JOSHUA 23:7 - DEENA BAIBÉL (BSI)

⁷ Noluke aralo yéyélsuna mibo-miying ami kídí so, nolu ansu-kaasumape yépyam-yéyamla ibosumapeka, buluke uyu kídíke amínem mínmín gemapeka, demangkom uyu kídíke amínlok amkí-pékísula, uyu kídarem kumsugoola imapeka.

JOSHUA 23:7 Iomraidhean Croise

2 ROJA KÍDÍ 17:12

Bulu Ruutum ke sikepe lutumnam, “Nolu sikepe imapeka,” embomnam uyu kídarem agér gérbito.

2 ROJA KÍDÍ 5:18

Idola Ruutum bí, bík béérang sim legang atel sok legape maab bidaklangka. Edílo ngok ruutume Rimmon uyume kumsukeng ekumlo aala kumsupe iyém, bí ngok alaglo tapda sudung, delo ngote gubmíndung, sok legape Ruutum ngom maab langka.”

2 ODONG 7:19

Nolang, nokke ami kídíe ngokke ayon mebinamem igemape angu-angu uyu kumla inamko kayémílo,

MIRILUNGGU 16:4

Séko bulu pílenmana shédíem matadudí, agíke ankí-kenuem bojé modung; Ngo buluke yilum biilíkko ipaklo yémín gemayé; ngo buluke pílenmana shédíem kumsumayé.

GÍLEN KUNAM 20:5

Nolu buluke keralo guba mapeka, demangkom bulum kumsu mapeka, kapeila ngo Ruutum noluke Shédí nena Shédíko. Ngom akna kídílo, siirum angum appilope abu kídí paab ayanpe edoranako.

GÍLEN KUNAM 23:13

“Nolum ngokke ponam kídíem, airupe ansula igap gelangka. Abíd uyu kídílo kumgomapeka, buluke amín kídíemteng noluke nappang delok mínnamapeka.”

GÍLEN KUNAM 23:33

Bulum noluke amonglo duumomapeka, demamílo bulu nolume, ngokke keralo paab imoyé, kapeila buluke uyuem kumsunamde nolume etku-edape batjém yéku.”

NGIITOM SIRUNG 4:14

Atímana ami kídíke gíkolo gímapeka. Loorí mana amiem kaayii sumapeka.

JEREMIAH 12:16

Bulum dekepe bomayékuem, bulu longeko kapekísa ngokke Israel amiem Baal uyu amínlok pémola, buluke dormoem luyiltuadí deke kísape bulu ngokke Israel ami kídíke dormo yédongem kénmín gela, ‘Ruutum ke turdung tetedem,’ emla pémín gela ikumílo, ngok ami kídí aralo bulumkom ai-kampope yébo sumoyé.

JEREMIAH 5:7

Ruutum bí sipe íídung, “Nolum kape kísa ngo paab dem mesam líkyén? Noluke ome-oo kídíe ngome mepakla, aro shédímana uyu kídíem kumtígongkai. Buluke míínam tabungem ngo apíípe ruubito, idola bulu abír-ayo mílílo itígoola, raséng ekumem bííyin bomkai.

HOSIA 2:17

Ngo edílokom bík nabbéllok Baal uyuke amínem mínlen moyi mayé.

JEPHANIAH 1:5

Séko bulu míílong teyolo rengon saala doonyiem, pooloem, delokke takar kídíem kumsududí, bulume ngo nyokyinmoyé. Séko bulu ngome kumsu dolate uyu Molekke amínlok pésula idudí, bulum takamkom ngo nyokmoyé.

SANNAM 32:38

Nebo, Baal Meon (sime angupe amín míntoku), delokke Sibmah doolung kídídem isi-simotoku. Buluke isi-simo kunam doolung kídíem anípe amín mínlík líkyintoku.

SANNAM 33:55

Idola among delokke ami kídíem nolu monbín mayémílo, delo noluke duumonam kídíde noluke ebín lerípe ila, noluke amiglo tangpe delokke noluke amíl-amolo tuubu-tayotpe iyé. Delok teyong delo nolum bulu ebín-ebon ibomla mirolpe rolyé.

1 KORINTH 15:33

Yadko sumapeka: “Aimana yéjone aina séguem inyokdo.”

EPHESIA 5:11

Are kamana ruak agérem mata mapeka, idakla bulum pobeng bilangka.

POBENG BINAM 10:20

Ruutum noluke Shédíme pesolangka, delokke bíkke agér-anamem ibila bím kumsula yélangka. Bím aipakpe gagda sulangka delokke bík amínlok pébo sulangka.

POBENG BINAM 6:13

“Ruutum noluke Shédíme pesola, bím petom kumsula, bík amín petom lok noluke tolík-tuala ibosunamem ilangka.

POBENG BINAM 6:14

Nolum dunggo bomna ami miying kídíke uyu kídíem nolu kumsumapeka.

JOSHUA 23:12

Nolu míngke sumape, noluke ayir-agong so duuna miying ami kídar so leko bosula, bulum omum-nyameng ibosula iyémílo,

JOSHUA 23:8

Delok ayanpe silo loope kapekísa nolu Ruutum kíng míngkesula yédudí, dekepe nolu yéyar langka.