JOSHUA 6:17 - DEENA BAIBÉL (BSI)

¹⁷ Sim doolung simla, doolung arang sokke ato-siro takamem, Ruutum ke amanpe petkut alope aiyé. Notii Rahab melang bíkke ekum aranglo duuna kídí petomem melangka, kapeila ngoluke magro rokana annyidem bí rumnyok bito.

JOSHUA 6:17 Iomraidhean Croise

KEYUM KERO 12:3

“Séko nome utepooro políkyédí, dem ngo utepooroem ruulíkyé. Delokke séko nome péyédí, deme ngo péyé, delokke nokkelok tani among sokke opín kídí tabunge, ngok utepooroem paayinyé.”

EJRA 10:8

delokke migom kídíke lang miro kídíke lulíg agompe séko longum aralo aamayédí, bík ekurang tabungem langkamyé, delokke monnyokko loge aalatsukuna ami kídí lokke bím mengusuyé, emla Judah, delokke Jirusalem takamlo gogyingko goglíkto.

ISAIAH 34:6

Ipak ikolo pakanam, mér, sobén kídíke una, delokke iyyi kísape Ruutum ke yoksa delo une lang iyyie daklum líkyé. Sikena ipak agérem Bojrah doolunglo Ruutum bí iyé, delokke Edomlo botterupe paka-níkke kayé.

JEREMIAH 46:10

Idola de longede Ralyayalumna Ruutum ke longe. Bíkke miru teyolo edo rayan sudíku longe. Bíkke yokse, aang píípe bulum doyinma tetedem, buluke iyyiem aang píípe tííyinma tetedem, bulume patí bomyé.

EJEKIEL 39:17

“Tanike ue, Ruutum Shédí bí sikepe podung: Moonam lokke kebung-pettang, situm-simyo, sibé-sikat takamem ngokke buluke legape irung bipenam ipak adínem dodope tomdum suyin langka. De Israel dííte kídílo botteruna ipak inam kísanakope iyé. Delo bulu adín dola iyyi tííla iyé.

LEBITIKA 27:21

Depeila edílo aríkdem Jublilo ilen yékudí, de Ruutum kíng tolíknam deena ekurangpe ila delokke de miri kídarke ekuserang pe iyé.

MIKAH 4:13

Ruutum bí podung, “Jirusalem lokke ami kídía, gíla noluke miru kídíem ingéngtola! Ngo nolume arem reebung kídíem, delokke pitol lepuk kídíem gena rubo ralna kísape imoyé. Nolu deddína opín-buang ami kídíem ikumyé, delokke buluke momín-pamínlok paanam gumí-dogíng kídídem, taleng kuppo sokke Ruutum, ngokkelo nolu bomabipe aiyé.”

MATI 25:40

Rojade pobiyé, ‘ngo nolum aruem pobidung, nolu ingkuem sim amé yalumna ngokke bírokídí sim ibitodí, nolu ngomkom ibito.’

1 KORINTH 16:22

Séko Ruutumme ayamadí bí gérmang daklangka. E, Ruutume aatoboi!

1 KORINTH 2:7

Sina, ngolu kénpí manam Shédíke angun ralnam legape meruu binam agom emmin ngolu podune.

GALATIA 3:10

Ayonlo míídasuna takamde gérmang kolo dung, legade sim sikepe attung: “Mosike ayon kitablo atbinam mipíem iyar gemana mipilde gérmang daklangka.”

GALATIA 3:12

Ayonde míngkelo duumang; dempenem “Séko sikesim idudí bulu delok aralo duusuyé.”

POBENG BINAM 20:17

Nolu sim mibo-miying ami kídí sim petyin langka. Hittit amiem, Amorit amiem, Kanaan amiem, Perijjit amiem, Hibit amiem delokke Jebusit amiem, Ruutum noluke Shédíke nolum lulígnampe nolu ilangka.

HIBRU 11:31

Míngke lokmin notiipe ina Rahabme Shédíme míngge mana kídílo pettak sumane, kapeila bí makro rola inakídíem aipe kaarík iríksuto.

HIBRU 6:10

Shédí bí tetene; bí noluke agérem delokke nolu bíkke amiem igulla bím ayangem lengkansula delokke igul ayar namem bí mitpan sumang.

JEMS 2:25

Dekepakpe, notiipe ina Rahab meteng miru kídíem doomo pala delokrongem bí rego regolo menyok líkku kolok bím yéjii nakope sanmanía?

JOSHUA 2:1

Delo Nunke oo Joshua bí Shittim lok midum annyiko, rusisula rokang goodope lulígdola políkto, “Nonyi Kanaan amongem kanggong dola, Jeriko doolungem kaasi gootoka.” Depe polík kolok bínyi delo gíla notiipe ina Rahabke ekumlo dooto.

JOSHUA 2:22

Rokang goona annyide delok gílen langkula, adi amonglo rusisula dunggeto. Longe angum kokai roja delokke ami kídíde bedu-bedang among tabungem matagooto. Idola bulu bínyim mapang kíramla Jerikope aalatsutoku.

JOSHUA 7:1

Jeriko doolunglok nyokmopenam ekuserang atelkote lamapeka emla Ruutum ke Israel kídílo ukum binamem, bulu igemato. Akhan emnam amikone lulígnamdem tatmape ikolok Israel daapong teyonglo Ruutum bí marto. Akhanbí Karmike ue, delokke Jabdike otene. Bí Judah opínke Jerahke pínmík lokke amikuai.

1 SAMUEL 15:3

Gíla Amalek kídíem mimak ila, buluke takam ekurangem nyokyin molangka. Atí koteng mepak mapeka; milokong kídíem, mime kídíem, ome-oo kídíem, ojing kídíem, taroem, mérem, uut simonem delokke gado kídí takamem petyin songkin langka.”

1 SAMUEL 15:6

Delo bí Israel ami kídíem Ijipt among lok endakkuem ai-kampope iríksuna Kenit ami kídíem lutor agomko políkdola poto, “Nolum ngo bulukelo pettak sumadope, Amalek ami kídíem mela angukon among kolo gíge langka.” Dekepeila Kenit ami kídíe angukon amonglo gígeto.