JOSHUA 4:6 - DEENA BAIBÉL (BSI)

⁶ Dekede noluke aralo iyodkope iyé. Yépenamlo edílo noluke ome-oo kídíe, ‘Si elíng kídísi íngkuedí,’ emla ííyéme?

JOSHUA 4:6 Iomraidhean Croise

MIRILUNGGU 44:1

E Shédíe, ngoluke nyorulok ngolu tatsuto, konnying mennying kake yédudelo nokke inamem ngoluke abu kídíe ngolum pobito.

MIRILUNGGU 71:18

Supak ngo mijinge, delokke ngokke dumíd si dumpukai, E Shédía, ngom mepak mayika! Aapena siirum takamlo nokke deenam emlang tolnamem pokandung, ngokkíng duumínlangka.

GÍLEN KUNAM 12:14

Sim longe sim, nolu angkupena siirum takam loope, Ruutum ngo ingkuem itodí dem míípa suyar gela yéyar gedope, adeng-apepe iyar gelangka.”

GÍLEN KUNAM 13:14

Yépenamlo nok ue, ‘Sikepe inam si ingkue?’ emla ííyéme, no bím sikepe poyil langka: ‘Ijipt amonglo ngoluke abílpe ila yédungem,

GÍLEN KUNAM 13:9

Si igenam si, noluk legape noluke alag kídílo iyod kísane, delokke Ruutumke ayonem noluke nappalo yidgedope, nolume míípa sumonane. Kapeila bík lakbíng tolnamlok, Ruutumbí nolum Ijiptlok laalen toku.

GÍLEN KUNAM 31:13

Israel kídílo sipe polangka, “Nolu ngokke Sabbath em nyolangka. Nolum deedope ina, ngo Ruutumbí, emla nolu kéndope delokke, siirum-siirum loope noluke lang ngok pénsamlo lengkan nana iyodpe si nyonam si iyaryé.

ISAIAH 38:19

Turna kídí petome min ngok siloke yidnam kísa, nome yidgedune. Nokke aapí edíngem abu kídíe buluke ome-oolo popadung.

ISAIAH 55:13

Tang kana moonam pasum ayanpe, saipres esinge garyé, delokke peji-pereng ayanpe, mirtel esinge bukrepyé. Si agínpe turyarpena iyod kope, duuyaryé, delokke Ruutumke agér inamem míípang suyarmoyé.”

EJEKIEL 20:12

Ruutum ngomino bulume deemone emla, bulu míípa suyardope ngokkelang buluke pénsamlo daapong ibosunamke iyodpe Sabbath longeme nyolangka emla iyodkope leeto.

EJEKIEL 20:20

Ngokke Sabbath longedem deena longepe nyolangka. Kapeila de longede nolukela ngokke pénsamlo kangkén supenam iyode, delokke teyolo ngo Ruutum noluke Shédí bí emla nolum mínggemoyé.

SANNAM 16:38

Dekedem, Ruutum ke runggulo bomayém deena ekurangpe dekede idung. Depeila agí paab legape simonam ami kídí simang delok, eme ekung kídíem tídumsula dekedem bésorna tingpe dembyor langaala rungguem tamkap nadope ilangka. Sike si Israel amiem lutornam iyodpe iyé.”

TOMLÍKNAM 2:39

Shédíke pébi sunamde nolu kepelang noluke ome-oo kepe delokke mootelo duuna takam kepe Shédíke tomlen penam ami takam kepemin kadune.”

POBENG BINAM 11:19

Dekedem noluke ome-oolo poyil langka. Noluke ekumlo duubosuyém, noluke bedu-bedanglo enyé-gíyém, noluke ibayém delokke noluke gerep yékuem dekedem nolu pobosulangka.

JOSHUA 22:27

Delok ayanpe ngolukom Ruutum ke Tombulo ashéng amanem bila, romnam amanem ipak ilíkla Ruutum ke deena Tombulo kumsudung emla ngolukom, nolum lang ngolum yétít kupena siirum-siirum loope kénsudope, noluke lang ngoluke pénsamlo iyod konpe idope sim píto. Sipe irodem noluke oten ome-oo kídíe, ‘Nolu Ruutum kíng atí kabosumang,’ emla manlang kumayé.

JOSHUA 4:21

Bí Israel kídíem poto, “Lunnyi-nyampo edílo noluke oten ome-ue buluke abu kídíem, ‘Si elíng kídar si íngkuedín?’ emla íngkíyéme,

JOSHUA 4:5

“Ruutum noluke Shédíke Daapong Sonduk esim gípong geyéla, Jordanke korong raadang elok, Israelke opín-buang miyongem, mííbomdola mipil miyongpe nolu elíng asak pyala agí-agí gordulo joobom langka.