JOSHUA 14:3 - DEENA BAIBÉL (BSI)

³ Kapeila Mosi bí kerapekai, Jordan korongke sanggodan deme, opín annyi emlang opín arotkonem buluke tarongpe orbito. Idola depe ordo deloteng Lebi opínem among tarong orbimato.

JOSHUA 14:3 Iomraidhean Croise

EJEKIEL 45:1

Israelke opín miyonge among orpan suyéme, among alopkon deme Ruutum kepe tolíkla kumlík bipe aido. Among delokke bodonge kilomitar íying kolang annyi kolang arotko, delokke apee kilomitar íyingko ipe aido. De apíírupe deena amongpe iyé.

JOSHUA 12:6

Sime Amorit roja annyi sime, Ruutum me agér ibina Mosi lang Israel kídíe mimaklo ikumto. Bínyike among kídíem, Ruutum me agér ibina Mosi bí, Reuben opín emlang Gad opínem, delokke Manasseh ke opín arotkonem, buluke yébompenam among supe panlíkto.

JOSHUA 13:14

Idola Lebi opíndem Mosi bí among ormato. Kapeila Ruutum ke Mosime políknampe, Ruutum Israelke Shédíkíng romnam aman ilíknam tabungdem buluke adusupe Mosi bí tolíkto.

JOSHUA 13:16

Arnon kobung duurí, Aroer lok ilenla kobungke raadalo duuna doolung dem itaksula, Medeba lokke Heshbon loope edítko gíílíng-gééjongna dííte amonge kadudí deke takamde;

JOSHUA 13:17

delokke sok araso duuna doolung takame lang, si doolung kídísi: Dibon, Bamoth Baal, Bethmeon,

JOSHUA 13:8

Manassehke opín arotkone lang Gad kídíe, delokke Reuben kídíe, Jordan korongke sanggodandem, Ruutum me agér ibina Mosike panlíknampe bulu paato.