JOSHUA 24:14 - DEENA BAIBÉL (BSI)

¹⁴ “Dekepeila, supak Ruutumme pesola, bím míngkesula, jonnamrupe agér ibilangka. Noluke buku kídíke, Euphrates korong kékon elo lang, Ijipt amonglo kumsu-joosunam uyuem mepaklangka. Nolu Ruutum atel petomme agér ibilangka.

JOSHUA 24:14 Iomraidhean Croise

KEYUM KERO 17:1

Edílo Abramke dugríge, íying konang kolang dítak konang todí, delo Ruutum bí, Abramme lengkansudola poto, “Ngomin Miram yalumna Shédíbí, ngok agomem tatla deenampe yélangka.

KEYUM KERO 35:2

Delo Jakob, bík erang kídí dem lang bíkkelo yémín gena kídíem poto, “Noluk aralo mibo-miying arang lokke uyu kídíem mepak sula agíem deesu langka, delokke ege aníem ilík sulangka.

2 ROJA KÍDÍ 20:3

“E Ruutum, ngo nom edítko míngkesula aapílok apíírupe míngkesula agér gérla, nok kaabangpe agér gérnam takamem míípang sutoika.” Delo Hejekiah yagorupe kapto.

EJRA 9:11

nokke béérang, kaalu miri kídílo bilíknamem ipéésuto kukéng. Bulu ngolume sikepe pobituai, ‘Noluke among yébom kupenamsi deemaruna amongko, kapeila so duuna kídare moolekon lokke moolekon loope belum-bekamna ségu-siyang lok bíídope tabung among sim imotung.

JOBKE KITABE 1:1

Uj amonglo Job emnam amiko katuai. Bí Shédíme kumsula edíírupe míngkeng suna amikuai. Bí airuna ami kope ila atímana agérem ansula yénakuai.

JOBKE KITABE 28:28

Tanime Shédí bí podung: “Ruutumme pesonamde gyane, delokke atímang kolok míílat sulangkula yékunamde kénname.”

MIRILUNGGU 111:10

Ruutum me pesogenamde kénnam lerínge, dem igena kídíem mííjing kénjingem bidung. Bím agínpe koyit penampe idung.

MIRILUNGGU 119:1

Séko buluke yéname imem kamadí, delokke séko bulu Ruutumke ngiitomlok yédudí bulu gérne!

MIRILUNGGU 119:80

Ngom nokke ngiitomem apíípe imolangka, delokke lupe gépenam kamomayika.

MIRILUNGGU 130:4

Idola no ngolum edo sanmang, delok ngolu nom pesogedung.

MIRILUNGGU 81:10

Ngomino nolum Ijipt amolok laalenkuna, noluke Ruutum Shédíe. Noluke nappangem koya langka, delo ngo mamlíkyé.”

EJEKIEL 20:18

Delok ayanpe ngo buluke ome-oo kídíeme sim lutornam sim luto: Noluke neku-buku kídíke ayonem bommapeka, buluke idongem nolu imín gemapeka, delokke buluke mimang kídílo nolu deemang-amo iketsulík mapeka.

EJEKIEL 23:3

Bínyike mimum koo delokkai ila, bínyike Ijipt amonglo duudung adapekai, bínyike mimum amílem deemamola notii mimepe ikai.

HOSIA 3:5

Depe irongem méélamlo, Israel kídíe lekoda Ruutum kíng míílat sulang kula, Ruutum buluke Shédíme mata langkula, buluke roja Dabidke otíng-oyin konem mabom yéku. Yéyindí longe kídí telo, bulu peso-ríanla Ruutum ke keralo aalangkula bíkke utepooroem paayin yéku.

LEBITIKA 17:7

Buluke abír-ayo ibosunam sobén urom kídílo sobo pabiyimape bulu yélangka. Si buluke legape siirum takamlo bomyar geku penam idonge.

MIKAH 6:8

Ma dekepemang, Ruutum bí ngolum deena yédongem pobitung. Ngolukelok bíkke mííbomname si: aroem ipe aido, duuyarna ayangem lengkanpe aido, delokke ngoluke Shédí kelo aapíe remel dola yébosupe aido.

LUKKE ATNAM TATPONA DOOYINGE 8:15

Idola moone kédelo olíknade agomem talla aapí arolok mínggap bomla, ardape ayém ééna kídíe.

TOMLÍKNAM 9:31

Delokrongem Judia, Galil delokke Samari among takamlo mondoli kídíe dengepe yéto. Delo edíí mola, delokke Deena Aidlok aapí miramem paala, de bojé yayang ila Ruutumme pesola yéto.

2 KORINTH 1:12

Supak si ngoluke mííyum sunana legange: Ngoluke aapíe sikepe lengkandung, tani among sim solai namemlang, apekrupe ngoluke nolum sonsu yonsu namem ngolum Shédí kelok aana deenam loklang, jégaplok ito. Ngolu sim tani among kénnamlok imape idakla Shédíke yanggong akor lokmin itone.

EPHESIA 6:24

Ooyimana ayalok ngoluke Ruutum Jisu Kristome ayana takamlo yanggonge duudak langka.

POBENG BINAM 10:12

“Depeila E Israel, supak Ruutum noluke Shédíbí nolukíng ingko koda kodune; Ruutum noluke Shédíme pesolangka. Bíkke bedang lok gílangka. Bím ayasulangka. Bíkke agérem noluke aapí-aang tabuupelang aidlok apíírupe gérbilangka.

POBENG BINAM 18:13

Ruutum noluke Shédíke keralo, nolu lupenam amipe ipe aimang.

POBENG BINAM 6:13

“Ruutum noluke Shédíme pesola, bím petom kumsula, bík amín petom lok noluke tolík-tuala ibosunamem ilangka.

PHILIPIA 1:10

delomin nolu airuna atíem ullayéne delokke Kristoke longelo deenampe delokke lupe géépenam kamape yéyéne.

JOSHUA 24:2

Delo Joshuabí ami takam kerang delo poto, “Ruutum Israelke Shédíbí sikepe podung, ‘Konnying-mennying noluke abu kídí, Abraham lang Nahor bulu Euphrates korong kékon elo duula abíd uyu kídarem kumsuto.

JOSHUA 24:23

Delo Joshua bí bulum emtoku, “Dekemílo, nolu kelok angukon uyuem mepak sulangka, delokke Ruutum Israelke Shédíme aroe emla nolu míílangka.”

1 SAMUEL 12:14

Nolu Ruutum noluke Shédíme pesola, agér gérbila, bík agomem tatbila, delokke bík lulíknamem ibila, delo nolu lang noluke rojae bík pokampe imílo, noluke takam agér-aname aiyé.

1 SAMUEL 12:24

Ruutumke lulígem tatla bím arolok noluke aapí-aang takam lok bík agérem gérbilangka. Noluke legape bík botte-bottena agér gérbinamem míípa sulangka.

1 SAMUEL 7:3

Samuel bí Israel ami kídíem, “Nolu Ruutum kíngdan noluke takam aapí-aanglok angkupemílo, angu ami lokke uyu, delo mime uyu Astarteke mimang kídíem mepakpe aido. Ruutum kíng apíngpe nolu agíem tolíksula bím petom kumsulangka, delo bí nolum Philistain kídíke ralnamlok nolum mopítyé,” emla poto.