JOSHUA 24:20 - DEENA BAIBÉL (BSI)

²⁰ Nolu bím mepak supala bík teyolo mirolpe ila, nolum itung-iréyépe. Bí kerape noluke teyolo aiduakom nolum nyokmo yékupe.”

JOSHUA 24:20 Iomraidhean Croise

1 ODONG 28:8

“Dekepeila supage, ngok ami kídara, ngoluke Shédíke kerang lolang Ruutumke ami kídí, Israel takamke bamdum sukoso, sim aina among sim bomyardope, delokke nolu sime noluke oten-sirek loope bommoladope, Ruutum ngoluke Shédíke lulígnam takamem airupe igelangka emla pogaplíkdung.”

1 ODONG 28:9

Delo Dabid Solomonme poto, “Ngokke oo sakkenga, nok abulokke Shédíme no mínggelangka, delokke ipansumana aapíem gela, erbomdola bíkke agérem gérbilangka, emla ngo nom pogapdung. Bí ngoluke míídung-míítok kídíemlang aapí míínam kídíem kényindung. No bíkkíng gímílo, nom bí toríksuyé; idola no bíkkelok gípat suyémílo, bí nom agínpe mepakyé.

2 ODONG 15:2

delo bí Asame kaaríksupe gílenla, bím poto, “Asa, delokke takam Judah elang Benjamin nolu ngom tatgaptola: Noluke Ruutum kelo duumín gedung tetengem, bíteng nolukíng duumíndung. Nolu bím matamílo, bí nolum pangko suyé, idola nolu bím mepakyémílo, bí nolum mepakyé.

EJRA 8:22

Kapeila ngo bedanglo ngolum mirulok mopítdope sipaying maglíngko, delokke guré dugbomna ami kídíeke ngo rojalok kopenamem annyingto; legade ngolu rojaem sikepe potuai, “Ngoluke Shédíke alage, bím matana mipil teyolo ainam legape kadung, delokke bím mepakna teyolo bíkke marname kadung.”

MIRILUNGGU 89:31

bulu ngokke ayonem betla ngokke ngiitomlok gímayémílo,

ISAIAH 1:28

Idola mirolpe roltína amiem lang paabna kídíem atímape iyé, delokke séko bulu Ruutum me mepak sududí dekede nyokyé.

ISAIAH 63:10

Depe ilate bulu bíkke mirolpe ila, Deena Aidme ankí motíto; depeila bí buluke mirupe ilat toku, delokke bulum bí agísue mimak isuto.

JEREMIAH 17:13

Israel tabungke mííte sunam, E Ruutum, nome mepakna tabungde annyingyé. Nome mepakla gíkuna kídíde nyokkuna sullilo amín atnam kísape iyé. kapeila turna asi sirung Ruutum nome, bulu mepakto.

EJEKIEL 18:24

“Idola deena amikone bíkke deena bedalok gísumape paab ilangkula, atímana amike itonam belumnam aimana agér ikumílo bí turyénía? Bíkke deenam agér ituanam kídí lokke atelkokom míngge yimayé. Bíkke aipe míngkesula yékumanam dai legapelang bíkke paab agér ikunam ajéng legape bí siyérungku.

TOMLÍKNAM 7:42

Idakkom Shédí bí ngengkur dolangkula taleng telokke takar kídíem kumsudope bulum mebito. Si kaaluna mirikídí atnam kitablo sikepe kadung: ‘E, Israel opína, mooruk amolo íying appi dítag kope nolu ngom atí atí petlík bila aman bitonía?

POBENG BINAM 4:25

“Nolu asi-among delo deddína longem turla, ome-oo kala oten kala irongem, nolu loorí-sirí yimape ila atí-atína mimangem píla, Ruutum noluke Shédíke kangkolo atímape ila bím marmoyémílo,

POBENG BINAM 4:26

silo ngo taleng emla amongem noluke mirupe hakiipe tomdung; noluke Jordanem koola yébom penam asi-among delo nolu menape nyokyé, elo ool turmape nyokyinyé.

HIBRU 10:38

Idakkom yéjiinade míngkelok turyé. Delokke ngéngkur kuna bím ngo ashépe mííbom mayé.”

JOSHUA 24:21

Ami kídíde Joshuame poyansuto, “Ma, ngolu Ruutum petomme agér ibiyé.”

1 SAMUEL 12:15

Dekepe imape, nolu bík agomem tatmape bík lulígem ipat sumílo, bí noluke lang rojalok mirupe iyé.

1 SAMUEL 12:25

Idola, no deemana agér itíyémílo, nolum lang noluk roja em nyokmoyé.”