JOSHUA 22:25 - DEENA BAIBÉL (BSI)

²⁵ Nolu Reuben kídíe lang Gad kídíe Ruutum kelo atí kabosumang. Bí Jordan korongem nolum lang ngolum rísupe tokké motung,’ emla Ruutum me kummo yimape lutum pelo,

JOSHUA 22:25 Iomraidhean Croise

2 SAMUEL 20:1

Dekepe ido delo, Benjamin ami Bikrike Sheba emnam milí-hodong ooko kato. Bí bikulem mutla, “Ngolu Dabidkíng atí tarong kamang. Jesseke oolo atí tarong kamang. E Israel, takame agí-agí notkolo gílangkuka,” emla gogyito.

1 ROJA KÍDÍ 12:16

Buluke agomem tatyi berok yimang emla edílo Israel kídíde kangkadí, bulu marla rojadem luto, “Ngolu Dabid kíng ingko koda paabo supename katon? Jesse ke oo lo ingkona legang koda ngolu kabosudun? E Israel kídí, agí-agí moole-baalelo enyin suka langku. Dabid ke oten no, agí ekumem kaasulangka.” Sikepe Israel de mirolpe rollento.

1 ROJA KÍDÍ 14:16

Israel em Ruutum bí mepakyé, kapeila Jeroboam bí paab igebola Israel tabunge paab ikai.”

1 ROJA KÍDÍ 15:30

Sikepe igasi, Jeroboam bí atírumape paab agér ila, Israel daadiemte paab imola Ruutum Israel ke Shédí me yagorupe marmoto.

NEHEMIAH 2:20

Delo ngo bulum poyansuto, “Teyong among lokke Shédíbí ngolum aipe ipíímoyé, delokke ngolu bík béérang kídíe gerepla anípe morepyéku; idola Jirusalemlo noluke taarong paape-ipenam, demangkom ibaanam atí kamang.”

MIRILUNGGU 16:5

Ruutum no, ngokke tabungsue, delokke no ngokke míínam takamem bidung; ngokke yépenamsi nokke alaglo dung.

TOMLÍKNAM 8:21

So agérso nokke tarong kamang, kapeila nokke aangde Shédíke keralo aimang.

JOSHUA 22:24

Dekepe ngolu míímang. Lunnying-lunke delo noluke ome-oo kídíe, ngoluke ome-oo kídíeme, ‘Nolu Ruutum, Israelke Shédí kíng ingko koda kabosudun?

JOSHUA 22:26

emla ngolu peso-rían aapíko kala, sim runggu sim píto. Iname so ngolu amanem ilíkla, demangkom romnam ipagem ilíkpe emla pímang.

JOSHUA 22:27

Delok ayanpe ngolukom Ruutum ke Tombulo ashéng amanem bila, romnam amanem ipak ilíkla Ruutum ke deena Tombulo kumsudung emla ngolukom, nolum lang ngolum yétít kupena siirum-siirum loope kénsudope, noluke lang ngoluke pénsamlo iyod konpe idope sim píto. Sipe irodem noluke oten ome-oo kídíe, ‘Nolu Ruutum kíng atí kabosumang,’ emla manlang kumayé.

1 SAMUEL 26:19

Ngok ruutuma, ngok ponam sim tatgap bika. Ruutum bí nokke mirupe imotumílo, ipakko imílo bík aapíem angu moyéku; idola, ami kídíe imotumílo, Ruutum ke péname buluke teyolo píílík daklangka. Kapeila, bulu ngom Ruutumke amonglok monpak geyéla mipak uyu-urom kumsuko amonglo dekedem kumsudope monlíktung.