JOSHUA 23:16 - DEENA BAIBÉL (BSI)

¹⁶ Nolume daapongke ayonem bomgapdope emla, Ruutum noluke Shédíke lulígnamem nolu igemayémílo, delok teyolo nolu angukon uyu kídíem kumsu-joosula agér ibiyémílo delo Ruutum bí noluke teyolo aklíla, nolum itung-iréla ibomyé. Dekepe iyékuem bíkke gaina among ruubinam sok nolu midum atel koteng turyimape menarupe nolu nyokyinyé.”

JOSHUA 23:16 Iomraidhean Croise

1 ROJA KÍDÍ 14:15

Ruutum bí Israelem itung-iréla, asi bítkolo kape kísa dolbum ane beledudí dekepe Israele beleyé. Buluke neku-bukuem binam aina among sok Israel amiem puubínla elo, sanggodan Euphrates korong kékon elokai pitpan-piran sulíkyé, kapeila bulu uyu mime Asherah ke mimangem bojéko mopala kumsu goola yagorupe Ruutum ke marnamem kamokai.

1 ROJA KÍDÍ 9:6

Idola nolang nokke otíng-oyine ngokkíng yémín geyimape, ngokke ayonem betla, ngokke nok teyolo lulígem tatmape ipéésula angukon uyueme kumsuyémílo,

1 ROJA KÍDÍ 9:7

ngo Israel kídíem ngokke asi-among ruulíknam lok laabínla mibo-minnompe imoyé. Ngome kumsudope Kumkeng Ekum monam simteng, ngokke pídésunam moolop simteng ngo mepakyé.

2 ROJA KÍDÍ 17:7

Si adír kídísi Israel ami lokke bulum Ijipt amonglok Pharaohke rumkínglok laalenkuna Ruutum, buluke Shédíke keralo paab imemnam legape ikai. Bulu abíd uyuem kumsula,

2 ROJA KÍDÍ 24:20

Ruutum ke Jirusalem lolang Judah ami teyolo yagorupe marnam legape, bulum bík kangkolok monpakto.

ISAIAH 24:5

Ami kídíe kédéng sim deema mokai. Bulu ayonem ige yimang. Bulu agínpe duuyarna daapong idongem betmoto.

JEREMIAH 32:23

Bulu aala amosim duunga bomto. Idola bulu nok agomem tatmato. Nok ayonem igemato. Nokke lulígem tatmato. Depeila sikena itung-iré takamem buluke teyolo no langaato.

JEREMIAH 32:24

Kaatola, Babilonke maglíng kídíe doolung sim buluke alag aralo bomdope elíng kyareme doolung sim gargoola, resa tete bomdung. Midu-mimak lok, dírí-kenolok, kilii-ramlilok si doolung si miru kídíke alag aralo nyoklíkdak. Nokke lukam pakpe supakke kaaname ato-siroe, iyinkai.

SANNAM 33:56

Delokke ngo buluke teyolo íngkoko ipe emla mííbomdudí deme nolukíng ilat líkyéku.”

POBENG BINAM 17:3

mimekone demangkom milokongkone abíd uyu kídíem demangkom doonyiem demangkom pooloem demangkom taleng telokke takar kídíem kumsudung,

POBENG BINAM 28:15

“Idola ngokke siloke nolum binam, Ruutum noluke Shédíke lulígnam tabungem lang idong kídíem nolu aiyope bomgapmape bíkke agom-aangem tatmayémílo, si béénam kídar si nolukíng aala nolum ijét bomyé:

POBENG BINAM 6:15

Kapeila nolu kelo yémín gena noluke Ruutum bí nena Shédíko. Nolu uyu kumsuyémílo, Ruutum bí noluke teyolo marla nolume among delok nyokyínmoyé.

KEBANG RUUTUM KÍDÍ 2:14

Israel teyolo Ruutum bí aklíla, bí bulume línggoona maglíng kídíke alag aralo ruulígla, bulume dunggo bomna miru kídílo kolígla, de ami kídarde bulume itung-iréla, bulu ami kídíem atí iyan sulamape ito.

KEBANG RUUTUM KÍDÍ 2:20

Depeila Ruutum bí Israel teyolo yagorupe marlíla poto, “Si ami kídísi ngok agom-aangem tatmape, buluke buku kídílo ngokke daapong ibosunam ayon kídíem igemape inam legape,

1 SAMUEL 12:25

Idola, no deemana agér itíyémílo, nolum lang noluk roja em nyokmoyé.”