JOSHUA 22:4 - DEENA BAIBÉL (BSI)

⁴ Ruutum noluke Shédíke agí posunampe, bí Israel kídíem aapí eetet mokai. Depeila noluke asi-amongem tosula, nolum Ruutum ke agér ibina Mosike orlíknam Jordan korongke sanggodan among elo nolu enlangkuka.

JOSHUA 22:4 Iomraidhean Croise

1 ODONG 22:18

Bí bulum poto, “Ruutum noluke Shédíbí nolukíng duumín gela, nolum rego takamlok eetet-dengomem bito. Bí ngom so among so dungkusuna ami kídíem ikummola, supak among si nolukelang Ruutumke rumkínglo yédung.

GÍLEN KUNAM 33:14

Ruutumbí poyan suto, “Ngokke yémín-dakmín gename, nokkíng gímín geyé, delokke nom ngo aapí eetetmoyé.”

SANNAM 32:18

Israel mipil-miyonge yége-dagge peko among moolobem paamang tete deloope ngolu agí ekumlo enkumayé.

POBENG BINAM 12:9

Kapeila noluke yébom-dagbompenam, Ruutum ke tolíknam asi-among delo nolu gíala aapí-aange eetetpe duupekolo aamangada.

POBENG BINAM 29:8

Ngolu buluke amongem laala deme Reuben kídí emla Gad kídíem delokke Manassehke opín arotkonem orlíkto.

POBENG BINAM 3:20

Jordan korong anggodan elo Ruutum noluke Shédíke asi-among dem, noluke bíro kídíe yébomla, nolume Ruutumke ibinam kísape, bulumte ibila, buluke aapí-aange eetetma tete deloope, noluke bíro Israel kídíem nolu igul langka. Dekepe irodem, ngokke panlíknam among delo nolu aalat suladoku.’ ”

HIBRU 4:8

Legade Joshua bí amikídíem duuno supeko bituamílo, Shédí bí méélam delo longe konko emnam agomem pomayai.

JOSHUA 1:15

Edílo Ruutum noluke Shédíbí, Israel opín-buang takamem, ai-kamporupe asi-among binam elo duuyin moyédí, delo nolu Ruutum me agér ibina Mosike nolum tolík binam, Jordan korongke sanggodan asi-among so aalat sulang kula, siidum dengepe duulangkuka.”

JOSHUA 12:6

Sime Amorit roja annyi sime, Ruutum me agér ibina Mosi lang Israel kídíe mimaklo ikumto. Bínyike among kídíem, Ruutum me agér ibina Mosi bí, Reuben opín emlang Gad opínem, delokke Manasseh ke opín arotkonem, buluke yébompenam among supe panlíkto.

JOSHUA 13:15

Si asi-among kídísi, Reuben opín pínmík ramíkpe Mosike panlíkname:

JOSHUA 13:8

Manassehke opín arotkone lang Gad kídíe, delokke Reuben kídíe, Jordan korongke sanggodandem, Ruutum me agér ibina Mosike panlíknampe bulu paato.

JOSHUA 22:3

Siddína longe so, nolu agíke Israel amisuem letel kokom yatla, mepaksula inam kamato. Ruutum noluke Shédíke agom-aangem airupe nolu igeto.