JOSHUA 17:7 - DEENA BAIBÉL (BSI)

⁷ Manassehke among rísude, Shekkem lokke sanggodan Asher lokke ilenla Mikmethat loope pííto. Delo Entappuah ami kídí emte itaksula rísude sokko danpe toktoku.

JOSHUA 17:7 Iomraidhean Croise

KEYUM KERO 34:2

Edílo among delokke ruutum pe ina Hibit ami Hamorke oo Shekhem, bím kaatodí, delo bí aala, bíme yééla ipusilééto.

KEYUM KERO 37:12

Shekhem anínlo bík bíro kídíde, abu delokke bénbam, rubam delokke mér kídíem gonggo bomla gíbokai.

KEYUM KERO 37:14

Depe emkolok bí Josephme poto, “No gíla, nok bíro kídíem lang gooru, sobén, mér abam kídíe aidudí, aimadí deke dem kaala ngom polangkuka,” emla bí lulíkla Hebron yiibe delok bím melíkto. Edílo Joseph Shekhem delo píítodí,

1 ROJA KÍDÍ 12:1

Rehoboam me roja imodope Shekhem doolunglo línggíngdan Israel kídíe píídum suyinto, depeila delo bí gíto.

1 ROJA KÍDÍ 12:25

Israel ke roja Jeroboam bí adi among Ephraim ke Shekhem doolung dem língkum etor torla edíípe ipala, delo oolko duuto. Delokke bí byaklangkula Penuel emnam doolung dem edíípe irepla dungato.

1 ODONG 6:67

Ephraimlok díítelo duuna duusi suko luunekon Shekhem, Gejer,

MIRILUNGGU 60:6

Bíkke dungko lokke Shédí bí podung, “Ngokke ikumrongem Shekhem em ipan supala, Sukkoth yiibem ngokke ami kídíem biyé.

JOSHUA 17:6

Gilead amongem Manassehke otíng-oyin abídlo pan-yinlíkto.

JOSHUA 17:8

Tappuah asi-amongde Manasseh kepe ito. Idola Manasseh lokke rísulo duuna Tappuah doolung dedan Ephraim ami kídí kepe ito.

JOSHUA 20:7

Depeila bulu, Jordan korong anggo danlo, Naphtalike adi amonglo duuna Galil Siyéng robengke Kadesh doolung demlang, Ephraimke adi amonglo duuna Shekhem delokke Judahke adi amonglo duuna Hibron dem ullento.

JOSHUA 21:21

Bulume taro yépeko moolop em itaksula sim doolung appi sim ilen bito: Shekhem (si duusi suko doolung kone), Gejer,

JOSHUA 24:1

Shekhem doolung delo Israelke opín-buang takamem Joshua bí laadumsuto. Bí Israelke miro kídíem, maglíng ruutum kídí emlang migom kídí tabungem gogdumsuto. Bulu Shédíke keralo takame lengkan suyinto.

JOSHUA 24:32

Ijipt among lok Israel kídíke bomkunam, Josephke simang deme Shekhem delo yutoku. Dem moolop dem Jakob bí baldín nogdi língko lok Shekhemke abu Hamorke oo kídíem bila retuai. Depeila dem moolop dem Josephke oten ome-oo kídíe buluke among yéta supe bomyar sukai.

KEBANG RUUTUM KÍDÍ 9:1

Gideonke oo Abimelek bí, bíkke ane lokke ali-atod duupom doolunglo gíla bulume sikepe manto,