JOSHUA 22:18 - DEENA BAIBÉL (BSI)

¹⁸ Bíkke bedanglok nolu gílíyimanía? Silo nolu Ruutum ke mirolpe rollen yémílo, bíkke marname Israel mipílo nyampo kayé.

JOSHUA 22:18 Iomraidhean Croise

2 SAMUEL 24:1

Lekoda Ruutum bí Israel teyolo marla, Dabid me buluke teyolo ebínem langaamoto. Ruutum bí Dabid me poto, “Gíla Israel kelang Judah ke amiem sankílangka.”

1 ROJA KÍDÍ 9:6

Idola nolang nokke otíng-oyine ngokkíng yémín geyimape, ngokke ayonem betla, ngokke nok teyolo lulígem tatmape ipéésula angukon uyueme kumsuyémílo,

2 ROJA KÍDÍ 17:21

Edílo bí Israel opínem Dabidke ekumlok pekngu sutodí, delo bulu Nebat ke oo Jeroboam me buluke rojape ullík bosukai. Jeroboam Israel ami kídíem Ruutum ke mebinam ayon lokke yépat subola botterupe paab iboto.

1 ODONG 21:1

Israel ami kídarem adír bidope emla uyuko daga bomla Dabidme Israel amiem sankímoto.

1 ODONG 21:14

Dekepeila Ruutumbí Israel amonglo kilii-ramliko melíkla, delo buluke 70,000 amiko sikai.

2 ODONG 25:27

Ruutum kelok bíkke mooteng rongem, bulu bíme mirupe Jirusalemlo ruulento, delo bí Lakhish amonglo dugnyokto. Idokom bíkke mirue bím delo mamín gela petto.

2 ODONG 34:33

Israel kídíke bomnam belumrunam uyu mimang kídarem Josiahbí nyokyin moto, delokke bíkke turdu tetedem, Ruutum buluke buku kídíke Shédíme agér gérbidope bí ami kídí deme imoto.

LEBITIKA 10:6

Delo Mosi bí, Aaron melang bík oo annyi Eleajar mela Ithamarme poto, “Noluke dumídem tupsumape imapeka delokke noluke egem bétsu mapeka, demamílo nolukom siyé, delokke milung tabuso Ruutum ke marname kayé. Idola noluke ali-atod kídíe lang Israel tabunge Ruutum ke eme lok gukanam bínyim, kabbom-rííbomla ilado.

SANNAM 16:22

Idola Mosi lang Aaron bínyi amonglo gubala kapla kumto, “E Shédía, tani takam aid kídíke Shédí. Midum atel paab ikolok no milung tabungem marbom yénía?”

SANNAM 32:15

Nolu bíkkíng gímín gemayémílo, bí lekoda ami kídí nolum yépol mooruklo melíkyéku. Ami takamke nyokkunana leríde nolu iyé.”

POBENG BINAM 7:4

Depe ibosumílo noluke ome-oo kídíem bulu Ruutum ke yétalo yémomape uyu kumsukolo aabola, Ruutum ke marnamem noluke teyolo kamola, nolum bí menape nyokyin moyéku.

JOSHUA 22:15

Bulu Gilead amonglo pííla, Reuben, Gad delokke sanggo Manasseh ami kídídem kaaríksula bulum lupoto.

JOSHUA 22:16

Bulu ami kídí tatkolo popato, “Israelke mirupe nolu kape sikena atímangem idune? Nolu agísue sim runggu sim píla Ruutum ke mirolpe ilenkai. Nolu bíkke bedanglok gíyimang.

JOSHUA 22:20

Deemana ekurangem romnyokdope depe lulíknamem tatmape ina, Jerah ke oo Akhan me míípa sutola. Bíkke tatmanam legape maglíng takamem anka sumoto. Depeila bíkke paab legape bí atel sisumato.”

JOSHUA 7:1

Jeriko doolunglok nyokmopenam ekuserang atelkote lamapeka emla Ruutum ke Israel kídílo ukum binamem, bulu igemato. Akhan emnam amikone lulígnamdem tatmape ikolok Israel daapong teyonglo Ruutum bí marto. Akhanbí Karmike ue, delokke Jabdike otene. Bí Judah opínke Jerahke pínmík lokke amikuai.

JOSHUA 7:11

Israel kídíe paab ito. Bulum bomgapdope ngokke ukumlíknam daapong ayonem bulu ipéésuto. Nyokpakdope emla lulíknam ekuserang ayoko bulu bomtungku. Bulu doppyotula agom medung. Dekena belumnam ekurangem buluke ekuranglo meyél sutungku.

JOSHUA 7:21

Ngoluke ekuserang líídodelo Babilon lokke kamporuna lukdor galuk kolang kilogram annyina baldíneke, delokke kilogram arotkope tebegna uun banggén alopko ngo kaala dekedem ngo yagorupe kaabola laato. Dekedem no ngokke tombu aralo baldín kídíem rumkíyalumlo ila yutupe kaayé.”

1 SAMUEL 12:14

Nolu Ruutum noluke Shédíme pesola, agér gérbila, bík agomem tatbila, delokke bík lulíknamem ibila, delo nolu lang noluke rojae bík pokampe imílo, noluke takam agér-aname aiyé.

1 SAMUEL 12:20

“Pesomapeka,” Samuel poto, “Nolu sikena deemana agérko iduakom, Ruutum kelok ngétpak kumapeka. Idola bím noluke aro aapílok apíngpe agér gérbilangka.