JOSHUA 18:6 - DEENA BAIBÉL (BSI)

⁶ Nolu moole kíníd delokke mépdem atrongem, ngokke so bomang kupe aido. Delo ngo Ruutum ngoluke Shédíke kangkolo lotoripe iyé.

JOSHUA 18:6 Iomraidhean Croise

MIRILUNGGU 105:11

Bí poto, “Ngo nom Kanaan amongem biyé, de nokke duuyar bompenam tarongpe iyé.”

NGIITOM SIRUNG 16:33

Amikídíe Shédíke míínamem kénpe emla líímé modung, idakkom Shédí bí dem poyan supenamem míírusudung.

NGIITOM SIRUNG 18:18

Kénna midum annyiko kebang gooralo lukísula luram bosumílo, dem lotori sonamlok legangem iyin bilado.

SANNAM 33:54

Asi-amongdem lotori ila, noluke opín-buang ségupe orpan bosulangka. Milung-mibam yanem bojéyape asi-amongem orla, anyonem anyoyape orla ibosulangka. Lotorike akorpe buluke yége-daggepenam asi-amongde iyé. Dekedem noluke buku-neku opín-buang adongpe orpan bosulangka.

SANNAM 34:13

Mosibí Israel kídíem poto, “Sikesi Ruutum ke opín-buang konang kola arotkonem yébom-dagbom dope panlíkname. Nolu sikesim lotoripe ibosula orpan bosulangka.

TOMLÍKNAM 13:19

Bí Kanaanlo opín kínítko nyokmo toku delokke buluke duubomnam amongem bíkke ami kídíe duubomdope bito.

JOSHUA 14:2

Ruutumke, Mosike teyolo lulíknam tuubupe, bulu opín konang kolang, opín arotkonke asi-among yétaem lotoripe ila orbosuto.

JOSHUA 18:10

Píídum surongkudem buluke legape, Joshuabí Ruutum ke keralo, Shiloh notko delo lotoripe iboto. Depe ibila bí Israel ke opín-buang miyongem amongem orpan subito.

JOSHUA 18:7

Idola Ruutumke miri agérde Lebi kídíke tarongpe itoname, bulu among tarong paamín gemayé. Delok teyolo Gad, Reuben delokke Manassehke opín arot konde buluke among tarongem, Jordan korong sanggodan elo paatobong. Bulume, Ruutumme agér ibina Mosi bí panbito.”

JOSHUA 18:8

Ami kídar delokke amongdem mép idope emla gílendoem, Joshua bí bulum poyilto, nolu among delokke rego mipílo kanggola, delokke legí-sígangem atlangka. Depe irongem, noluke píídum suyékuem, so Shiloh doolung so, Ruutum ke keralo ngo lotoripe nolum ibiyé.