JOSHUA 17:1 - DEENA BAIBÉL (BSI)

¹ Jordan korong lokke anggodanlo, among ayoko Josephke oo obíng Manasseh kepe panbito. Gileadke abu Makhir bí, Manasseh ke oo obínge, delokke sipaying ruutume. Depeila Jordanke sanggodan Gilead delokke Bashan amongem Manasseh kíng panlíkto.

JOSHUA 17:1 Iomraidhean Croise

KEYUM KERO 41:51

Joseph bí kerangpe opoonam dem Manasseh emla amín mínto. Depe mín-gadem bí sipe emsuto, “Shédíbí ngokke ebín takam emlang ngok edung-erang kídíem kénsu moimape imoto.”

KEYUM KERO 41:52

Otílnam oo dem bí Ephraim emla amín mínto. Mín-gadem bí sipe emsuto, “Ngokke adír pangko amolo Shédíbí ngome edíí-sirímoto,”

KEYUM KERO 46:20

Ijiptlo On uyuke miri Potipherake ome Asenath kelok Josephbí Manasseh melang Ephraim me oto.

KEYUM KERO 48:17

Josephbí abu delokke lakbík alage Ephraimke dumpo delo pijém bomnam dem aipe míímato. Depeila bí abu alag dem Ephraimke dumpo lok laabínla, Manassehke dumpolo laalíkpe ito.

KEYUM KERO 48:18

Abudem bí lupoto, “Yai no depe imapeka. Simino kerape ogename, nok lakbík alage bík dumpong teyolo pijém toka.”

KEYUM KERO 50:23

Ephraimke oo kídíem lang oten kídíem, delokke Manassehke oo Makirke koo kídíemte bí ekumlo kaasuto.

2 SAMUEL 2:9

Delo Abner bí Ishboshethme Gilead, Asher, Jejreel, Ephraim, Benjamin delokke Israel takamlok rojape ullíkto.

1 ODONG 2:23

Idokom Geshur lang Aram bulukíng Habboth-jair, Kenath, delokke ampeng lok doolung kídíemte laataksula íying akké doolung kope laabito. So among kídí so duuna takamde Gileadke abu, Makirke otíng-oyin mílíai.

EJEKIEL 47:13

Ruutum Shédí bí sipe podung: “Israelke opín íying kolang annyi aralo amongem jokmík bosupenamem pobidung. Ngok rísu pokampe amongem orpan bosula Josephke oten ome-oolo moolop annyiko panbi langka.

EJEKIEL 48:4

“Manasseh opínde moolopko paayé. De sanggodan lokke ila anggodanpe Naphtali em rísuyé.

SANNAM 26:29

Manassehke otíng-oyine: Makir keelok Makir opíne (Makir bí Gilead ke abue) Gilead keelok Gilead opíne.

SANNAM 27:1

Josephke oo Manassehke opín lokke, Manassehke oo Makir, bíkke oo Gilead, bíkke oo Hepher, bíkke oo Jelophehad bí omeke, Mahlah, Noah, Hoglah, Milkah delokke Tirjah emnameke kato.

SANNAM 32:33

Dekepe emkolok Mosi bí Gad opín emlang Reuben opínem delokke Joseph kíng lenna Manasseh opín arot konem, Amoritke roja Ogke among emla delokke dei-degonglo duuna doolung takam emlang asi-amongem panlíkto.

POBENG BINAM 21:17

Míímayanam mime delokke oope ituakom, dem oodem ogeyalumnam oope kangkénpe aiyé, delokke bíme ato-siro emkom paabosunam lokke adu annyiem orlík langka. Kapeila abuke yaamé siisang lokke de oo de opong yalumname. Depeila ogeyalumnam oo lokke paapenam atode bíkke.

JOSHUA 17:2

Jordanke anggodan among abídem, Manasseh ke abíd erang kídílo panlíkto: Abiejer, Helek, Asriel, Shekkem, Hepher delokke Shemida. Bulu Joseph kelok lenna, Manasseh ke otíng-oyin oo kídíe, delokke opín-buang kídíke dumpong kídíe.

JOSHUA 22:7

Bí sikepete políktoku, “Nolu agí-agíke yéta sulo deddína uun em, baldínem, pitolem, deddína ege galug emlang simon-siliem bomla gídakku. Noluke miru kídílok líínam ato-siro takamem agíke Israel edung-erang kídílo orbo sulangka.” Depe emrodem bulu agí-agíke yétalo enyin sukaku.

KEBANG RUUTUM KÍDÍ 5:14

Bulu Ephraim lok aala yiibe delo aato, nom gímín gena ami kídílo Benjamin bí kato. Makhir lok maglíng ruutum kídíe píngato. Jebulun lok migom kídíe pííngato.