JOSHUA 2:9 - DEENA BAIBÉL (BSI)

⁹ “Sim asi among sim, nolum Ruutum bí bitung emla ngo kéndung. Kapeila sok among kídí sokke ami takame, nolum pesola reyubrupe mínggedung.

JOSHUA 2:9 Iomraidhean Croise

KEYUM KERO 35:5

Depe bulu gílento, delokke buluke ayir-agong lo duuna doolung kídí delo Shédíke reyubruna, peso-ríane kala bulum, bulu mimakpe monmín gemato.

2 SAMUEL 17:10

Dekepe iyém simyo kísape pesomana miram eteng pesoyé. Kapeila, Israel takame nok abuem sipaying aina kope, delokke bík ami kídíem miga-miramne emla kényindung.

2 ROJA KÍDÍ 5:15

Delo Naaman bík ami takamem gíbola Elisha kíng aala sikepe poto, “Supak lokke Israel petomlo Shédí kadung, abídlo kamang emla ngo kénbengkai. Depeila ngok aman gebinam sim no ayala laarík sutoika.”

2 ROJA KÍDÍ 7:6

Kapeila Ruutum bí Siria ami kídídem deddína guré-gaari, mimak guré, delokke maglíng aabomnam kísape adudko tatmoto. Delo bulu pobosuto, “Kaatola Israel rojae ngolum mimak magadope Hittit, delokke Ijipt roja kídíem relíktung.”

NEHEMIAH 6:16

Edílo ngoluke miru kídíe sim legang sim tattodí, delo ngolum dunggona ami takame pesola, delokke bulu agíem míímésuto; kapeila sim agér sim ngoluke Shédíke igullok ipííto emla bulu kénto.

ESTHER 8:17

Ingko amonglo, delokke ingko doolunglo rojake ukume píítodí, delo Jihudi kídí aralo ashérunge ila, doman-tíímanla, nyoman longekope loodumtuai. Delokke delok among delok amie bojéko Jihudi amipe tolíksuto, kapeila bulu Jihudi kídíem pesoto.

JOBKE KITABE 19:25

Idola ngome méélam yalumpe, teyong among telok Ipítnabí igulpe aabiyé, emla ngo kéndung.

MIRILUNGGU 112:10

Atímana mirul kídíe dem kaala mardung. Bulu kangkipe kaadung idola nyoksudung; buluke mííbom namde agínpe míísam sudung.

MIRILUNGGU 115:16

Teyonge Shédíke petome, idola bí amongem taniem bito.

GÍLEN KUNAM 18:11

Ruutumbí uyu kídí takamem pemílo, botteyane emla ngo supak kénkai. Israel kídíem atí siripe míímape ina kídíem, Ruutumbí sikepe ito.”

GÍLEN KUNAM 23:27

“Noluke kerang keralo, ngo akén-ayén yimanam peso-reyubem megeyé delokke noluke gírík sunam opín-buang tabunglo, ngo míngkén-míngo yimape imoyé. Ngo noluke miru takamem ngéélat sumo langkula dukyin moyéku.

NGIILU TUUNA 8:12

Paab ina amie atímana agérem língko kope idagakom bulu oolooko turdung. Idola Shédíme pesola míngkesuna kídíe Shédíke kangkolo gaiyadung.

ISAIAH 19:1

Si Ijipt teyolo ponam legangko: Kaatola, doomug lok menarupe Ijipt amolo Ruutum bí aadak. Ijipt among lokke uyu mimang kídíe bíme pesola dan-gekai, delokke ami kídíke aapí-aangete pesolok aide poggekai.

ISAIAH 23:5

Edílo Ijipte legangem tatyédí, bí Tur kepe ankí kítí biyé.

JEREMIAH 27:5

Ngokke lakbíng annyi sokke botteruna pauar lok yamtar dula among sim, so yéna taniem, delokke taroem pílento. Sikesim ngokke agí míngkor supe, mííba sunamem ngo bidung.

NAHUM 2:10

Ninebi me nyokmokai, atí kamoyimang, bénla byakruknampe imoto! Pesolok aapí kídíe yolgekai, lebínge ralyimala dankai, delokke mikmoe rukkai.

SANNAM 20:14

Kadeshlok, Mosi bí Edomke kotokiem lulígla poto. “Ngokke Israel bíro kídíe sipe rogu sudung. Ngoluk teyolo ankí-keno adír takam aanamem no kéndung.

SANNAM 20:24

“Aaron me agí amisulo langa suyéku. Ngokke Israel kídíem binam among delo bí aamayé, kapeila nonyi annyi page Meribah asilo ngok lulígem ipatsuto.”

MATI 20:15

Ngokke poisarlok ngokke mííbape ilamanía? Demangkom no ngokke bidar namsim nesudunía?’

POBENG BINAM 11:25

Séko amiekom nolum dakka sulamayé, kapeila Ruutum noluke Shédíke pébisunampe bí reyubrunam peso-ríanem melígla ami kídíe nolum pesodope noluke gíko takamke asi-among tabunglo iyé.

POBENG BINAM 2:25

Siloke longe so, ngo yirí-pedípe míínam, peso-ríanem taleng rumkíso melígla, noluke adud ayudem ami takame tatla, bulume peso-ríanlok ankígela idope imoyé.”

POBENG BINAM 28:10

Delo tani amongke opín-buang takame, Ruutum ke amínlok nolume mínnamem kaala-tatla nolume pesoyé.

POBENG BINAM 32:8

Edílodí Kedonyalumna bí opín kídíem, agí agíke yétem panlíktodí, edílo tani takamem bí ipansutodí, delo bí Shédíke oo kídíke anyo-bojé akorpe, ami kídíke asi-among rísu kídíem kíbito.

HIBRU 11:31

Míngke lokmin notiipe ina Rahabme Shédíme míngge mana kídílo pettak sumane, kapeila bí makro rola inakídíem aipe kaarík iríksuto.

JOSHUA 2:11

Edílo ngolu dekedem tattodí, delo ngoluke aapí-aange améng aloola, noluke legape ngolu takamke aapí-aanglo, ralnam atí kayimangkai. Kapeila Ruutum noluke Shédíbí, teyong among kelang tani among sokke Shédíe.

JOSHUA 2:24

Delok teyolo bínyi bím poto, “Asi-among tabusim, ngoluke alag aralo Ruutum bí bilíktung emla ngonyi arorupe míngkai. Ngolum ami takame pesorían along gedung.”

JOSHUA 2:8

Rokang goona annyi delokke ibaamang adape, Rahab bí míílong delo saala, ami annyidem poto,

JOSHUA 5:1

Jordan korongem ngoluke gíyinma tetengem, Ruutumke Israel kídí legape, asiem pítílmola inamem edílo Jordan korongke anggodanlo duuna, Amorit roja kídíe lang siyéng robeng abulo duuna Kanaan roja kídí takame tattodí, bulu dem tatla buluke aapí-aange yagorupe améng gela, Israel kídíem mimak iríksupe atí ralnam kaimato.

JOSHUA 6:2

Ruutum bí Joshua me poto, “Kaatola, simlang sokke rojem, delokke sipaying takamem, nokke alag aralo ngo bilíkdung.

JOSHUA 9:10

Delok teyolote Jordan sanggodanke Asthrothlo duuna, Bashanke roja Og delokke Heshbonke roja Sihon, dekena Ammon ami kídíke roja kídí teyolo Ruutumke inamem ngolu tatto.

JOSHUA 9:24

Bulu bím poyansuto, “E mite migom, noluke entíng-gítíng takamlo, asi-among takam sim nolu yébomdope, delokke sikeso duuna ami takamem nyokyin modope, Ruutum noluke Shédíbí Mosi me lulígto. Ruutumke lulígnampe ato-siro takame ilenkai. Sikepe ilennamem ngolu airupe jikki-rokpakpala dekepe ngolu nome yatto. Ngolu nolum yagorupe peso-rían geto. Ngoluke yénamem noluke keralo mesiisupe emla dekepe ngolu ito.

JOSHUA 9:9

Delo bulu poyansuto, “Ruutum noluke Shédíke amín kanamem tatla, ngolu deddína mooteng amonglo lokke aadung. Bíkke Ijipt among belo irisinyo inam takamem ngolu tayyinto.

KEBANG RUUTUM KÍDÍ 7:14

Bíkke angongde dem tatla, “Si abídmang, Israel ami Joashke oo Gideonke yokse, Midian kídí emlang notko tabusim bíkke alag aralo Shédí bí ruulígtung,” emla poyansuto.