JOSHUA 18:1 - DEENA BAIBÉL (BSI)

¹ Among tabungem mimak ila laayinrodem, Israel ke opín-buang tabunge Shiloh lo dumsula Ruutum ke Tombuem delo tuureplíkto.

JOSHUA 18:1 Iomraidhean Croise

2 SAMUEL 7:6

Israelem Ijipt lok laalendoku delok ila, supak loope ngo ekum kolo duumang; ngo tombulo duula yégodung.

1 ROJA KÍDÍ 14:2

Delo Jeroboam bí bíkke mimedem poto, “Sékote ngokke mime emla kangkén madope no angupe leemo irung sula Shiloh doolung belo gíkaka. Belo, ngome Israel kídíke rojape iyé emla manna kaaluna miri Ahijah bí duudung.

1 ROJA KÍDÍ 14:4

Depe lulíg kolok Jeroboam ke mime de milo lukampe ila, Shiloh doolunglo Ahijah me kaaríksupe gíto. Ahijah bí yagorupe mijingla amige molla kaapayimape ito.

1 ROJA KÍDÍ 2:27

Depe lupala Solomon bí Abiathar me Ruutum ke agér ikolok igétoku. Depeila miri Eli kela bíkke otíng-oyin teyolo Ruutum bí kape kísa Shiloh doolunglo lutuadí deme apíng moto.

NEHEMIAH 9:24

Delok legape otíng-oyin kídíe delo among delo aalangkula among dem yébomto. No delo among delo duuna Kanaan ami kídíem buluke rumkínglo meto, delokke bulum kape ipe mííyédí dekepe idope buluke roja kídíem, delokke among delo duuna opín takamem buluke alag aralo melíkbito.

MIRILUNGGU 78:60

Bí Shiloh doolulo notko inamem metoku, delo bí ekumpe ami gooralo duutuai.

MIRILUNGGU 78:66

Delo bí bíkke miru kídíem monpaktoku; bí bulum annyirunge idope ito.

JEREMIAH 26:6

delo ngo sim Kumkeng Ekum sim Shiloh em inam kísa iyé. Delo sim doolung sim tani among ara sokke ami aralo pémín suyém amín mín-genampe imoyé.”

JEREMIAH 26:9

No kapeila Ruutum ke amínem mínbom dola si Kumkeng Ekum si Shiloh kísape iyé, delokke si doolung si ami kaimape kumrukpe ila rongngamyé emkan?” Depe ido delo, Kumkeng Ekum delo deddíko bosi amie dumsuto.

JEREMIAH 41:5

Shekem, Shiloh, delo Samari lok midum íying píínyiko Mijpahlo pííto. Bulu nammídem ngísula, ege galugem bétsula, amíl amoem tarí iket sula, ali-ayé amanem bomla Kumkeng Ekumlo arí namponem nyotlík kape emla aatuai.

SANNAM 32:22

Edílo asi-among sim Ruutum ke keralo apíípe yébomla irongem delo nolu agíke toge sulíknamlok apít arangpe yélangkula Ruutum ke keralokla Israelke keralok lenlangkula gíladoku. Depe imílo, si asi-among si noluke yége-dagge bompenam asi-amongpe iyé.

TOMLÍKNAM 7:45

Notko dem paala, Joshuake gooralo ngoluke abukídíe buluke kangkolo Shédíke monpak bikunam angu opín amolo aadodem bulu dem bomato. Si Dabidke longelope delo amodelo duuto.

JOSHUA 18:2

Dekepe ido delo, Israel lokke opín kínídko among ormaname kato.

JOSHUA 18:8

Ami kídar delokke amongdem mép idope emla gílendoem, Joshua bí bulum poyilto, nolu among delokke rego mipílo kanggola, delokke legí-sígangem atlangka. Depe irongem, noluke píídum suyékuem, so Shiloh doolung so, Ruutum ke keralo ngo lotoripe nolum ibiyé.

JOSHUA 19:51

Nunke oo Joshua lang miri Eleajar delokke Israelke opín-buang miyongke ruutum kídíe, Shiloh doolunglo Ruutum ke Tombu eyab gíída delo, Ruutum ke keralo lotoripe ibosula asi-amongem pan-yin bosuto. Sikepe ila bulu asi-amongem oryin bosuto.

JOSHUA 21:2

Kanaan among lokke Shiloh doolung delo aala bulum poto, “Ngolume duupe-dakpeko doolung emlang delok ayir-agolo ngoluke taro kídíe dota goopeko moolop kídíemte itaksula ngolumte yépekuem panbidope, Ruutum bí Mosi kíng lulígtuai.”

JOSHUA 22:12

bulu opín-buang takame Shilohlo gídumsula sanggodanke opín kídídem mimak ipe emla ibomto.

JOSHUA 22:19

Depeila noluke among si dormo agér legape deemangpe idumílo, Ruutum ke Tombu dungko rotkon elo nolu aatoka. Ngoluke asi-among yébomko aralo, noluke yéta legape togemíntoka. Idola Ruutum ke mirolpe imapeka, delokke teyolo Ruutum ngoluke Shédíke runggu kasuko teyolo runggu konko píla, ngoluk arasuloteng mirolpe rolmín sumapeka.

JOSHUA 22:9

Dekepe, Reuben, Gad delokke Manasseh opín arotkonde agí-agí yétasulo enkaku. Bulu abíd Israel kídíem Kanaan amongke Shiloh emko doolung delok gípan sutoku. Mosi kíng Ruutum ke lulíg binam tuubupe Gilead amonglo buluke agí-agí yétasulo bulu enyin sukaku.

KEBANG RUUTUM KÍDÍ 18:31

Shiloh doolunglo Shédíke Tombue duudo deloope, bulu Mikahke pínam mimangem bomtíto.

KEBANG RUUTUM KÍDÍ 21:12

Bulu Jabeshlo gíla milo kénkímana mimum kooem midum 400 ko umlangala Kanaan amongke Shiloh doolung delo aabotoku.

KEBANG RUUTUM KÍDÍ 21:19

Dekepe embosugeyéla bulu, “Shilohlo Ruutum ke dítak adeng-apee píídak,” (Shilohde Bethel lokke línggíngdanlo delokke Lebanonke sokkolo delokke Bethel lola Sekhem bedang lokke sanggodanlo katuai.)

1 SAMUEL 1:24

Koo dem anyun sunsa rodem Hannah bí, ruo angum kolang ettíngem kilogram íying kope, delokke ayo nyogonlo bíína apongko bomla Shiloh lo gíboto. Hannah Samuel me koo amépe Ruutum ke ekumlo aaboto.

1 SAMUEL 1:3

Elkanah bí dítak-dítaklo, bíkke doolung delokke gílenla, Eli ke oo Hophni kelang Phinehas bínyike, Ruutum ke miripe iko Shiloh amonglo, Maglíngke Ruutum me kumsukape delokke ipak ilíkpe gídungai.