JOSHUA 14:12 - DEENA BAIBÉL (BSI)

¹² Delo longe delokke Ruutumke togesunam adupe sim adi among sim ngom bilangka. Delo longe delo no agísuete, migo-mimat Anakim ami kídíe yédung, delokke buluke doolung kídíem língkum kumgongsula botterupe doolung kídíem ila bulu duudung emnamem tatsuto. Idola Ruutum bí ngom iguldung. Bíkke pokorpe, ngo Anakim kídídem monpakyé.”

JOSHUA 14:12 Iomraidhean Croise

2 ROJA KÍDÍ 19:4

Assiria rojabí agíke maglíng ruutumem melíkla turna Shédíme lupu-lulé along pakto. Ruutum nokke Shédíbí dekena lupu-lulé em tatla, dekepe luna bím edo radaklangka. Dekepeila, turla duuna legape Shédí kíng kumbilangka.”

2 ODONG 14:11

Delo Asa bí Ruutum bíkke Shédíme kabbisuto, “E RuutumA, ralna kelang ralmanake pénsamlo sékokom nok kísape igulpenayang kamang. Ngolume igultoi, E Ruutum ngoluke Shédía, kapeila ngolu nokkíng míídasudung, delokke nok amínlok ngolu botteruna maglíng sim imínsudak. E Ruutum no ngoluke Shédíe. Sékokom nome ikumpe míínam sulana kamang.”

MIRILUNGGU 44:3

Nokke amikídíe amodem yoksalok ikummang; bulu agí ralnamlok ikummang; de nokke pauar loklang tolnam lokmin, nokke ayala dunggul kolokmin ikumde ikane.

MIRILUNGGU 60:12

Shédíke igullok ngolu ikumyé; bí ngoluke miruem ikumboyé.

SANNAM 13:28

Idola delo ami duuna kídíde miga-mirameke delokke doolung luune kídíde yabgo kala botteneke. Ngolu migo-mimat Anakimke otíng-oyinemte kaato.

SANNAM 13:33

Ngolu Nephilim kídíem among delo kaato. (Anakimke otíng-oyin kídíde Nephilim kídílok lento) Ngolu buluke keralo agísueme takom kísa kaasuto. Deke kísapei bulu ngolum kaatope.”

SANNAM 21:34

Ruutum bí Mosime poto, “Bím atí pesomapeka. Kapeila bím lang bík sipaying tabungem, delokke bíkke asi-amongem, nolum ngo bitobong. Heshbonlo Amorit rojape ina Sihonme, kape kísa nolu itodí, dekepe bímte nolu ilangka.”

PAULKE ROMKÍDÍLO ATNAM SITHIE 8:31

Demílo, sim tatla ingkuem ngolu poyansupe! Shédí bí ngolukepe idumílo, séko ngolum míílo laayéne?

POBENG BINAM 1:28

Ingkolo ngolu gíyén? Ngoluke bíro kídíe ngolum aapí-aang améng moto.’ Bulu sipe emtoku, ‘Ami kídíe, ngolum pemílo bodong botte yala ralyaneeke. Doolung kídíete bottela, taleng telo píídope língkum etorem itung. Ngolu Anakimke (Migo-mimat) otíng oyin emte deke delo duudupe kaato.’

POBENG BINAM 9:1

“E Israel, tatgap langka; Silo nolum pemílo tolyana mibo miying opín-buang kídíke asi-among kídíem yékam aabomdope Jordan korongem nolu koodak. Buluke bottena doolung kídíke etor yapgo kídíe taleng telokkai idung.

POBENG BINAM 9:3

Idola nolu sim berokpe aido, Ruutum noluke Shédíbí meyoe telokkai dorna emepe noluke keralo konggela rotkon elo gígeyé. Bí, bulume nyokmola noluke ale rumkílo imoyé. Nolu bulume monpakyé delokke Ruutumke nolume pésunam akorpe bulume menarupe nyokyinmoyé.

PHILIPIA 4:13

Ngom ralmona bíkkelok ngo takamem ilasudung.

HIBRU 11:33

Míngkeng kootírlok bulu deddína mibo doolungem ikumto. Bulu tetelok yébola delokke Shédíke pébi sunamem paato. Bulu myomur nappangem pitumto,

JOSHUA 15:14

Hibron lok Anakim amiem midum angumko Kaleb bí monpakto; dekede Sheshi, Ahiman delokke Talmai. Bulu Anakimke otíng-oyine.

KEBANG RUUTUM KÍDÍ 1:20

Mosike pokam pakpe, Hibron dem Kalebme bito. Bí Anakimke oo angumem monpakto.

1 SAMUEL 14:6

Jonathan yaamé koodem poto, “Kaju ngonyi uyu kumsuna Philistain kídíke notko elo gílape. Ruutum bí ngonyim igulyépe. Bí igulmílo, ngolu anyong yadokom, íngkueteng ngolum buluke teyolo ikumdope itum lamayé.”