JOSHUA 22:22 - DEENA BAIBÉL (BSI)

²² “Ralya yalumna bí Shédíe! Bímin Ruutume! Ralya yalumna bí Shédíe! Bímin Ruutume! Ngolu sikepe kape idudín dem bí kéndung, delokke noluteng kéndope emla ngolu míídung. Ngolu mirolpe ila Ruutum kelo míngkeng kamamílo ngolume turmoyimapeka!

JOSHUA 22:22 Iomraidhean Croise

1 ROJA KÍDÍ 8:39

delo no bíkke kumnamem tatbila, imemem asampe mepakbila igul langka. No petommin tanike aapí-aang mííyi-míísangem kénne. Mipil amike ségusupe no agérem gérbidakyika.

JOBKE KITABE 10:7

Ngo atímana ami mangko emla, delokke sékote nok keralok ngom mopít lamang emla no kéndung.

JOBKE KITABE 23:10

Idola bí ngokke bedang gíkuem kéndung, depeila edílo bí ngom ikang yédí, delo uun kísape bí ngom paayé.

JOBKE KITABE 31:22

ngok amíllok péklenla, ngok alage dírka langka.

MIRILUNGGU 136:2

Botte yalumna Shédíme yidgelangka, kapeila bíkke ayangde duuyarne.

MIRILUNGGU 37:6

Bí nokke yéjiinam agérem doonyi kaadung angun kísape ngunkan sumoyé.

MIRILUNGGU 40:9

Ami takamke duusumlo, E Ruutum nokke ngolum laasing kunam legangem ngo poboto. No kénsudung, ngo edílokom dem pogemape imayé.

MIRILUNGGU 44:21

no berokrupe dem kényai, kapeila no ngoluke arang aapíem kéndung.

MIRILUNGGU 44:22

Idakkom nokke legape ngolum loodíke petyardung, delokke palík penam mér kísape sanbomdung.

MIRILUNGGU 50:1

Tolya yalumna Shédí, Ruutum bí podung; bí tani among tabungem sanggo lokke ila anggo loope gokdung.

MIRILUNGGU 82:1

Shédí bí teyong kebangem lubone, shédí kídíke kebang gooralo bí agíke mííyin sunam agomem pokandung.

MIRILUNGGU 95:3

Kapeila Ruutum bí botteruna Shédíe, delokke angu shédí takamlokke Roje.

MIRILUNGGU 97:7

Mimang kumsula, míngkímsula yéna takamem annying moto. Ruutumke keralo shédí angu kídí takame kumdung.

GÍLEN KUNAM 18:11

Ruutumbí uyu kídí takamem pemílo, botteyane emla ngo supak kénkai. Israel kídíem atí siripe míímape ina kídíem, Ruutumbí sikepe ito.”

JEREMIAH 12:3

Idola E Ruutum, no ngom kéndung, no ngom kaadung, delokke ngo nok teyolo edítko ayadune deme no ikangdung. Mér em kape kísa pakape emyém hobomdudí, deke kísape atímana ami kídí sim hobom langka. Bulume nyokmo díku longeko mengu sulangka.

JEREMIAH 17:10

Ruutum ngomino aapíem matane, delokke aangem ikaane. Mipil tanike yédu-dakduem kaala, delokke ségu-siyangem kaayinla, ngo amanem ruubine.’ ”

DANIEL 11:36

“Sirialok rojade ingkuem mííbadudí dem iyé. Bí agíem uyu kídíem pemílo botteyape isuyé, delokke uyu kídí takamem botteyalumna Shédí mekom botte yanape yitkímsula lukaléla luyé. Sim atí kídísim Shédíke marlínge apíílíkla bíkkíng píímang tetengem bí iyaryé. Shédí bí kape kísa mííru tudí, dempak iyé.

DANIEL 2:47

Rojade poto, “Nokke Shédí bí takam míngkesunam uyu kídí aralo botteyalumne, roja kídíem ruutumne, delokke bí míngkén kíramnam kídíem lengkan bine. Ngo sim kénkai, kapeila no sim míngkén kíramnam sim pobilato.”

MIKAH 7:9

Ngolu Ruutum ke keralo paab imemem ito, dekepeila ngolu supak bíkke marla ajéng adír binam sim anyongko doojémla donggepe aikai. Idokom iyinlo bí ngolukepe ralge biyéku, delokke ngolukelo imem ilíknam kídíem ijon biyéku. Bí ngolume angunlo gílen boyéku; ngolu bíkke ngolume mopít kunamem kaapayé.

MALAKI 3:18

Delo nolu lekoda, deena ami kelang deemanake, delokke Shédíme agér ibina kelang ibimana buluke rísonem kaapayéku.”

JOAN 21:17

Lengum nape bí bím pokai, “Joanke oo Simon, no ngom ayang dunía?” Pitor bí ayéme emla míngkai kapeila Jisu bí bím lengumnape “No ngom ayadunía” emla íngkíto. Bí poto, “Ruutume, no takam atíem kénsudung, ngokke nom ayanamem no kénsudung.” Jisu bí poto, “Ngokke mérkídíem usaa langka.

TOMLÍKNAM 1:24

Delokrongem bulu sikepe kumlíkto, “Ruutume, no mipilke aapí ainangem kéndung. Sok annyi sokke sékom no ullentodí dem ngolum lengkan toyika.

TOMLÍKNAM 25:11

Depe idokom, ngo nyokge banam imemko itumílo, ngo sinamdem pesomang. Idakkom so Judai kídí sokke ngokkíng ajéng luket namsi aromamílo, sékote ngom bulukíng melík langkumang. Ngo Kaisarkíng rogudung!”

2 KORINTH 11:11

Kapeila? De ngo nolum ayamang emlangía? Ngo ayadudí Shédí bí kénsudung!

2 KORINTH 11:31

Agínpe yidyar penam Ruutum Jisu Kristoke Abu delokke Shédímin ngokke aro menam agomem kéndune.

2 KORINTH 5:11

Dekepe iname Ruutumme pesonamem kéndola ngolu ami kídíem tomdung; ngolu ingkuedí dem Shédí bí kénsémdung delokke noluke aapíete sim kéndupe emla ngo míídung.

POBENG BINAM 10:17

Kapeila Ruutum noluke Shédíbí, shédí kídíke Shédíe delokke ruutum kídíke Ruutume. Bí séko memkom kaangu sumana delokke reko sumana, yirí-pedípe míínam, miga-miramna Shédíe.

1 TIMOTHI 6:16

Bí petom simape duuyarne; bí sékoteng aala mangko angunlo dung. Sékoteng bím kangkímang; sékoteng bím kaalamang. Bíkkíng bottena amínelang ralname duuyar kalangka. Amen.

HIBRU 4:13

Shédíke pínam kídí takamde Shédíke keralokke rusi gepeko kamang. Tabungem kaabedung. Ngoluke legangem bíkke keralo takam si lengkan suyéku.

JOSHUA 22:21

Dekepe emrodem, Reuben, Gad delokke sanggo Manasseh kídíde, buluke anggodanke opín erang ruutum kídíem poyansuto,

BEROK BINAM 19:16

Bíkke ege lolang arbyalo sikepe atnam amínsim gedo: ROJA KÍDÍ LOKKETE ROJE DELOKKE RUUTUM KÍDÍ LOKKETE RuutumE.

BEROK BINAM 2:23

Bíkke ome-uem ngo dempet biyé. Delokrongem mondoli takame ngom aapí ainangem matane emla kényé. Ngo nolum mipilem noluke ikor sangorlok iyan suyéku.

1 SAMUEL 15:23

Bíkke lulígem tatmanade moya-montrong agér kísa loorímana ekurange, delokke míngkím sunamde uyu mimang kumsunam kísana paab ekurange. Nokke Ruutum ke lulígem míípak kolok bíteng nom rojape mííyimangkai.”

1 SAMUEL 2:3

“Nok yidsudem metola, nokke adum-ale agomem metola, kapeila Ruutum bí kénna Shédíe, delokke bí takam agérem rungkenge.