JOSHUA 2:11 - DEENA BAIBÉL (BSI)

¹¹ Edílo ngolu dekedem tattodí, delo ngoluke aapí-aange améng aloola, noluke legape ngolu takamke aapí-aanglo, ralnam atí kayimangkai. Kapeila Ruutum noluke Shédíbí, teyong among kelang tani among sokke Shédíe.

JOSHUA 2:11 Iomraidhean Croise

1 ROJA KÍDÍ 8:60

Depe imílo tani among sokke opín-buang daadie Ruutum petommin Shédíe delokke anguyang kamang emla kényinyé.

2 ROJA KÍDÍ 5:15

Delo Naaman bík ami takamem gíbola Elisha kíng aala sikepe poto, “Supak lokke Israel petomlo Shédí kadung, abídlo kamang emla ngo kénbengkai. Depeila ngok aman gebinam sim no ayala laarík sutoika.”

NEHEMIAH 6:16

Edílo ngoluke miru kídíe sim legang sim tattodí, delo ngolum dunggona ami takame pesola, delokke bulu agíem míímésuto; kapeila sim agér sim ngoluke Shédíke igullok ipííto emla bulu kénto.

ESTHER 8:17

Ingko amonglo, delokke ingko doolunglo rojake ukume píítodí, delo Jihudi kídí aralo ashérunge ila, doman-tíímanla, nyoman longekope loodumtuai. Delokke delok among delok amie bojéko Jihudi amipe tolíksuto, kapeila bulu Jihudi kídíem pesoto.

MIRILUNGGU 102:15

Angu opín kídíe Ruutum bím pesoyé; among sokke roja takame bíkke angun ralnamem pesoyé.

MIRILUNGGU 22:14

Ngokke ralname amolo asiem purpaknam kísape ikai. Ngokke along takame jonrík suyimang.

MIRILUNGGU 58:7

Bulum asi kísape oomo tokuika, tami kísape samjémtoka.

MIRILUNGGU 83:18

Ruutum emla amín gena no petom mino tani amosokke Kedon yalumne emla bulume kénsudope no ilangka.

GÍLEN KUNAM 15:14

Ami kídí tabunge tatla, bulu pesolok dan-go sukai. Phillistia kídíe pesolok, míngkén yimape ikai.

GÍLEN KUNAM 15:15

Edomke ruutum kídíe pesolok akén geyimangkai, Moabke miram kídíe dan-gekai, Kanaan among lokke ruutum kídíe aapí-aange amérungkai.

ISAIAH 13:7

Mipilke alage lakbyayé, delokke aapí-aange yolyé.

ISAIAH 19:1

Si Ijipt teyolo ponam legangko: Kaatola, doomug lok menarupe Ijipt amolo Ruutum bí aadak. Ijipt among lokke uyu mimang kídíe bíme pesola dan-gekai, delokke ami kídíke aapí-aangete pesolok aide poggekai.

EJEKIEL 21:15

De deddína amike aapíem amémola yolmoyé, delokke tupsumoyé. Buluke doolung luuyab, rego mipílok, ngo yoksa delok papakpe irít lenyébong.

NAHUM 2:10

Ninebi me nyokmokai, atí kamoyimang, bénla byakruknampe imoto! Pesolok aapí kídíe yolgekai, lebínge ralyimala dankai, delokke mikmoe rukkai.

POBENG BINAM 1:28

Ingkolo ngolu gíyén? Ngoluke bíro kídíe ngolum aapí-aang améng moto.’ Bulu sipe emtoku, ‘Ami kídíe, ngolum pemílo bodong botte yala ralyaneeke. Doolung kídíete bottela, taleng telo píídope língkum etorem itung. Ngolu Anakimke (Migo-mimat) otíng oyin emte deke delo duudupe kaato.’

POBENG BINAM 20:8

Sok agom kídí teyong so maglíng ruutum kídíde sime potem langka, ‘Aapí-aange améngope ila pesona ami kadun? Dekepe inako kadumílo bí ekumlo gílat sulangkuka. Demamílo bí abíd maglíng kídíke aapí-aangemte améngmoyé.’

POBENG BINAM 4:39

Silo nolu, aapí-aanglo aroe emla mííla, mitpan sumape sim gegap langka: Ruutum bí teyong among telokke lang rumkíngke tani among sokke Shédíe. Bík kékonlo anguyang kamang.

JOSHUA 14:8

Idola ngokkíng gímín gena bíro kídíde, buluke agom-aang pokunamlok ami kídí aapí-aangem yagorupe pesomoto. Idola ngo agísue Ruutum ngokke Shédíke lulígem apíírupe ibito.

JOSHUA 2:24

Delok teyolo bínyi bím poto, “Asi-among tabusim, ngoluke alag aralo Ruutum bí bilíktung emla ngonyi arorupe míngkai. Ngolum ami takame pesorían along gedung.”

JOSHUA 5:1

Jordan korongem ngoluke gíyinma tetengem, Ruutumke Israel kídí legape, asiem pítílmola inamem edílo Jordan korongke anggodanlo duuna, Amorit roja kídíe lang siyéng robeng abulo duuna Kanaan roja kídí takame tattodí, bulu dem tatla buluke aapí-aange yagorupe améng gela, Israel kídíem mimak iríksupe atí ralnam kaimato.

JOSHUA 7:5

Ai doolung delokke ami kídíde bulum doolung yabgo luyab delokke monbomla Shebarim loope monlíkto. Depe idudelo Israel amiem midum íying angum kolang akkéko etpang bedang delo mokato. Dem kaala ami kídí delokke aapí-aange améng aloola asi kísa ito.

JOSHUA 9:24

Bulu bím poyansuto, “E mite migom, noluke entíng-gítíng takamlo, asi-among takam sim nolu yébomdope, delokke sikeso duuna ami takamem nyokyin modope, Ruutum noluke Shédíbí Mosi me lulígto. Ruutumke lulígnampe ato-siro takame ilenkai. Sikepe ilennamem ngolu airupe jikki-rokpakpala dekepe ngolu nome yatto. Ngolu nolum yagorupe peso-rían geto. Ngoluke yénamem noluke keralo mesiisupe emla dekepe ngolu ito.

BEROK BINAM 6:16

Bulu dííte kídarem delokke lííne lííreng kídarem sikepe poto, “Ngolum ojémtola delokke palenglo duuna bíkke mingmo lokke delokke mérbénoke aklíng lokke ngolum mesuptola!