JOSHUA 5:9 - DEENA BAIBÉL (BSI)

⁹ Depe irodem Ruutum bí Joshuame poto, “Siloke longe so, ngo noluke Ijipt amonglo abílpe duutuai emla deemana amínem ipakto.” Depeila delokke moolop dem silo loope Gilgal emla míndung.

JOSHUA 5:9 Iomraidhean Croise

KEYUM KERO 34:14

Bulu bím poyan suto, “Dínbíng iyodsumana amilo ngoluk bírme dem mimepe bommo mayé. Depe imílo ngolu agíem ipusiléé sudung.

2 SAMUEL 19:15

Bík aalat sudakkuem Judah ami kídíe, rojaem Jordan koronglo, korong kékon delok gíbokupe emla Gilgallo kaaríksuto.

NEHEMIAH 12:29

delokke Beth gilgal lok, Gebalok, delo Ajmabeth among kídílok aadum suto; kapeila miri luna kídíde Jirusalem degong delo buluke legape doolung molíktuai.

MIRILUNGGU 119:39

Ngokke pesope míínam luka luyélokke ngom mosiitoika; nokke bisarde edítko aidun!

JEREMIAH 9:25

Ruutum bí sikepe polendung: “Amíl-amo petomem pídésula ina kídíeme itung-irédí longe píídak.

EJEKIEL 23:3

Bínyike mimum koo delokkai ila, bínyike Ijipt amonglo duudung adapekai, bínyike mimum amílem deemamola notii mimepe ikai.

EJEKIEL 23:8

Ijipt amolo bíkke mimum amílem nyokmodo delokke ilenla, bí notiipe iyarkai. Bíkke mimum koo delokke ila, ami kídíe bíkke amíl-amoem ukla, bím deemang-amo ibosutíto.

HOSIA 4:15

“E Israel nolu abír-ajon idagakom, Judah erangme akampe imem momapeka. Gilgal, demangkom Bethaben kumpomlo gígong mapeka, demangkom deke delo, turna Ruutum ke amín lok pésumapeka.

LEBITIKA 24:14

“Notko luyulo lupu-luléna ami dem gílenbola, bíkke agomem tatna tabude bík dumpolo alag kídíe leelíg geyéla daapongpe bím tabunge elíng lok gepet langka,” emla políkto.

AMOS 5:5

Nolu Beershebalo kumsukape gímapeka. Ngom Bethello matamapeka; Bethel e nyokgítyé. Gilgal loteng gímapeka, kapeila sok ami kídarem arorupe monnyokyé.”

MIKAH 6:5

Ngokke ami kídía, Moab lokke roja Balakke nolume ipe emla míírutuanam em, delokke Beorke oo Balaam bí kape kísape bíme poyan sutuadín deme míípa sutola. Akasia notkolok ilenla Gilgal loope, bedanglo endungem inam atí kídídem míípasutola. Sike kídar sim míípa sutola, delo nolum mopítpe ngokke inam kídíem nolu kénsuyé.”

JEPHANIAH 2:8

Ralyayalumna Ruutum bí podung, “Ngo Moab delo Ammon ami kídíe, ngokke ami kídíem lukala luyé-lulénamem, delokke lute lula buluke amongem rotkamyé emnamem tatdung.

JOSHUA 24:14

“Dekepeila, supak Ruutumme pesola, bím míngkesula, jonnamrupe agér ibilangka. Noluke buku kídíke, Euphrates korong kékon elo lang, Ijipt amonglo kumsu-joosunam uyuem mepaklangka. Nolu Ruutum atel petomme agér ibilangka.

JOSHUA 4:19

Kerang pooloke longe íyingnana longe delo, ami kídíe Jordanlok aala Jerikoke sanggo danlo duuna Gilgal mooloplo notko ito.

JOSHUA 5:8

Israel opín-buang tabungpe dínbíng iyod suyinrodeme, taríe géngkuma teteloope bulu notko delo duupoto.

1 SAMUEL 14:6

Jonathan yaamé koodem poto, “Kaju ngonyi uyu kumsuna Philistain kídíke notko elo gílape. Ruutum bí ngonyim igulyépe. Bí igulmílo, ngolu anyong yadokom, íngkueteng ngolum buluke teyolo ikumdope itum lamayé.”

1 SAMUEL 17:26

Dabid bíkke ampeng lok ami kídídem íngkíto, “Sim Philistain ami sim petla, Israelem annying paapenam sok mopítna amide ingkokoda paayén? Turna Shédíke sipayingem mííjétna uyu kumsuna Philistain si sékoi?”

1 SAMUEL 17:36

Ngo deddína simyo emlang situmem petto, delokke kísape turna Shédíke sipayingem lujétna uyu kumsuna Philistain sim ngo iyé.

1 SAMUEL 7:16

Dítak mipíem bí Bethel, Gilgal delokke Mijpahlo en-gongla, so among kídíso ebín-ebon kebang kídíem luyin bodungai.