JOSHUA 3:5 - DEENA BAIBÉL (BSI)

⁵ Ami kídíem Joshua bí poto, “Nolu agísuem deebín sulangka. Kapeila nyampo noluke gooralo, Ruutum bí irisinyo agérem ikanboyé.”

JOSHUA 3:5 Iomraidhean Croise

JOBKE KITABE 1:5

Dekepe doman-tíímanem irongem, agínpe Jobbí rokompe gerepla koo kídíke deemangem idééku legape romnam amanlok romtí dungkuai. Bíkke oo kídíke akone Shédíke keralo lumem-imemla paab iket sulangkom itope emla bí míítíla, agínpe bíkke idong kope bí deme iyarbomto.

MIRILUNGGU 77:15

Nokke ralnam kotírlok no nokke amikídíem, Jakobke oo kídí emlang Josephke oo kídíem repíttoku.

MIRILUNGGU 86:10

Kapeila no bottena delokke irisinyo atíem ine, no petommin Shédíe.

JOEL 2:16

Ami takamem dumsu mola, Deena kebangko baadope irung langka. Abu mine kídíem lang koo kídíem, delokke anyun sunnam daadilope gogdum sula, aní pakpe nyamram ibosuna emteng, buluke ekum lok tomlen bomlangka.

LEBITIKA 10:3

Depe irodem Aaron me Mosi bí poyilto, “Sikepe ipenam legangem moko Ruutum ke podungem emtuane; ‘Séko buludí ngok keralo aayéne, ngok deenamem ngo lengkan suyé; ami kídí keralo ngome yidge moyé.’” Aaron bí asoope ito.

LEBITIKA 20:7

Ngo Ruutum noluke Shédíe, nolu agíem tosak sulíkla deelangka.

SANNAM 11:8

Ami kídíde gígoola dekedem títa goola deme ímík mamílo nyotmík rongem ettíngpe ila, delo deme apu-apupe raala idungai. De olib téllok keenam kísa ngamdungai.

JOAN 17:19

Bulute aro deenamlo míímo sudope emla, buluke legape ngote agísuem deenamlo míímo sudung.

JOSHUA 3:13

Edílo tani among takamke, Ruutum bíkke Daapong Sondugem joobomna miri kídíe asilo ale tuayédí, delo sokko danpe biitokna Jordan korong asie biiyimape, bingesula alop atel kolo bingkumsuyé.”

JOSHUA 3:4

Nolu sike so letel kokom yékímang ila, noluke bedangem bulu gíboyé. Idola noluke lang Daapong Sonduk delokke pénsamem, kilomitar koope mootengem melangka, nolu delokke anínlo gínín mapeka.”

JOSHUA 3:6

Delo Joshua bí miri kídíem lulíkto, “Nolu Daapong Sonduk dem joola ami kídídem gíbola gígelangka.” Depe pokolok bulu deme joolangala, ami kídí kerape gígeto.

JOSHUA 7:13

Darep tokula, ami kídíem deebín dokula sipe polangka, ‘Nyampo nolu agí-agísue deebín suyinlangka. Kapeila Ruutum Israelke Shédíbí sikepe podung, “E Israel kídí, noluke aralo nyokmopenam atoeke bomsup bosudung. Dekena nyokmopenam ato kídíem noluke aralo bombo sudutetedem nolu miruem dagrík sulamayé.”

1 SAMUEL 16:5

Samuel poyansuto, “E, ngo so ipakko Ruutum me ilíkpe aadung. Nolu agíem deebín-ibín sula ngokkíng aamín gelangka.” Bí Jesse melang bík oo kídí emteng deesudope pola ipak delo aadope tomto.