JOSHUA 4:24 - DEENA BAIBÉL (BSI)

²⁴ Nolu, Ruutum noluke Shédíme agínpe pesola yége ayardope, delokke tani among sokke ami takame, Ruutum bí botterupe pauar kanako emla kéndope sime ito.”

JOSHUA 4:24 Iomraidhean Croise

1 ROJA KÍDÍ 8:40

Sikepe no imílo, ngoluke neku-bukulo nokke asi-among rubinam so nokke ami kídar sokke duudu tetengem bulu nokke agom-aangem tatyé delokke nom pesola yéyé.

1 ROJA KÍDÍ 8:60

Depe imílo tani among sokke opín-buang daadie Ruutum petommin Shédíe delokke anguyang kamang emla kényinyé.

2 ROJA KÍDÍ 19:19

Supak, Ruutum ngoluke Shédía, tani amongke yéta takame, no petommin, E Ruutum Shédíe emla kényindope, ngolum Assiria rojake alaglok mopítyika.”

2 ROJA KÍDÍ 5:15

Delo Naaman bík ami takamem gíbola Elisha kíng aala sikepe poto, “Supak lokke Israel petomlo Shédí kadung, abídlo kamang emla ngo kénbengkai. Depeila ngok aman gebinam sim no ayala laarík sutoika.”

1 ODONG 29:12

Takam mite-mirem elang aipe mínggename nokkelok aadung; no tabungem nokke ralnam loklang pauarlok ruutum bomdung; delokke no séko meteng bottemola delokke ralmoladung.

JOBKE KITABE 40:9

No ngokke kísa ralnakua? No ngokke kísa doomír adudpe dudlayén?

MIRILUNGGU 106:8

Idakkom bí bíkke pébisukorlok, bíkke tolna ralna agérem lengkannape bí bulum laasitoku.

MIRILUNGGU 89:13

No ralnarungko! nokke ralname séngééne!

MIRILUNGGU 89:7

Nom deena kídí gooralo mínggedung, delokke bulu takame nom pesogedung.

GÍLEN KUNAM 14:31

Edílo Ruutumbí, botterupe miga-ralnamlok, Ijipt kídíem ikumnamem, Israel kídíe kaatodí, Ruutumme ami kídíe pesoto, delokke bímla, bík béérang Mosime míngkesuto.

GÍLEN KUNAM 15:16

Akén-ayén yimanam pesue, bulum aabomkai, E Ruutum bulu nok ralnamem kaala, nokke abíllok ipít kunam, nok ami tabunge, yon-yinmaadem, bulu pesolok dakkén dakyén gemape iyé.

GÍLEN KUNAM 20:20

Mosi bulum poyan suto, “Pesomapeka, Shédíbí nolum paablo yémadope, bík lulígem nolu iyargedope, nolum ikang kípe emlamin aadune.”

GÍLEN KUNAM 9:16

Idola, ngok amínem tani among rego mipííso pokan godope, delokke ngok pauarem, nok teyolo lengkan dope mííla, ngo nom metur potung.

ISAIAH 52:10

Ruutum bí agíke deena alag ralnamem, opín takam kangkolo lengkansula, agí amieme ipí suyéku. Tani among kéényung loope, ngoluke Shédíke turnam binamem kaapayé.

JEREMIAH 32:40

Ngo bulukíng agínpe duuyarpena Daapongem ibosuyé. Aina agérem ngo bulum ibi ayaryé. Ngokkelok bulu gílat sukumadope, ngome pesola mínggela yéyar dokupe ngo buluke aapí-aangem anípe usa moyéku.

POBENG BINAM 28:10

Delo tani amongke opín-buang takame, Ruutum ke amínlok nolume mínnamem kaala-tatla nolume pesoyé.

POBENG BINAM 6:2

Nolu asi-among elo deddína longem turla yébomdope, ngokke nolum binam Ruutum noluke Shédíke ayon takamem nolulang noluke otíng-oyine airupe igap bomla Ruutum noluke Shédí me pesolangka.

1 SAMUEL 17:46

Siloke longe so Ruutum bí nom ngok alag araso ruulíkyé; ngo nom ikumla nok dumpongem papakyé. Delokke ngo Philistain sipaying kídíke simangem pettang emla simonem domoyé. Delo taleng-kuppo si Israelke Shédíko kadung emla kényé.