JOSHUA 22:5 - DEENA BAIBÉL (BSI)

⁵ Ruutum noluke Shédíme nolu ayasula, bím míngkesula, bík míngkorpe yéla, bík agom-aang lulígem tatla delokke noluke aapí-aang loklang aidlok airupe bím agér ibilangka.”

JOSHUA 22:5 Iomraidhean Croise

MIRILUNGGU 106:3

Séko bulu bíkke jonnam agérem igedudí, séko yéjinam agérem agínpe iyardudí bulu gérne.

MIRILUNGGU 78:7

delomin bulu Shédíkíng míída suyéne, delokke Shédíke agér itonamem mitpan sumape agínpe bíkke ngiitomem igeyéne.

GÍLEN KUNAM 15:26

Bí poto, “Ruutum noluke Shédíke agomem, aipakpe tatgapla, delokke bík kangkolo ingkuedí aidune dekeme igela, bíkke lunamem aiyope tatbila, bík yédongem bomgap yémílo, Ijipt ami kídílo bomanam kilii-ramli kísanem, noluke teyolo boma mayé, kapeila ngo mino nolum ipítna Ruutumbí.”

GÍLEN KUNAM 20:6

Idola séko buludí, ngom ayala, ngok lulígnamem igeyédí, dekena teyolo, éjar siirum loope ngok ayangem lengkanne.

GÍLEN KUNAM 23:13

“Nolum ngokke ponam kídíem, airupe ansula igap gelangka. Abíd uyu kídílo kumgomapeka, buluke amín kídíemteng noluke nappang delok mínnamapeka.”

GÍLEN KUNAM 23:25

Ruutum noluke Shédíme kumlangka, delo ngokke utepooroe, noluke asi tíngko lolang donam dokolo kayé. Noluke pénsam lok ngo kinam-ramnamem laabínyé.

NGIITOM SIRUNG 4:23

Nokke míínamem míngíí langka; nokke yénamde nokke míngkorlok idung.

ISAIAH 55:2

Donam-tíínam malo kape abalem inyokdun? Delokke akii dodar pemang kolo kape agér itíkan? Ngome aipe tatbitola, delo aina atoem dolangka, delokke nolu aina atíem dola ashéyé.

JEREMIAH 12:16

Bulum dekepe bomayékuem, bulu longeko kapekísa ngokke Israel amiem Baal uyu amínlok pémola, buluke dormoem luyiltuadí deke kísape bulu ngokke Israel ami kídíke dormo yédongem kénmín gela, ‘Ruutum ke turdung tetedem,’ emla pémín gela ikumílo, ngok ami kídí aralo bulumkom ai-kampope yébo sumoyé.

MATI 22:37

Jisu bí poyansuto, “‘Nokke Ruutumme nokke aang tabulok, nokke aid tabulok delokke nokke aapí tabulok ayalangka.’

MATI 4:10

Jisu bí poyansuto, “No Soitan no, gígéétoku! Kapeila sikepe attung, ‘Ruutumme, nokke Shédí petomme kumlangka delokke bím petom agér ibilangka!’ ”

MATI 6:24

“Sékote ruutum annyi aralo agér ilamang. Bí akonem míímala delokke akonem mííyala iyérung, demangkom bí akondelo mínggapyé delokke akonem mepakyé. Nolu Shédí melang murkongem kumpe sulamang.

LUKKE ATNAM TATPONA DOOYINGE 1:74

ngoluke miru keralok ngolum mosing langkula, delokke bím kumsukolo ngolu peso atí kamadope;

JOAN 12:26

Séko ngom kumdudí bí ngokke méélamlo gíperung aido; delokke ngo ingkolo duududí, ngokke béérang ekom delo duumínyé. Ngom kumnadem ngokke Abue mííyum sudung.

JOAN 14:15

“Nolu ngom ayadumílo, nolu ngokke polígem tatyé.

TOMLÍKNAM 11:23

Bíkke pííla, Shédíke ayang igulem pormanpe kaayédem, bí ashéla buluke aapí-aang tabulok Ruutumkíng arope dunggap dope bulum takam luír poírto.

TOMLÍKNAM 27:23

Meyum ngom kaabomna delokke ngokke kumnam teyong kotoki kone ngokke ampelo dakdola poto,

PAULKE ROMKÍDÍLO ATNAM SITHIE 1:9

Bíkke Oo legang tatpona dooyingem pogong kolok ngokke aapí-ainange kumnam Shédí bí ngokke ponamde arodudí delokke hakiisue. Ngo nolum míípo sudung emnamdem Shédí bí

PAULKE ROMKÍDÍLO ATNAM SITHIE 12:9

Ayangde arorupe aido. Atímanem belum langka; ainem bomgap langka.

PAULKE ROMKÍDÍLO ATNAM SITHIE 8:28

Delokrongem atí takamlo Shédí bí agí míídulok tomlennam, bím ayana kídíke ainam legape agér gérdung emla ngolu kéndung.

POBENG BINAM 10:20

Ruutum noluke Shédíme pesolangka, delokke bíkke agér-anamem ibila bím kumsula yélangka. Bím aipakpe gagda sulangka delokke bík amínlok pébo sulangka.

POBENG BINAM 11:1

“Ruutum noluke Shédíme ayasula, bík ayonem, bík idongem delokke bík lulígemla bíkke mííbomnam kídíem igela bomgaplangka.

POBENG BINAM 11:13

“Depeila ngokke siloke lulígnam kídí sim nolu aipe bomgapla Ruutum noluke Shédíme ayala, noluke aapi-aang takamlok, noluke aid takamlok, bíme agér ibiyémílo,

POBENG BINAM 11:22

“Nolume igedope emla ngokke lulígnam tabung sim nolu aipakpe igapgela, Ruutum noluke Shédíme ayala bíkke bedang kídí lok gíla, bíkkíng gaggap mínla nolu iyémílo,

POBENG BINAM 13:4

Ruutum kíng gímín gela bím yidgelangka. Bík agom-aangem tatla bík lulígem bomgaplangka. Bíkkíng arorupe míngkesula bím kumsulangka.

POBENG BINAM 4:29

Idola deke deloteng, noluke aidlok apíípe, noluke aapí-aanglok apíípe, Ruutum noluke Shédíme nolu kaata yémílo, noluke mata bomnam Ruutumme nolu mapaayé.

POBENG BINAM 4:4

Idola séko noludí, Ruutum noluke Shédíme arope míngkesula edíípe itodí, silo loope turla duudung.

POBENG BINAM 4:6

Dekedem aipakpe igap geyémílo, angukon opín-buang ami keralo, dekede nolume kénna-paana amipe lengkanyé. Edílo ayon kídí takam dem bulu tatpayédí, delo, ‘Aropakpe, si bottena opín-buang ami kídar si kénna-paana ami rungeke,’ emla nolum yidgeyé.

POBENG BINAM 4:9

Nolu ansulangka, noluke turdu tetengem, noluke agí amiglok kaasunam kídar sim mitpan sumapeka, delokke aapí-aanglok nyokmo mapeka. Dekedem noluke ome-oo kídílo poyilla delokke buluke ome-oo kídí loote poyil molangka.

POBENG BINAM 5:10

Idola séko buludí ngom ayangla, ngok lulígnamem igeyédí, dekena teyolo éjar-éjar siirum loope ngok ayangem lengkanne.

POBENG BINAM 6:17

Ruutum noluke Shédíke lulígnamem igapla delokke bík ayon kídí emlang idong lengkannamem bomgaplangka.

HIBRU 12:15

Sékoteng Shédíke yanggongem menyok madope delokke ebín lenna delokke takamem bulmona ramki appírem pírlen momadope kanggap langka.

JEMS 1:12

Séko amie ikangkolo míngkelok donggap gedudí bí gérne, kapeila edílo bí ikangkolo dakdudí delo Shédíke bím ayana kídí kepe pérung subinam turnam dumlubem paayé.

JEMS 2:5

Ngokke bíro kídía, tatgaptola: Tani yékorlokke opanna kídíem, míngkelo miremdope delokke bím ayana kídídem bíkke pébisunam teyong amongem yége dokupe Shédí bí bulum ullen manía?

JOSHUA 23:8

Delok ayanpe silo loope kapekísa nolu Ruutum kíng míngkesula yédudí, dekepe nolu yéyar langka.

BEROK BINAM 15:3

delokke Mérbéno lokke delokke Shédíke béérang Mosike miri kídíem sikepe gokdungai, “Tolya yalumna Shédí Ruutum, nokke agérde botterune delokke pesorunam irisinyue. No yénamlokke roje. Nokke bedange jonne delokke arone.

1 SAMUEL 12:20

“Pesomapeka,” Samuel poto, “Nolu sikena deemana agérko iduakom, Ruutum kelok ngétpak kumapeka. Idola bím noluke aro aapílok apíngpe agér gérbilangka.

1 SAMUEL 12:24

Ruutumke lulígem tatla bím arolok noluke aapí-aang takam lok bík agérem gérbilangka. Noluke legape bík botte-bottena agér gérbinamem míípa sulangka.

1 SAMUEL 7:3

Samuel bí Israel ami kídíem, “Nolu Ruutum kíngdan noluke takam aapí-aanglok angkupemílo, angu ami lokke uyu, delo mime uyu Astarteke mimang kídíem mepakpe aido. Ruutum kíng apíngpe nolu agíem tolíksula bím petom kumsulangka, delo bí nolum Philistain kídíke ralnamlok nolum mopítyé,” emla poto.