JOSHUA 18:16 - DEENA BAIBÉL (BSI)

¹⁶ Delokke ila rísude Rephaim Yiibe línggíng danlo duuna Ben Hinnom Yiibeme geríksuna díítum kídíke lebelok gíto. Delok gílangala Jebus kídíke doolung rumkíng yiibe kídí delok gílangala Enrogello lentoku.

JOSHUA 18:16 Iomraidhean Croise

2 SAMUEL 17:17

Jonathan lang Ahimaaj bínyi Jirusalem lok ampenglo duuna, Enrogel doolunglo duuyadungai. Bínyi so, doolunglo kangko sugotla duuto, delokke béérang mime kooko legí-sigang takamem bínyim pobidungai, delokke bínyi dem Dabid rojame pobidungkuai.

2 SAMUEL 5:18

Delo Philistain kídíe Rephaim yiibe delo pííla dem duubomto.

1 ROJA KÍDÍ 1:9

Longekonem Enrogel anínlo duuna Tabí Lííreng delo Adonijah bí, ngelna rubíl loklang mér lok delokke abíd taro eke palíkla ipak ito. Delo bí, doman dokolo Dabid rojake onam abíd oo kídíemlang bík bíro kídíem delokke rojem agér ibina abíd migom kídíem dobo tomto.

2 ROJA KÍDÍ 23:10

Bí Topheth emnam Ben Hinnom Yiibelo duuna demteng líípakbila, uyu Molekke mepomlo, lekoteng agí ome-oo kídíem uyu amínpe romka sulíkkan yimadope ito.

1 ODONG 14:9

Philistain kídarde Rephaim Yiibelo pííla líílento.

2 ODONG 28:3

Hinnom Yiibelo bíkkíng namponem nyotlíkto, delokke bíkke agí oo kídar emteng uyu mimang kídídelo, Israel ami kídíke aabomdagem Ruutumke kerang kerang mon-gé binam ami kídar delokke belumrupe inamem kanggesula, romnam amanpe romlíkto.

2 ODONG 33:6

Bí bíkke oo kídíemte Hinnom Yiibelo romnam amanpe romlíkto. Bí líímé delo moya-montorong ila kaatosuna uyu miri kídí emla aid miri kídíem kangko-tatkosuto. Bí botterupe Ruutum ke keralo paab agér ila bíme yagorupe marmoto.

ISAIAH 30:33

Kerapekai Assiria rojem romdope, eme rompom botterunako irutung. De eerí aloodung, delokke bortak aloola, deddína esingem kumlík replíktung. Delo Ruutumke nappalok eme lenla deme rílíkyé.

JEREMIAH 19:11

‘Maglíngke Ruutum bí sipe podung: Kapekísa peking sim idum sulayimadope betmíktodí, dekekísape ngo doolung simlang ami kídí sim líípakyé. Simang yulíkpeko kaimadupe Tophethlo simange dooyé.

JEREMIAH 19:2

Hinnom yiibelo gíla delo Potsherd Luuyab angko delo aala ngokke agomem no pobilangka.

JEREMIAH 19:6

Dekepe ila ansulangka, sim yiibe amo sim ami kídíe Hinnom yiibe demangkom Topheth emla mín-yimape, Petpom yiibe emla míndíku longe píídak.

JEREMIAH 32:35

Bulu Hinnom Yiibelo Baal uyuke legape runggu píla, buluke oo kídarem ipakpe ilíkla, Molek uyu kíng ome kídíem ilíkto. Sikena belumnam agérem idope ngo lekokom lulíg kímang, delokke sike rorípe iyépe emla ngok aapí sote míngkímangai. Bulu sikepe ila Judah amongem bojérupe paab kamoto.”

JOSHUA 15:63

Jebus ami kídíem Judah kídíe Jirusalemlok monbín lamato. Depeila Jirusalemlo Jebus ami kídíe Judah kídílo silo meloteng lekope duubosudung.

JOSHUA 18:28

Jelah, Haeleph, Jebus (emnamde Jirusalem), Gibeah delokke Kiriath Jearim, sike sokke teyolo doolung aména kídíemte handumsula, íying kola appiko ito. Sikesi Bénjamin kídíke pínmík-ramíkpe yébomnam doolung kídíe.

KEBANG RUUTUM KÍDÍ 1:21

Idola Benjamin ami kídíde Jirusalem lok Jebus ami kídíem monpak lamato. Silo loope bulu Benjamin ami kídílo lekope Jirusalemlo duudung.

KEBANG RUUTUM KÍDÍ 1:8

Judah ami kídíde, Jirusalem emte mimakpe aabomla laato. Bulu ami kídíem yoksalok pakala, doolungem emepe ríto.

KEBANG RUUTUM KÍDÍ 19:10

Idola amide yoh akonko duula yimala, Jebuspe (Emnamde Jirusalem) bíkke éémé demlang leemo líknam gado annyidem béérang delo lekope gíbo langkula entoku.