JOSHUA 18:12 - DEENA BAIBÉL (BSI)

¹² Buluk among rísude, línggíngdan lokke Jordan korong lok ilen langaala, Jeriko línggíngdan etpangpe gído langkula, anggodanke adi amongpe gílangala Bethaben emko yépol mooruk amonglok pattoku.

JOSHUA 18:12 Iomraidhean Croise

HOSIA 10:5

Samarilo duuna ami kídíe Bethaben ke rubíl mimang lokke nyokku penam legape pesoyé. Delokke ami kídíe lang miri kídíe, delokke deme gai-gakongrupe míísuna kídíe deme kapla-rííla ibomyé, kapeila bulu kelok langkutla, deme mooteng amolo menyokyé.

HOSIA 4:15

“E Israel nolu abír-ajon idagakom, Judah erangme akampe imem momapeka. Gilgal, demangkom Bethaben kumpomlo gígong mapeka, demangkom deke delo, turna Ruutum ke amín lok pésumapeka.

HOSIA 5:8

Gibeahlo mimak bikul kídíem mutlangka! Ramahlo lomgong sudope gogying langka! Bethaben lo mimak togogem goglík langka! E Benjamin makbiem duklangka!

JOSHUA 16:1

Joseph kíng lenna opín-buangke among rísude, Jerikoke sanggodan asilok ilenla línggíngpe saadusula, yépol mooruk amonglok gíla adi amongpe saalangkula Bethello pííto.

JOSHUA 18:11

Kerayalumpe, Bénjamin opíndem, pínmík-ramíkpe panbito. Bulum panbinam amongde, Judah kelang Joseph ke opín kídíke among pénsamlo ito:

JOSHUA 2:1

Delo Nunke oo Joshua bí Shittim lok midum annyiko, rusisula rokang goodope lulígdola políkto, “Nonyi Kanaan amongem kanggong dola, Jeriko doolungem kaasi gootoka.” Depe polík kolok bínyi delo gíla notiipe ina Rahabke ekumlo dooto.

JOSHUA 3:16

Dekepe ido delo ali-aam gatdí-idíe, delokke Jordan korongde goola bottedo. Idola edílo, Daapong Sondukdem joobomla miri kídí delokke ale koronglo tuatodí, aside biiyimape biidesula, Jarethan deego-yilo loope duuna Adam emnam, mootengo telokai duuna luune deloope korong aside biingkumsuto. Delokke sokko danpe Arabah Siyéng (Alo Siyéng) loope biitokna asidem gensékto. Depe ikolok ami kídíe Jerikoke arotkon danlo pííto.

JOSHUA 6:1

Israel kídí legape Jerikoke doolung yapgo eyabdem, edíírupe ikapla meto. Depe ila sékote gílen gíana kamato.

JOSHUA 7:2

Bethaben anínke Bethel doolung lokke sanggodanlo duuna Ai doolung demlang among tabungem rokang goodope Joshua bí ami ayokondem Jeriko lokke lulígto.

JOSHUA 8:15

Delo Joshua lang bíkke maglíngde yépol moorukdan amongpe anyong anyongpe mimakdem imínsula ngétkutsuge bidolangkula duggetoku.

1 SAMUEL 13:5

Philistain kídíke Israel kídíem mimak ipe gídum sudodem bulukíng mimak guré-gaarie éjar íying angumko, guré dugbomna sipayinge éjar akkéko delokke sipaying amie siyéng robenglok siyé kísape inako kado. Bulu Bethabenlok sanggodanke Mikmashlo gíla notko ito.