JOSHUA 2:1 - DEENA BAIBÉL (BSI)

¹ Delo Nunke oo Joshua bí Shittim lok midum annyiko, rusisula rokang goodope lulígdola políkto, “Nonyi Kanaan amongem kanggong dola, Jeriko doolungem kaasi gootoka.” Depe polík kolok bínyi delo gíla notiipe ina Rahabke ekumlo dooto.

JOSHUA 2:1 Iomraidhean Croise

KEYUM KERO 42:16

Noluke aralok akonem melík tokuka, bíro dem laadokupe, delokke abíd nolum pateklo mepoyé. Sim noluke agom kídíem aroe emla kangkén nanape idung. Depe nolu imayémílo Pharaohke turname aronam kísa, nolu miru lokke kotokie.”

KEYUM KERO 42:9

Delo bí bulum immang maabomnamdem míípasula bulum luto, “Nolu miru kotokieke, nolu, ngoluke among sokke edíngmape elukuem yirkangpe emla aadung.”

MIKAH 6:5

Ngokke ami kídía, Moab lokke roja Balakke nolume ipe emla míírutuanam em, delokke Beorke oo Balaam bí kape kísape bíme poyan sutuadín deme míípa sutola. Akasia notkolok ilenla Gilgal loope, bedanglo endungem inam atí kídídem míípasutola. Sike kídar sim míípa sutola, delo nolum mopítpe ngokke inam kídíem nolu kénsuyé.”

SANNAM 13:1

Ruutum bí Mosi me poto,

SANNAM 13:2

“Ngokke Israel kídíem binam Kanaan amongem rokang goodope ami ayoko melík langka. Opín-buang miyonglok miro amiko ullenla lulíg langka.”

SANNAM 25:1

Israel kídíke Shittimlo notko ila duudungem, milokong kídíe Moab mimelo abír-ayo ibosuto.

SANNAM 33:49

Moab yiibe delo bulu Jordan korong robengke Abel Sittim keela Beth Jeshimothke pénsamlo notko ito.

MATI 1:5

Salmon bí Boajke abue, (bíkke anede Rahab), Boaj bí Obedke abue, bíkke anede Ruth, Obed bí Jesseke abue.

MATI 10:16

“Ngo nolum mérbéno kísape sipyang gooralo melen líkdung. Delok legape, tabí kísape ansu langka delokke pekí kísape yayo langka.

EPHESIA 5:5

Nolu sim kénmape imaruyé; abír ajon, belum bekamna demangkom yagope kaabonade mimang kumsune, bulu Shédí kelang delokke Kristoke teyong among yétem tarong paamín gemayé.

HIBRU 11:31

Míngke lokmin notiipe ina Rahabme Shédíme míngge mana kídílo pettak sumane, kapeila bí makro rola inakídíem aipe kaarík iríksuto.

JEMS 2:25

Dekepakpe, notiipe ina Rahab meteng miru kídíem doomo pala delokrongem bí rego regolo menyok líkku kolok bím yéjii nakope sanmanía?

JOSHUA 1:18

Nokke ruutum yétaem séko bulu mirupe iyédí, demangkom nok lulíknam agomem tatmayédí, deme petpakpe aido. Aapíe edíírupe mínggapla míídíí sulangka.”

JOSHUA 2:2

Asi amongem rokang goona, Israel ami annyi delokke delo yoh delo aala doonamem, Jeriko delokke roje tatpaato.

JOSHUA 21:31

Helkath delokke Rehob emnam doolung appi demlang taro yépeko kídíemte paato.

JOSHUA 3:1

Roh rokompe Joshua lang Israel tabunge, Shittim lok gílen langkula, Jordanem koomang adape korong robeng delo notko ila doopoto.

JOSHUA 5:10

Jeriko lokke yiibe Gilgallo duudungem, poolo delokke longe íying kola appinana lokke yume delo, Israel kídíe Gíbong adeng-ape em ibosuto.

KEBANG RUUTUM KÍDÍ 1:23

Delo Ruutum bí bulum igulto. Kerape bulu doolung delo magroem gígemoto.

KEBANG RUUTUM KÍDÍ 18:14

Kerape Laish amonglo rokang goonade buluke bíro kídíem, “Ekum kídí arang sokke akonlo baldín lok píket líknam mimang ko kadung. Delok teyolo teng tuplíknam abíd mimange kadung. Delokke mimang ayoko lang Ephod ege kote kadung. Sikesim nolu kéndudí? Ngolu kape imílo aiyén?” emla popato.

KEBANG RUUTUM KÍDÍ 18:17

Amongem rokang goona midum pilngode aralo aala baldín pílíknam mimang demlang abíd mimangem delokke Ephod dem laato. Depe laadoem miri delang, mimak leemo gena abíd ami kídíde eyab delo dagyato.

KEBANG RUUTUM KÍDÍ 18:2

Dan ami kídarde, buluke opín aralok miram pilngoko ullenla, “Nolu asi-among sime kanggotoka,” emla Jorah delokke Eshtaol lok lulíkla melíkto. Ami kídarde adi among Ephraimlo aala, Mikahke ekumlo pííngala yohdem mibope doopatto.