JOSHUA 5:6 - DEENA BAIBÉL (BSI)

⁶ Ijipt elok lenkuna minena ami tabunge, Ruutum ke agom-aangem tadbimanam legape, Israel takame yépol mooruk amonglo takying appi kope bilgola, minena tabunge siyinma tetengem yégooto. Kapeila Ruutum bí buluke abu kídí keralo ngullange lang gakíre biingko amongem ngolume biyé emla togesutuai. Idola buluke agom-aang tadmanam legape, bulum dem among dem kaapamomayé emla Ruutum bí pésuto.

JOSHUA 5:6 Iomraidhean Croise

MIRILUNGGU 107:4

Ayokone bedang looríyimang, mooruk apyamlo doolung duupeko mapa yimape matíto.

GÍLEN KUNAM 3:17

Dekepe ila, nolume Ijipt lokke ankí-keno adír kolok laalen langkula, gakír elang ngullange biingko, Kanaan amike, Hittit amike, Amorit amike, Perijjit amike, Hibit amike delokke Jebusit ami kídíke amonglo langaang dokupe ngo pésudung.”

GÍLEN KUNAM 3:8

depeila Ijipt ami kídíke alaglok, bulum mopít dope, delokke bulum Ijipt lok laalen langkula, aina bortakna amongpe ina, ingkona among lodí gakír elang ngullange biidudí, dekena Kanaan kídíke, Hittit kídíke, Amorit kídíke, Perijjit kídíke, Hibit kídíke delokke Jebusit kídíke duupom amonglo laangang kupe, ngo tokdung.

JEREMIAH 2:2

“Jirusalem ami takamke tatkolo, gíla sim polangka: Nokke mimum koope idungem, no ngome arorup míngkesula, ngonyike nyamram ití-igo delo nokke ngome yagorupe mííbomla, atí-sirí lelíkmangko amolok, delokke yépol mooruklo, ngokkíng gímín genamem, ngo míípasudung.

EJEKIEL 20:15

Depeila miremna, ardana, kampo yalumna, ngokke bulum binam amodelo bulum, ngo bomang kupomayé, emla yépol amodelo ngo pésuto.

EJEKIEL 20:6

Delo longe delo ngo, among takam lokke kampoyalumna amongpe ina, ingko amolodí gakíre lang ngullange biidudí, dekena ngokke matala irunam amonglo, ngo bulum bomayé emla togesuto.

JOEL 3:18

“Dekena longe kídí delo, dííte kídílo, onggur ane garyin saabom yéku. Díítum kídílo gooru-sobéne yéyin bomyéku, delokke Judah among lokke sirung kídí takame, asi kayin yéku. Ruutumke Kumkeng Ekum lok korong ko bilenyé, delokke de Akasia Yiibe em asi biyé.

SANNAM 14:23

mitel kote, buluke abu kídílo ngokke pésulíknam amongem kaapana kamayé. Ngome míípakla yéna amie sékote sim among sim kaapamayé.

SANNAM 26:63

Sikesi miri Eleajar kelang Mosike Israel opínem atyonla Jeriko arot konke Jordan korong robengke Moab yiibelo sankuname.

POBENG BINAM 1:3

Dítak íying appi lokke poolo íying kolang atelke, kerang longe delo, Israel kídí legape Ruutum ke lulígnam tabungem, Mosi bí Israel kídíem pokan goobito.

POBENG BINAM 2:14

Ngoluke Kadesh Barnea lokke gílen doku delokke ila, Jered yiibeme gíboodo deloope, takying angum kolang dítak píínyiko ito. Dekepe yégodo rubuudem, Ruutum ke buluke teyolo pésunam adupe, mimak ina siirum tabude nyokyinkai.

POBENG BINAM 2:7

Noluke alag mengkíko agér tabunglo, Ruutum noluke Shédíke nolume utepooro ruubinamem míípa sulangka. Noluke sikena míípíng-kaapíng yimanam, yépol mooruklo bí nolume kaabomto. Siddína takying appi dítak kídíso, nolu pííram-hamo atí kamape, Ruutum noluke Shédíke yébo kolok nolu ito.’

POBENG BINAM 8:4

Takying appi kídí delo, noluke ege galuge ínmato delokke noluke ale kídíe bíímato.

HIBRU 3:11

Dekepe ila ngokke marlílok ngo sikepe lubeng berokbito: ‘Bulu edílokom ngokke dungkolo aalamayé.’ ”

JOSHUA 1:6

Aapíe edíípe mínggapla miramlangka. Kapeila buluke buku-nekuem, ngokke bisuyé emla togesunam asi-among delo, bulu yébom dokupe no bulum gíboyé.

JOSHUA 24:7

Idola edílo bulu Silíng Siyéng delo ngokke igulem kabbom todí, ngo Ijipt kídí kelang buluke pénsam delo kamuem ilíkla, Ijipt kídíke teyolo asi silungem eelum mola, bulum nyokyin moto. Deme nolu agí amigete kaayinsuto. Dekepe irodem nolu yépol mooruk amonglo deddína longem yégoto.

JOSHUA 5:5

Ijipt lok gílenkuna takamde, dínbíng iyod suyinto. Idola bedu-bedalo endungkuem onam oo kídíde dínbíng iyodsumato.

JOSHUA 5:7

Depeila Ruutum bí buluke ome-oo kídíem, buluke ayanpe siirep motoku. Dekepe siirep mokunam bulum min Joshua bí dínbíng iyodtokune, kapeila entíng-gítínglo dínbíng iyodmape ituname, bulu dínbíng iyodsumana amipe yéyinto.