kumkeng Ekum delo leelíkto.

2 ODONG 31:12

Delo bulu míngkeng aapíem gela bidumsunam aman kídíem, íying sanpek kídarem, delokke tolíksunam ekurang kídíem aipe mesiilíkto. Bulu Konaniah emnam Lebi amiko kumsung dem kaabomna ruutumpe, delokke bíkke bíro Shimeime bím igulnape ullíkto.

NEHEMIAH 10:38

Aaronke odonglok miri kídíde, Lebi kídíke íying sanpek kídíem laaríksuyém Lebi kídílo yémín geyé, delokke Lebi kídíde íying sanpek kídí, delokke íying sanpegem Kumkeng Ekumlo agér inanape ngoluke Shédíke kumsung kídílo gelíkpe aiyé.

JEREMIAH 38:11

Delo Ebed-Melek bí ami tomsula roja kumsung ekum delo aala, ege-galuk akueke laala delokke sotkyaem bomla, sotkya dem asi déérung aralo Jeremiah kíng lettok bito.

LEBITIKA 19:24

Toodí takpi nanalo siipí-siiyé tabungem ashéng amanpe Ruutum kíng tolík langka.

MIKAH 4:13

Ruutum bí podung, “Jirusalem lokke ami kídía, gíla noluke miru kídíem ingéngtola! Ngo nolume arem reebung kídíem, delokke pitol lepuk kídíem gena rubo ralna kísape imoyé. Nolu deddína opín-buang ami kídíem ikumyé, delokke buluke momín-pamínlok paanam gumí-dogíng kídídem, taleng kuppo sokke Ruutum, ngokkelo nolu bomabipe aiyé.”

SANNAM 31:11

Bulu tani kídí emlang taro kídíem itaksula líínam ekurang takamem laala,

SANNAM 31:12

Jordan kékon Jeriko ke arotkonlo duuna Moab yiibeke notko delo, Israel kebang kerang delo lang miri Eleajar delokke Mosike keralo líínam ekurang takam demlang abílpe umnam tabungdem bomatoku.

SANNAM 31:22

uun, baldín, pitol, arem, bagitam, pakrang,

MATI 27:6

Ríne kídíe poisar kídardem tídum sudo langkula pokai, “Ayon lokke agompe sim abal kumsulo mekan kumang, kapeila si iyyi renana murkonge.”

MARK 12:41

Jisu bí daan líkkeng dem dungkasula duuto delo ami kídíde kumkeng ekum lokke kumsu delo daan poisar líknamem kanggapto. Deddína mirem amie bojé bojépe líkto.

JOSHUA 7:11

Israel kídíe paab ito. Bulum bomgapdope ngokke ukumlíknam daapong ayonem bulu ipéésuto. Nyokpakdope emla lulíknam ekuserang ayoko bulu bomtungku. Bulu doppyotula agom medung. Dekena belumnam ekurangem buluke ekuranglo meyél sutungku.