JOSHUA 2:19 - DEENA BAIBÉL (BSI)

¹⁹ Séko amiedí ekum sok gílen yédí, bíkke sinamde agí imempe isuyé, delokke daidem ngolu togemayé. Idola nokke ekum araso mokanamko kayé mílo, delokke daidem ngolu togeyé.

JOSHUA 2:19 Iomraidhean Croise

2 SAMUEL 1:16

Delo Dabid Amalek amidem poto, “No sim agí dai sim, agí tukku teyolo agísue laalík suto. No Ruutum ke ullen sunam rojem petto emsula agísuem loorímape emsuto.”

2 SAMUEL 4:11

Demílo supak, aina amikonem, agíke kyare ippulo ipdungem petna, bíírík-hamgomana ami nonyim, ngo bík iyyi areme nonyikíng laala, tani among sok nonyim nyokmomayénía?”

1 ROJA KÍDÍ 2:32

Dabid ke atí kénmape Joab bí amiem emmumpe mokato. Joab mempemílo gaiyana, siidum-dengepe yésuna Israel ke maglíng ruutum Abner delokke Judah lokke maglíng ruutum Amasa bínyim, bí mokato.

GÍLEN KUNAM 12:13

Eyab gaanglo iyyi kaanamde, noluke dungko ekume emla kangkén monana iyodpe iyé. Edílo ngo Ijipt amiem itung-iré yédí, delo ngo iyyiem kaamílo nolum gíboola, nolum ngo atí itung-irémayé.

GÍLEN KUNAM 12:22

Hissop riyong lok gagbomko laala, ekunglo duuna iyyi delo ilum líkla ipala, eyab gaang abe kídí lolang teyonglo, iyyidem mollík langka. Roh mangadape sékote agí ekumlok gílen mapeka.

GÍLEN KUNAM 12:23

Edílo Ijiptlo ami kídíem Ruutumbí mokape emla rego takamlo magooyédí, bí eyab gaang lokke abe kídí lolang, teyolo iyyiem kaala, bí eyabem gíboola, moka nadem nolum moka madope noluk ekumlo aamo mayé.

LEBITIKA 20:11

Séko amiedí agíke abuke mime konkolo deemang-amo ibosuyédí, dekena amide agí abuke mikmo-lepangem nyokmodung, dekepeila dem ami demlang mime dem mokape aido. Bínyike ajéde bínyike teyong sulo kasu tereyé.

LEBITIKA 20:9

Séko amiedí agíke abuem demamílo agíke anem bééyédí, bím moka langka. Bí agíke abuem demangkom anem béngkolok, bík ajéngde agísulo kasukai.

MATI 24:17

Séko agí ekum míílolo duududí de oilangkula ekum lokke atíem giilenkupe imapeka.

TOMLÍKNAM 18:6

Idakkom edílo bulu bím lutumla atímape lutodí, delo bí egem píkdan sula bulum luto, “Nolu nyokyékom nolusuke. Ngokke ipenamem itobong. Supak lokke ila ngo Mipaklo gíyéku.”

TOMLÍKNAM 20:26

Delok legape, ngo nolum silo pokan subidung ngo ami takam iyyilokke deesudung.

TOMLÍKNAM 27:31

Delokrongem Paul bí sipaying ruutum demlang sipaying kídíem poto, “Si amikídí si jajiso duumamílo nolu turmayé.”

PHILIPIA 3:9

delokke bíkkíng apíípe leko bosudungku. Ayonem igekolok paanam kísape yéjiinamde Kristokíng míngke sukolok Shédí kelok lenne.

HIBRU 10:29

Demílo Shédíke Uem mepak nadem kape kísa iyén? Bíkke arbínna Shédíke daapong iyyiem míílum nadem kape iyén? Shédíke yanggong Aidem lukaa nadem kape meyén? Míngkítoka, edítna pakyana ingééyém bí paayéne!

JOSHUA 2:12

Depeila ngo kapekísa nonyim ai-kampope iríktodí, dekepe ngokke edung erang emte nolu ai-kampope iyé emla, Ruutum ke amínlok pésulangka, delokke nonyike agomem ngo aroe emla míídope iyodko ikan bilangka.

JOSHUA 2:14

Delo ami annyide bím poto, “Ngonyike igoonam legang sim no séko memkom pomayémílo, edílo Ruutum bí among sim ngoluke alag aralo bilíkyédí, delo nomlang nok edung erangem, ngolu ai-kampope iríkyé. Ngonyike agom pokampe imayémílo noluke ayanpe ngonyike yénamsi nyoklatyé.”

JOSHUA 2:20

Sok teyong so ngonyike legí-sigangem no pokan yémílodan, nokke ngonyime togesumonam agom-aang sim ngonyite mesiisumayé.”