JOSHUA 24:19 - DEENA BAIBÉL (BSI)

¹⁹ Ami kídíem Joshuabí poto, “Ruutum ke agérem nolu ibilamayépe, kapeila bí deena Shédíko; bí nena Shédíko. Bí noluke imem emlang paabem mesam bimayé.

JOSHUA 24:19 Iomraidhean Croise

2 ODONG 36:16

Idokom bulu Shédíke kotoki kídardem lupu-luléla ilatto, delokke bíkke ponamem tatpakla kaaluna miri kídíem, Ruutumke marname méélamdelo ami kídar teyolo yago alongla mopísupeko kaimado loope, ngilka latto.

MIRILUNGGU 99:3

Mipile bíkke bottena delokke kekímna amínem rínggeyé! Bí deene!

MIRILUNGGU 99:5

Ruutum ngoluke Shédí bím yidlangka; bíkke paleng keralo kumlangka! Bí deene!

MIRILUNGGU 99:9

Ruutum ngoluke Shédí bím koyitlangka, bíkke deena díítelo kumsulangka; kapeila Ruutum ngoluke Shédí bí deene!

GÍLEN KUNAM 20:5

Nolu buluke keralo guba mapeka, demangkom bulum kumsu mapeka, kapeila ngo Ruutum noluke Shédí nena Shédíko. Ngom akna kídílo, siirum angum appilope abu kídí paab ayanpe edoranako.

GÍLEN KUNAM 23:21

Bíkke ponamem aipe tatbila, bík pokampe ilangka. Bím nolu akmín lumín sumapeka. Noluke akmín lumínem bí tatsammayé, kapeila ngokke amíne bíkkíng kadung.

GÍLEN KUNAM 34:14

“Abíd uyuem kumsumapeka, kapeila nena amín gena Ruutum ngo, nena Shédíko.

GÍLEN KUNAM 34:7

ngo agíke pésunamem, éjar-éjar siirum loope mesiisula, paab emlang atímangem mesam bine. Idola ane-abu lokke paab imemem, ome-oo delokke oten siirek angum appi loope edo rakune.”

ISAIAH 2:9

Depeila tani me améngonakope míísu modokupe igíp langka. Bulum asampe memapeka.

ISAIAH 27:11

Edílo esing aag kídíde ere yédí, delo mime kídíe tírla esingpe natadung. Kapeila si ami kídar si atí pinnyo kamaneke. Depeila bulum pílen-ruulenna bí buluke teyolo atí ayang kamayé, delokke bulum kaasing-tatsing mayé.

ISAIAH 30:11

Ngoluke bedang lok gígéé langka, dakkap mapeka. Israelke Deena ke legang lok ngolume lutí mapeka.”

ISAIAH 30:15

Israel ke Deena Shédí, Ralyayalumna Ruutum bí sikepe podung, “Aapí míílatsula asoope duunamde noluke turname, delokke aiyope ngom petom míngke sunamde noluke ralkenge. Idola anyong kokom nolu dekepe ikímang.

ISAIAH 5:16

Idola Ralyayalumna Ruutumbí raada-pénsam aroem lengkanla, bíkke mite-migompe yénamem lengkan subiyé. Deena Shédíbí agíke deenamem lengkan subiyé.

LEBITIKA 10:3

Depe irodem Aaron me Mosi bí poyilto, “Sikepe ipenam legangem moko Ruutum ke podungem emtuane; ‘Séko buludí ngok keralo aayéne, ngok deenamem ngo lengkan suyé; ami kídí keralo ngome yidge moyé.’” Aaron bí asoope ito.

LEBITIKA 11:44

Ngomino Ruutum noluke Shédíbí. Ngo deene dekepeila nolu agíem dunggona taro kídílok deemang-amo kosumapeka.

LEBITIKA 11:45

Noluke Shédípe idope, nolum Ijipt among lok laalen kuna Ruutumbí ngomin; Ngo kape kísa deedudí, dekepe nolukom deelangka.

LEBITIKA 19:2

“Israel banggoem sikepe polangka: Deelangka, kapeila Ruutum noluke Shédí ngo deene.

LEBITIKA 20:26

Nolu ngokkepe deenape ilangka, kapeila Ruutum ngo deene, delokke nolum opín abíd kídílok, ngok agísu legape angurupe ingu sulenname.

LEBITIKA 20:7

Ngo Ruutum noluke Shédíe, nolu agíem tosak sulíkla deelangka.

NAHUM 1:2

Ruutum Shédí bí nenako; bíme ipéésunem bí ingéédung. Ruutum bí miru teyolo aklíla edo rayan sudungku.

HABAKKUK 1:13

Idola no sikena mena yatna atímana ami keralo kapekísa dagdun? Nokke deena amige loorímanem kaalamang, delokke no ami kídíke imemem kaala daglamang. Dekemílo sok ami kídí sokke agíem deeyana ami kídíem petbomdupe kaalate, kape no asoope ikan?

MATI 6:24

“Sékote ruutum annyi aralo agér ilamang. Bí akonem míímala delokke akonem mííyala iyérung, demangkom bí akondelo mínggapyé delokke akonem mepakyé. Nolu Shédí melang murkongem kumpe sulamang.

JOSHUA 24:18

Siloke ngoluke ale tuangko among soope, ngoluke gíadung emteng Ruutum min sikeso duuna Amorit kídíem ngoluke kerang loge mon-gé bila ine. Depe ila ngolu Ruutum atelme agér ibiyé, kapeila bí ngoluke Shédíe.”

JOSHUA 24:23

Delo Joshua bí bulum emtoku, “Dekemílo, nolu kelok angukon uyuem mepak sulangka, delokke Ruutum Israelke Shédíme aroe emla nolu míílangka.”

RUTH 1:15

Naomi bí Ruth me poto, “Kaatola, nok belne, bík agí ami kídí lolang míngke subomnam shédí kídílo gíkaku. Bíkkíng ekumpe gímín getolangku.”

1 SAMUEL 3:14

Dekepeila, ngo arorupe sim podung, Eli ke erang teyolo, buluke belumrupe agér inam legape ajéngem ingkona ipak atí dokom, delokke amanem bidokom dem ipí-bipísuyimayé.”

1 SAMUEL 6:20

Dekepeila, Beth Shemesh lok milokong kídíde poto, “Séko Ruutum, deena Shédíke keralo dagalayén? Ngolu íngkoloi ngolu kelok mootengpe sim megésupe melíkpene?”