JOSHUA 24:25 - DEENA BAIBÉL (BSI)

²⁵ Dekepeila delo longe delo Joshua bí ami kídí delo lekope daapongko ibosuto. Dekepe Shekhem delo bí bulum ayon kídí emlang idong kídíem ami kídí legape ibila ito.

JOSHUA 24:25 Iomraidhean Croise

KEYUM KERO 35:4

Depe pokolok bulu takame buluke alaglo bomnam, mibo-miying lok uyu mimang kídíem lang, nyorung tekbang kídí tabungem Jakobme bito. Jakob deke dem Shekhem anínke ok esing leríng delo yuto.

2 ROJA KÍDÍ 11:17

Jehoiada delo Ruutum kelang ami kídí delokke rojake pénsamlo daapongko ila, bulu Ruutum ke amipe iyéku emla tolík sumoto. Bí roja kelang ami kídí pénsam lokom daapongko iboto.

2 ODONG 15:12

Bulu takame Ruutum, buluke buku-nekuke Shédíme, aapí, delokke aang takamlok, kumsuyé emla tolík bosunam daapongko ibosuto.

2 ODONG 15:15

Tabung Judah lok ami kídarde ashéto, kapeila bulu buluke aapíe apíírupe daapong dem tolík bosuto. Bulu Ruutum me kumsunamem ashéng bomto, delokke bí bulum toríksula rego takamlo eetet-dengomem bito.

2 ODONG 23:16

Delo Ruutumke amipe idokupe Jehoiada, bíkke lolang takam ami kídar, delokke roja delo daapongko ibosutoku.

2 ODONG 29:10

“Supak ngokke aapílo ngo Ruutum, Israelke Shédí kíng Daapongko, ngoluke teyonglok bíkke marlínge gípak dokupe ibosupe míídung.

NEHEMIAH 9:38

Sok takam sok legape ngolu edíngpe daapongko mola attung, delokke ngoluke roja oo kídíe, ngoluke Lebi kídíe, delokke ngoluke miri kídíe buluke siilem so tuplíkto.

GÍLEN KUNAM 15:25

Mosibí airupe Ruutum kíng kapgu suto. Delo Ruutumbí, bím esing lokke asékko lengkanla, deme asilo yoblík toname, aside tííbang kaku. Delo Ruutumbí, bulum yégenape yédong ayonem lubila bulum ikang kíto.

GÍLEN KUNAM 24:3

Ruutumke lulígnam takam demlang, idongem ami kídí delo Mosi gílang kula pobi rongkudem ami tabungde, “Ruutumke ponam tabudem ngolu iyé,” emla agom atelpe bulu elíkto.

POBENG BINAM 29:1

Si Israel kídílo daapong ibosudope emla Moab amonglo Ruutum ke Mosime ayon lulígnam kídare. Sikesi Horeb díítelo daapong ibosunam teyolo itemkuname.

JOSHUA 24:1

Shekhem doolung delo Israelke opín-buang takamem Joshua bí laadumsuto. Bí Israelke miro kídíem, maglíng ruutum kídí emlang migom kídí tabungem gogdumsuto. Bulu Shédíke keralo takame lengkan suyinto.

JOSHUA 24:26

Dekepe ibinam kídídem, Joshua bí Shédíke ayon kitablo atlík bito. Depe atbipala bí botteruna líídungko laala Ruutum ke deena moolop delo rotne duuna leríng delo dííto.