JOSHUA 24:2 - DEENA BAIBÉL (BSI)

² Delo Joshuabí ami takam kerang delo poto, “Ruutum Israelke Shédíbí sikepe podung, ‘Konnying-mennying noluke abu kídí, Abraham lang Nahor bulu Euphrates korong kékon elo duula abíd uyu kídarem kumsuto.

JOSHUA 24:2 Iomraidhean Croise

KEYUM KERO 11:22

Edílo Serugbí takying angumko yétodí delo bí Nahorme oto.

KEYUM KERO 11:24

Edílo Nahorbí takying annyi kolang konangko yétodí, delo bí Terahme oto.

KEYUM KERO 11:26

Edílo Terah bí dítak íying kínídko yétodí, delo bí Abram, Nahor, delokke Haranme oto.

KEYUM KERO 11:27

Terahke odonge sipe idung: Terahbí Abram, Nahor delokke Haranke abue delokke Haranbí Lotke abue.

KEYUM KERO 31:19

Laban ke bík mér em amíd ngíbínpe gírongem, Raselbí bíkke abuke ekum eranglok kumnam uyu kídíem laasito.

KEYUM KERO 31:30

Nok abuke ekumlo, no gílí rulangkula endungku, idolate kapeda no ngok uyu kídí emte doppyong kane?”

KEYUM KERO 31:32

Idola ngoluke aralo nokke uyu mimang kídíem bomnako kaapayémílo bí turmayé. Ngoluke edung-erang kangkolo, ngolukíng nok ekurang atíko kadumílo, no agíe kaata sugo toka, kaapa yémílo bomtokuka.” Rasel bí uyu kídíem pyoola bomdungku emla Jakob kénmato.

KEYUM KERO 31:53

Ngonyike pénsamlo, Abrahamke Shédí lang Nahor ke Shédí delokke buluke abu kídíke Shédíbí kebangem ibi langka.” Delo Jakob bíkke abu Isaakke pesonam, Shédíke amínlok pébisuto.

KEYUM KERO 35:4

Depe pokolok bulu takame buluke alaglo bomnam, mibo-miying lok uyu mimang kídíem lang, nyorung tekbang kídí tabungem Jakobme bito. Jakob deke dem Shekhem anínke ok esing leríng delo yuto.

1 ODONG 1:27

delokke Abram (Abraham emlateng míndung).

ISAIAH 51:2

Noluke abu Abraham melang, nolum olenna ane Sarah me kaatola, Ngokke Abraham me tomduem bí atel ito, idola ngo bím utepooroem ruulíkla, bojérudope bím ngo parmoto.

EJEKIEL 16:3

Ruutum Shédíbí Jirusalemke teyolo ingkona agomem lududí, dem no bíme pokan bilangka: “Nome Kanaan amolo olento. Nok abue Amorit amikuai, delokke nokke ane Hittit mimekuai.

LUKKE ATNAM TATPONA DOOYINGE 3:34

Judah bí Jakobke, Jakob bí Isaakke, Isaak bí Abrahamke, Abraham bí Terahke, Terah bí Nahorke,

POBENG BINAM 26:5

Bíkke merodem, nolu mipile Ruutum noluke Shédíke keralo sikepe pokansupe aido. ‘Ngok abue, magong gígona Arameankuai. Bí ami asoko gíbola Ijipt amongpe tokto. Belo tokla duudungem, de bottena, miga-miramna opín kope ila mití-maglíng kope ikai.

JOSHUA 24:15

Nolu Ruutumme agér ibilíímamílo, séko memda nolu agér ibipe míídon? Silo noluke míínamem beroktola. Nolu Euphrates korong kékonlo noluke buku kídíke uyu emía, ma, siloke noluke ale tuangko Amorit ami kídíke uyu emía agér ibipe míídun? Idola ngo lang ngokke ekum erang ngolu kepedan Ruutum petomme agér ibiyé.”