JOSHUA 14:10 - DEENA BAIBÉL (BSI)

¹⁰ Depeila, Israel kídíke yépol mooruk amonglo magoodungem, Mosike teyolo Ruutumke podo delokke ila supak loope Ruutumke togesunampe bí ngom takying appi kolang takngokope turmotung. Kaatola, silo ngo noluke araso, dítak íying píínyi kolang dítak pilngona mijingpe ila dagadung.

JOSHUA 14:10 Iomraidhean Croise

MIRILUNGGU 107:4

Ayokone bedang looríyimang, mooruk apyamlo doolung duupeko mapa yimape matíto.

MIRILUNGGU 91:7

Nokke ampenglo éjar amie silado, nokke ampelo jaryingkope gargong lado, idola de nom atí imayé.

SANNAM 14:30

Nunke oo Joshua kela Jephunneh ke oo Kaleb bínyike kékonlo, ngokke alage leedu sula noluke ekumpe imoyé emla pésuko among so nolu sékote aalamayé.

SANNAM 14:38

Among dem rokang kolo gína kídí arang delok Nunke oo Joshua lang Jephunneh ke oo Kaleb bínyi petom turkai.

JOSHUA 11:18

Joshuabí deke delokke roja kídarem, toodí takying ngatkope mimak ibomsula, bulum ikumla moka kayinto.

JOSHUA 13:1

Deddína dítagem yéla Joshuake mijingrodem, Ruutum bí Joshua me lupoto. “No mijing alongkai, idola supakte deddína asi-amongem lapename kadungada:

JOSHUA 14:11

Mosike ngome lulígdo longe delokke kísa, silo loope ngokkíng tolnam-ralname kadungada.

JOSHUA 14:9

Depeila delo longe delo Mosibí ngome sikepe togesubito, ‘Ingkona amonglo nok ale tuatodí, de nokke yébom kupenam amongpe iyé. Deme nokke ome-oo oten-siirek loope yéyarbomyé, kapeila no Ruutum ngokke Shédíke agom-aangem apíírupe igeto.’