JOSHUA 4:19 - DEENA BAIBÉL (BSI)

¹⁹ Kerang pooloke longe íyingnana longe delo, ami kídíe Jordanlok aala Jerikoke sanggo danlo duuna Gilgal mooloplo notko ito.

JOSHUA 4:19 Iomraidhean Croise

2 ROJA KÍDÍ 2:1

Elijah lang Elisha bínyi Gilgallok enlenla bedanglo endungem Ruutumke Elijahme teyong amongpe meyatlok laasang díkue píngkai.

AMOS 4:4

Ralyayalumna Ruutum bí podung, “Israel lok ami kídara, nolu paab iperu mílo Bethel lokke deena mooloplo gíla paab itola! Noluke ralnam takamlok Gilgal lo gíla paab itola! Noluk ipak ilík penam taro kídíem rodípe bomatola, delokke noluke íying sanpegem longum méélam takamlo bomatola.

AMOS 5:5

Nolu Beershebalo kumsukape gímapeka. Ngom Bethello matamapeka; Bethel e nyokgítyé. Gilgal loteng gímapeka, kapeila sok ami kídarem arorupe monnyokyé.”

MIKAH 6:5

Ngokke ami kídía, Moab lokke roja Balakke nolume ipe emla míírutuanam em, delokke Beorke oo Balaam bí kape kísape bíme poyan sutuadín deme míípa sutola. Akasia notkolok ilenla Gilgal loope, bedanglo endungem inam atí kídídem míípasutola. Sike kídar sim míípa sutola, delo nolum mopítpe ngokke inam kídíem nolu kénsuyé.”

POBENG BINAM 1:3

Dítak íying appi lokke poolo íying kolang atelke, kerang longe delo, Israel kídí legape Ruutum ke lulígnam tabungem, Mosi bí Israel kídíem pokan goobito.

POBENG BINAM 11:30

Si dííte annyi si Jordan korongke anggodanlo dung delokke de annyide Jordan yiibelo duuna Kaanan ami kídíke among rísu aralo kadung. De annyide Gilgal doolung ayirlo duuna Moreh lokke kumsuko esing delok mooteng mape anggo danlo kadung.

JOSHUA 10:43

Sikepe irodem Joshua lang Israel maglíngde buluke notko doopomlo enlatsutoku.

JOSHUA 10:6

Delo Gibeon ami kídíde, Joshuake Gilgallo notko ila duuduem, “Ngolume adi amonglok Amorit roja kídíe mimak iyabomdung, nolu menape aala ngolum mepaksumape igultoika,” emla Joshua kíng rogu aato.

JOSHUA 15:7

Delokke rísude Akhor Yiibe lok saalang kula Debir loope. Delokke de yiibe delokke sokko danem geríksuna, Adummim gééjongdem dakrík sukuna Gilgal loope. Delokrongem de gílang kula Enshemeshke asi kídí emko delok ilangkula Enrogel rísu delo paddoku.

JOSHUA 24:11

Depe irongem nolu Jordan korongem koola Jerikolo pííto. Jeriko ami kídí de nolum mimak imínsula, delokke bulukíng makpépe doola, Amorit, Perijjit, Kanaan, Hittit, Girgash, Hibit delokke Jebus ami kídíete mimakpe imínsuto. Idola bulum takamem ngo noluke alag aralo ruuyinlíkto.

JOSHUA 4:18

Depe lulíkrodem Ruutum ke Daapong sondukdem joobomna miri kídíde, korong delok gílentoku. Edílodí buluke ale kídíe, pítílko robeng delo tuangtokudí, delopak Jordan korongke aside kerangke kísa puumupe toktoku.

JOSHUA 5:10

Jeriko lokke yiibe Gilgallo duudungem, poolo delokke longe íying kola appinana lokke yume delo, Israel kídíe Gíbong adeng-ape em ibosuto.

JOSHUA 5:9

Depe irodem Ruutum bí Joshuame poto, “Siloke longe so, ngo noluke Ijipt amonglo abílpe duutuai emla deemana amínem ipakto.” Depeila delokke moolop dem silo loope Gilgal emla míndung.

JOSHUA 9:6

Bulu Gilgallo Israel kídíke notko ila duudungem, Joshua kíng lang Israel lok miri kídí keralo sikepe posuto, “Ngolu mooteng among lokke aadung. Ngolum bonyingko ibosuika.”

1 SAMUEL 10:8

No ngok kerape Gilgal elo en-geyé. Elo ngo nom kaaríksula romnam ipak kídí emlang gídum ipak kídíem ilíkyé. Delo ngo aala ipenam kídíem pobima tetelope longe kínídko toyalangka.”

1 SAMUEL 15:33

Samuel pokai, “Nokke yoksae kapekísa deddína aneme koo kaimadope imotodín, dekepe, mime aralo nokke anekom koo kaimayé.” Dekepe empala bí Agagme Gilgal lokke runggu keradelo patung-payungto.