JOSHUA 15:7 - DEENA BAIBÉL (BSI)

⁷ Delokke rísude Akhor Yiibe lok saalang kula Debir loope. Delokke de yiibe delokke sokko danem geríksuna, Adummim gééjongdem dakrík sukuna Gilgal loope. Delokrongem de gílang kula Enshemeshke asi kídí emko delok ilangkula Enrogel rísu delo paddoku.

JOSHUA 15:7 Iomraidhean Croise

2 SAMUEL 17:17

Jonathan lang Ahimaaj bínyi Jirusalem lok ampenglo duuna, Enrogel doolunglo duuyadungai. Bínyi so, doolunglo kangko sugotla duuto, delokke béérang mime kooko legí-sigang takamem bínyim pobidungai, delokke bínyi dem Dabid rojame pobidungkuai.

1 ROJA KÍDÍ 1:9

Longekonem Enrogel anínlo duuna Tabí Lííreng delo Adonijah bí, ngelna rubíl loklang mér lok delokke abíd taro eke palíkla ipak ito. Delo bí, doman dokolo Dabid rojake onam abíd oo kídíemlang bík bíro kídíem delokke rojem agér ibina abíd migom kídíem dobo tomto.

ISAIAH 65:10

Depe iyékuem Sharon lo mér kídíe dota goolang kula, delokke Akhor Yiibelo gooru-sobén kídíe ketgo langkula iyéku. Ngok ami kídíe dekepe igo dolang kula ngome kumsu yéku.

HOSIA 2:5

Kapeila buluke anede aapí-aang kasumape, annying kénsu mape bulum olento. Kapeila bí sikepe poto, ‘Ngokke mííbo sunam kídílo ngo gímín geyé, kapeila bulu ngome dope-tíípenamem bila, enno-siipyagem, olib télem, delokke asi-apongem bisudung.’

JOSHUA 10:43

Sikepe irodem Joshua lang Israel maglíngde buluke notko doopomlo enlatsutoku.

JOSHUA 15:15

Hibron delo duudola Kalebbí, kerape Kiriath-sepher emlate mínnam Debir doolung delokke ami kídíem mimakpe iyabomto.

JOSHUA 15:6

Beth Hoglah loope, delokke de línggíngpe saalangkula, Jordan yiibem kaatoksuko gíípong Beth Arabah loope, delokke de saalang kula Bohanke Líísik díínam loope ito. (Bohan bí Reubenke oo konkuai.)

JOSHUA 18:17

Delokke rísude línggíngpe gerlangkula, Enshemesh em gíboola, Adummim dííte borkogem dakríksuna Geliloth díítepe bootoku. Delokke de oilangkula Reubenke oo Bohanke Líísik díínam delo pííto.

JOSHUA 4:19

Kerang pooloke longe íyingnana longe delo, ami kídíe Jordanlok aala Jerikoke sanggo danlo duuna Gilgal mooloplo notko ito.

JOSHUA 7:24

Depe irodem Joshua lang Israel daapongde, Akhan melang bíkke edung-erang, ome-oo kídíem, baldín kídí demlang, lukdor galuk dem delokke uun banggén alopdem; delok teyolo, Akhanke bomnam rubo, gado, mér kídíem, delokke tombu demte ila, daadi tabungem umla Akhor yiibe emko delo gíboto.

JOSHUA 7:26

Depe irongem bíkke teyolo, bulu língkum botterunako kumjémlíkto. De silo loope delo duudung. Depe irongem Ruutum ke aklínge buluke teyonglok nyokkaku. Dekepe inam legape silo peteng dem moolop dem Akhor Yiibe emla mandung.