JOSHUA 5:1 - DEENA BAIBÉL (BSI)

¹ Jordan korongem ngoluke gíyinma tetengem, Ruutumke Israel kídí legape, asiem pítílmola inamem edílo Jordan korongke anggodanlo duuna, Amorit roja kídíe lang siyéng robeng abulo duuna Kanaan roja kídí takame tattodí, bulu dem tatla buluke aapí-aange yagorupe améng gela, Israel kídíem mimak iríksupe atí ralnam kaimato.

JOSHUA 5:1 Iomraidhean Croise

KEYUM KERO 12:6

Abram bulu among raadang delok gílang, Shekem ayirlo duuna Moreh lokke kumsuko esing delo pííto. Delo longe delo Kanaan ami kídíe among delo yébomdo.

KEYUM KERO 48:22

Delokke ngokke yoksa loklang iyyi epuklok ikumla Amorit kídílok langkamnam, Shekhem moone etpang dem, nok abíng kídíemmang, nom ngo bidung.”

2 SAMUEL 21:2

(Gibeon lok ami kídíde, Israel lok amimangíai; bulu Israel kídílok mopít-ipít biyé emla pébisunam Amorit ami asumkuai. Idola, Saul bí bík agísu Israel, delokke Judah legape bulum inyokpem ito).

1 ROJA KÍDÍ 10:5

Bí apim-oying donam-tíínam kídíem kaala, Solomon ke migom kídíke duupom kídíem kaala, roja ekum arang, delokke ami kídíke agér inam kídíem kaala, buluke ege-galuk genamem kaala, doman-tíímanlo agér ibina kídíke séguem kaala, Solomon ke Kumkeng Ekumlo ipak inam kídíem kaayin goola, deke tabungdem bí míírí-míínyope mííto.

EJRA 9:1

Sike atí takam sim iyinrong delo, ruutum yégebona kídíe ngokkíng aala luto, “Israel ami kídíelang, miri, delokke Lebi kídíe, Kanaan ami, Hittit ami, Perijjit ami, Jebus ami, Ammon ami, Moab ami, Ijipt, delokke Amorit ami kídíke angu-angu amonglok belum-bekamna agér kídí lokke bulu agíem deenampe mesumang.

MIRILUNGGU 135:11

Amorit lokke roja Sihon, Bashan lokke roja Og, delokke Kaanan lokke roja takamem petto.

GÍLEN KUNAM 23:28

Ngo noluke kerang kerape mamam sunam pesoem megelíkla, Hibit, Kanaan, delokke Hittit kídíem, noluke bedang gítíng lok monpak biyé.

ISAIAH 41:5

Mootenglo duuna among takame, ngok inamem kaala pesoríankai, depeila bulu takame píídumsula aayinkai.

EJEKIEL 16:3

Ruutum Shédíbí Jirusalemke teyolo ingkona agomem lududí, dem no bíme pokan bilangka: “Nome Kanaan amolo olento. Nok abue Amorit amikuai, delokke nokke ane Hittit mimekuai.

EJEKIEL 21:7

Edílo bulu nome, ‘Kape no sigíndune?’ emla íngkíyém, no sipe polangka, ‘Agom kobor angkupena legape sipe idung. Kapeila mipil-miyongke aapí-aange yolyé, buluke alag kídíe lakbyayé, buluke aid kídíe améngoyé, delokke buluke lebíng kídíe ralnam kaimala danyé.’ Ruutum Shédí ngo sipe podung: Dekena moodíe píídak, dekede arorupe iyé.”

DANIEL 5:6

Dem kaala bí mikmoe sémal gela, yagorupe pesokolok bíkke lebíng annyie danto.

AMOS 2:9

“Ngo buluke keralo Amorit em petpakto. Bí bodonge sidar esing kísa ituai, delokke ok esing kísa toltuai; idolateng ngo bík ayém teyolok ipakto, delokke bík appírem rumkílok gurpakto.

SANNAM 13:29

Negeblo Amalek kídíe dííte amonglo duudung. Kanaan amie siyéng asi robeng lolang Jordan korong abelo duuyondung.”

JOSHUA 17:12

Idola Manasseh kídíde delo duuna ami kídíem monpak lamato. Depeila silo loope de Kanaan ami kídíde doolung kídí delo duudung.

JOSHUA 17:18

Adi among kídíde noluke. Deke delokke moonam kídíem nolu ikutla dunga bomlangka. Kanaan ami kídíde arem gaariem bomdagakom, delokke bulu miram amipe idagakom bulum monpak langka delokke nolu bulum monpakyé.”

JOSHUA 24:15

Nolu Ruutumme agér ibilíímamílo, séko memda nolu agér ibipe míídon? Silo noluke míínamem beroktola. Nolu Euphrates korong kékonlo noluke buku kídíke uyu emía, ma, siloke noluke ale tuangko Amorit ami kídíke uyu emía agér ibipe míídun? Idola ngo lang ngokke ekum erang ngolu kepedan Ruutum petomme agér ibiyé.”

JOSHUA 3:16

Dekepe ido delo ali-aam gatdí-idíe, delokke Jordan korongde goola bottedo. Idola edílo, Daapong Sondukdem joobomla miri kídí delokke ale koronglo tuatodí, aside biiyimape biidesula, Jarethan deego-yilo loope duuna Adam emnam, mootengo telokai duuna luune deloope korong aside biingkumsuto. Delokke sokko danpe Arabah Siyéng (Alo Siyéng) loope biitokna asidem gensékto. Depe ikolok ami kídíe Jerikoke arotkon danlo pííto.

JOSHUA 3:17

Ami kídí lokke pítílko among delok gíla, opín-buang daadie gíyin loríloope, Ruutum ke Daapong Sonduk dem joobomna miri kídíe, Jordan among pítílna korong raadang delo joobomla dagya yatíto.

BEROK BINAM 18:10

Bím iréé namem pesola, bulu mooteng lokke dakdola sikepe kapyé: “Gérmange! Gérmange! E, Bottena taona: E, Babilon, pauar kana doolunga! Gonta atellok nokke gíímange aadubong!”

KEBANG RUUTUM KÍDÍ 1:1

Joshuake sirongem, Ruutum me Israel kídíe íngkísuto, “Ngoluke aralok Kanaan ami kídíem mimak imínsupe sékoda kerayalumpe gígeyén?”

KEBANG RUUTUM KÍDÍ 11:23

Depeila Ruutum Israelke Shédí bímino, bíkke agí amisu Israelke legape Amorit kídíeme monpaktone.

KEBANG RUUTUM KÍDÍ 3:3

Among delo turmonam kídíde: Philistain roja pilngode, takam Kanaan ami kídíde, Sidonlok ami kídíde delokke Baal Hermon dííte lok ila Hamath gééjongke Lebanon amonglo duuna Hibit ami kídíde.

KEBANG RUUTUM KÍDÍ 4:2

Depeila Hajorlo rojape duuna Kanaan ami Jabinke alag aralo Israel kídíem Ruutum bí kolígto. Jabinke maglíng ruutumpe Sisera bí ito. Bí Haroseth haggoyim emnam doolunglo duunakuai.

1 SAMUEL 25:37

Delokke Nabalke peebeng rongkuem, Abigail bím legang takamem pokan biyintoku. Dem tatla Nabalke aapíe loorímape alempe ila amíle líídung kísape tolkai.