JOSHUA 23:11 - DEENA BAIBÉL (BSI)

¹¹ Dekepe ila Ruutum noluke Shédíme ayang sukolo nolu an-gap along sulangka.

JOSHUA 23:11 Iomraidhean Croise

GÍLEN KUNAM 20:6

Idola séko buludí, ngom ayala, ngok lulígnamem igeyédí, dekena teyolo, éjar siirum loope ngok ayangem lengkanne.

NGIITOM SIRUNG 4:23

Nokke míínamem míngíí langka; nokke yénamde nokke míngkorlok idung.

LUKKE ATNAM TATPONA DOOYINGE 21:34

“Ansu langka, demamílo noluke aange tebege ila tíngírsula peso atí kamape dunge suduem de longede egum barunam kísape míínam sudí mangem nolukíng aapeke.

PAULKE ROMKÍDÍLO ATNAM SITHIE 8:28

Delokrongem atí takamlo Shédí bí agí míídulok tomlennam, bím ayana kídíke ainam legape agér gérdung emla ngolu kéndung.

1 KORINTH 16:22

Séko Ruutumme ayamadí bí gérmang daklangka. E, Ruutume aatoboi!

1 KORINTH 8:3

Idakkom séko tanie Shédíme ayadudí bím Shédíkom kéndung.

EPHESIA 5:15

Demílo kape kísa nolu yédun akor kamana kísape imape, idakla milo aro kísape kape yédudí aipakpe ansutola.

POBENG BINAM 30:16

Kapeila ngo Ruutum noluke Shédíke lulígem, ayonem delokke idongem nolu bomgapla bíkke bedang lok gíla, Ruutum noluke Shédíme nolu ayasulangka emla nolum poyildung. Depe imílo noluke dungabompe emla noluke aapeko asi-among elo Ruutum noluke Shédíbí nolume utepooroem rubila nolu turla bojérupe ato takamlo parbosuyé.

POBENG BINAM 30:20

Ruutum noluke Shédíme nolu ayasula, bíkkíng gomdasula, bíkke agom-aangem tadbilangka. Kapeila Ruutum bí noluke yéname. Noluke buku kídí Abraham, Isaak delokke Jakobke keralo togesunam asi-among dem nolum bí bisula delo nolu deddína dítagem yéyarbomyé.”

POBENG BINAM 4:15

“Horeb díítelo, emelok Ruutumke nolum lupo sudodem, nolu moimuang atí kaapamato. Depeila nolu agísuem airupe ansulangka.

POBENG BINAM 4:9

Nolu ansulangka, noluke turdu tetengem, noluke agí amiglok kaasunam kídar sim mitpan sumapeka, delokke aapí-aanglok nyokmo mapeka. Dekedem noluke ome-oo kídílo poyilla delokke buluke ome-oo kídí loote poyil molangka.

HIBRU 12:15

Sékoteng Shédíke yanggongem menyok madope delokke ebín lenna delokke takamem bulmona ramki appírem pírlen momadope kanggap langka.

JOSHUA 22:5

Ruutum noluke Shédíme nolu ayasula, bím míngkesula, bík míngkorpe yéla, bík agom-aang lulígem tatla delokke noluke aapí-aang loklang aidlok airupe bím agér ibilangka.”

JOSHUA 23:10

Ruutum noluke Shédíbí agíke togesunamem mesiisula, nolu kepe mimak momín sugape, noluke mipile, miru ami éjarem duggedokupe iladung.

JOSHUA 23:12

Nolu míngke sumape, noluke ayir-agong so duuna miying ami kídar so leko bosula, bulum omum-nyameng ibosula iyémílo,