JOSHUA 23:13 - DEENA BAIBÉL (BSI)

¹³ Ruutum noluke Shédíbí sim ami kídar sim noluke kerang lok monpak bimayé. Delok ayanpe si ami kídar si, noluke legape nolum batjémkuna etku-edape, demangkom obung supeko arungpe, demangkom noluke méélamlo demmín gena banggén kísa nakope, demangkom noluke amiglo duuna tang kísape iyé. Sikena adír si, Ruutum noluke Shédíke nolum rubinam among gaina sok nolu nyokyinma tetedem katíbomyaryé.”

JOSHUA 23:13 Iomraidhean Croise

POBENG BINAM 7:16

Noluke ale rumkílo, Ruutum noluke Shédíke ruulík binam mibo-miying kídíem nolu nyokyin molangka. Nolu bulum ayang-yaman sula, buluke uyu kídíem kumsula imapeka. Depe inamde noluke annyi supename.

SANNAM 33:55

Idola among delokke ami kídíem nolu monbín mayémílo, delo noluke duumonam kídíde noluke ebín lerípe ila, noluke amiglo tangpe delokke noluke amíl-amolo tuubu-tayotpe iyé. Delok teyong delo nolum bulu ebín-ebon ibomla mirolpe rolyé.

GÍLEN KUNAM 23:33

Bulum noluke amonglo duumomapeka, demamílo bulu nolume, ngokke keralo paab imoyé, kapeila buluke uyuem kumsunamde nolume etku-edape batjém yéku.”

LUKKE ATNAM TATPONA DOOYINGE 21:24

Bulu yoksa aarlo siyé delokke opín rego mipílo abílpe umpit kosuyé. Jirusalem dem mipak amikídíe kurukyé, delokke buluke moodíe píímang adape dekepe bulu yébomyé.

MIRILUNGGU 69:22

Buluke arane bulum dosu daklangka; buluke adeng-apede bulum nyokmo daklangka.

2 TIMOTHI 2:26

delokke delo bulu kénsuyéku delokke agí míngkampe imope emla uyu egum lokke duggeyéku.

2 ROJA KÍDÍ 25:26

Dekepe ikolok Israel ami opan-mirempe takame sipaying migom kídílo lekope Babilon ami kídíem pesolok Ijipt amonglo dugnyokgeto.

POBENG BINAM 30:18

nolu arope nyokyéku emla ngo silo pobidung. Noluke Jordanem koola dungabomla yébom aapeko asi among elo nolu ool turmayé.

POBENG BINAM 29:28

Ruutum bí buluke teyolo agí margíla, dekepe yagorupe marlílok bulume agíke asi-among lok puulenla supakke yégongko angukon mibo-miying amonglo yoplíktung.’

POBENG BINAM 4:26

silo ngo taleng emla amongem noluke mirupe hakiipe tomdung; noluke Jordanem koola yébom penam asi-among delo nolu menape nyokyé, elo ool turmape nyokyinyé.

2 ROJA KÍDÍ 25:21

Hamath among Riblah delo rojade bulum demmola petpakto. Dekepe Judah kídíe agí among lokke luyulo ami rumkílo dungkai.

1 ROJA KÍDÍ 11:4

Bíkke mijing rongeme bulu, mibo among lokke uyu kídíemte bíme kumsudope imoto. Ruutum bíkke Shédí kíng kape kísa bíkke abu Dabid bí airupe míngkesutodí, dekepe bí míngkesuyimato.

GÍLEN KUNAM 10:7

Pharaohke migom kídíde bím lupoto, “Si ami si edít longe koda ngolum ebín-eson itíyén? Ruutum buluke Shédíme kumsudope, Israel kídíem gímotoka. Ijipt amongke nyoknamem no kénsumanía?”

GÍLEN KUNAM 34:12

Noluke entíng-gítílo, sok among sokke ingkon amiemkom daapong atí ibo sumapeka. Depe inamko kamílo, noluke legape dekede nolum batjém kupena etku-eda pekom ipelo.

GÍLEN KUNAM 34:16

Noluke oo kídíe mipak mime kídíem mimepe bomla, de mime kídíde bulume ngokkíng míngke sumomadope, buluke uyu kídílo bulume kumbo langkula iyé.”

EJEKIEL 28:24

Ruutum bí podung: “Israelme dunggobomna, lupu-luléna kumrípe ina mibo-miying opín kaimayé. Israelme tanyum-tatképe itíbomna mibo kumrí kaimayé. Delomin Ruutum Shédí bí ngo emla bulu kényin yékune.

KEBANG RUUTUM KÍDÍ 2:21

Joshuake sidolo íngkona mibo-miying amiemdí monpak matone, dekedem ngo monbín biyimayé.

2 ROJA KÍDÍ 17:18

Depeila Israel teyolo Ruutum marla bulum bík keranglok ipakla, Judah opín petomem duudope ito.

2 ROJA KÍDÍ 17:20

Dekepe ila Ruutum bí Israel takamem mepakla, mimak magbipe aana kídí alaglo melíkla petkut moto.