JOSHUA 23:2 - DEENA BAIBÉL (BSI)

² Joshuabí Israel kídíke, miro kídíem, abu-abíng kídíem, doolung ruutum kídí emlang migom kídíem tomdumsula bulum poto, “Ngo supak deddína dítakko yéla mijing along kabong.

JOSHUA 23:2 Iomraidhean Croise

1 ROJA KÍDÍ 1:1

Dabid rojabí mijing alongkai. Bím agér ibina kídíe bík amíllo iigang kadope emla ege-baduem ilíklateng iigang tuyimape ikai.

1 ROJA KÍDÍ 8:1

Delo Ruutum ke Daapong Sondugem, Dabid ke doolung Jayonlok langa langkula Kumkeng Ekumlo medope Solomon rojabí Israelke miro kídí takamem, opín-miyong daadike ruutum kídí tabungem, pínmík kídíke gaku-gaam daadiem gogdumsuto.

1 ODONG 23:2

Dabid tabung Israellok ruutum kídarem, miri kídarem, delo Lebi kídarem laadumsuto.

1 ODONG 28:1

Dabid tabung Israello agér gérna ami kídídem Jirusalemlo aadumsudope tomyinto. Dekepeila, opín-buang takam lokke ruutum kídíe, rojalok yéta takam lokke agérem kaabomna ruutum kídíe, pínmík-ramík lokke ruutum kídíe, roja kelang bíkke oo kídí lokke ekuserangem, delokke taro kídarem kaabom bina kídíe ila, roja lok ekum lokke ruutum takame, delokke amín kana sipaying kídíelang mínggenam ami takame Jirusalemlo aadumsuto.

POBENG BINAM 31:28

Depeila ngokke kerang so noluke opín-buang takamke miro kídí emlang migom kídíem gogdum suyinlangka. Ngo buluke takam tatkolo sim agom-aang kídar sim pokandola ngo among-talengem tomla dem kaana-tatnape idope buluke atímangem lengkan biyé.

JOSHUA 13:1

Deddína dítagem yéla Joshuake mijingrodem, Ruutum bí Joshua me lupoto. “No mijing alongkai, idola supakte deddína asi-amongem lapename kadungada:

JOSHUA 23:3

Ruutum noluke Shédíbí noluke legape mimak momínsula, noluke yéta legape angukon mibo- miying opín-buangem kape kísape Ruutum noluke Shédíbí itodí, deke takamem nolu kaayinsukai.

JOSHUA 24:1

Shekhem doolung delo Israelke opín-buang takamem Joshua bí laadumsuto. Bí Israelke miro kídíem, maglíng ruutum kídí emlang migom kídí tabungem gogdumsuto. Bulu Shédíke keralo takame lengkan suyinto.

1 SAMUEL 12:2

Delokke supak lokke ila nolum bí yéboyé. Ngokke pedan, ngo mijingla dumpu gela ikai, delokke ngokke oo kídare nolu kíng yémín gedung. Ngo noluke mirope ngok yaamé siisa lokke ila, silo loope idung.