JOSHUA 23:15 - DEENA BAIBÉL (BSI)

¹⁵ Bí kape kísa atel koteng mepakmape togesunam kídíem ibidudí, delok kísape noluke teyolo bíkke itung-iré emkom bí igapbomyé.

JOSHUA 23:15 Iomraidhean Croise

1 ROJA KÍDÍ 14:15

Ruutum bí Israelem itung-iréla, asi bítkolo kape kísa dolbum ane beledudí dekepe Israele beleyé. Buluke neku-bukuem binam aina among sok Israel amiem puubínla elo, sanggodan Euphrates korong kékon elokai pitpan-piran sulíkyé, kapeila bulu uyu mime Asherah ke mimangem bojéko mopala kumsu goola yagorupe Ruutum ke marnamem kamokai.

1 ROJA KÍDÍ 8:56

“Ruutum me yidgelangka. Kapeila bíkke agí togesunampe bí agí ami teyolo aapí eetetem ruulíkkai. Bíkke agér ibina Mosi ke teyolo togesunam tabungem ai-kamporupe bí igela agom-aangem mesiisukai.

ISAIAH 24:6

Depeila kédéng so béénamko kakai. Ami kídíde buluke imem dai em gepe aikai. Depeila kédéng so yékína taniem eme gula, gutung-gungonam tanie anyongoko kakai.

JEREMIAH 32:24

Kaatola, Babilonke maglíng kídíe doolung sim buluke alag aralo bomdope elíng kyareme doolung sim gargoola, resa tete bomdung. Midu-mimak lok, dírí-kenolok, kilii-ramlilok si doolung si miru kídíke alag aralo nyoklíkdak. Nokke lukam pakpe supakke kaaname ato-siroe, iyinkai.

JEREMIAH 32:42

So ami kídar so kape kísa ngo sikena aní adírem langaatodí, deke kísape ngo buluke teyolo ngokke togesunam aina ato-siro amanem ruulík biyéku.

JEREMIAH 35:17

“Dekepeila Ralyayalumna Ruutum Israel ke Shédí bí sipe ludung: Tattola Judah lokke ami kídí teyong lolang Jirusalemlo duuna mipil ami teyolo, ngokke lupa tonam itung-iré penam ato takamdem ngo langaayé. Ngo bulum deddípe potí late bulu tatna kamang; ngo tomlate bulu elíkna kamang.”

LEBITIKA 26:3

Nolu ngokke poyil lulígem igap gela, ngok ayonem iyar geyémílo,

1 THESALONIKA 2:16

Bulum turpekolo langaang pena ngiitomem Mipak gooralo pogoo penamem bulumin ngolum itumpe emla itíne. Sikepe bulu agínpe buluke paab egedem apompe gekum sudung. Méélam yalumpe Shédíke marlínge buluke teyolo angkai.

KEBANG RUUTUM KÍDÍ 13:1

Israel kídíe lekoda Ruutum ke akdope paab itoku. Depeila bí bulume takying appikope Philistain ami rumkílo duumoto.

KEBANG RUUTUM KÍDÍ 3:12

Lekoda Israel kídare Ruutum ke kangkolo deemape yétoku. Dekepe yégangku legape Ruutum bí bulume Moab ke roja Eglonke rumkílo yédope ruulíkto.

KEBANG RUUTUM KÍDÍ 3:8

Depeila Israel teyolo Ruutum bí marla Mesopotamia lok roja Kushan Rishathaim ke alaglo Ruutum bí Israelem kolígto. Depeila Israel kídíde roja delokke rumkílo dítak píínyiko agér ibito.

KEBANG RUUTUM KÍDÍ 6:1

Lekoda Israel kídíde Ruutum ke kaangkolo atímana agérem itoku. Depeila bulume Midian ami kídíke alag aralo dítak kínídko Ruutum bí yémoto.