JOSHUA 13:8 - DEENA BAIBÉL (BSI)

⁸ Manassehke opín arotkone lang Gad kídíe, delokke Reuben kídíe, Jordan korongke sanggodandem, Ruutum me agér ibina Mosike panlíknampe bulu paato.

JOSHUA 13:8 Iomraidhean Croise

SANNAM 32:19

Jordan korong lokke sanggo danlo ngoluke yége-daggepenam asi-amongem paarongem ngolu korongke rotkon danlo ngoluke asi-among tarongem ngolu tomín gemayé.”

POBENG BINAM 3:8

“Dekepe ila, delo longe kídí delo ngolu Amorit roja annyi delok Jordan korongke sanggodan moopyang dem laala Arnon kobung lok ilangala Hermon dííte loope bomyinto.

JOSHUA 12:1

Jordan korongke sanggodan lokke, Arnon kobung lok ilenla Harmon dííte loope, delokke Arabahke sanggodan among kídídem itak sula, edítko deke delo asi-amonge katodí, delokke deke delo edítna roja kídíe yébomtodí, deke takam dem Israel kídíe ikumla, buluke asi-among kídíem, Israel kídíe agí alaglo laayin aato. Ikumnam roja kídíke amín kídíe sikesi:

JOSHUA 12:6

Sime Amorit roja annyi sime, Ruutum me agér ibina Mosi lang Israel kídíe mimaklo ikumto. Bínyike among kídíem, Ruutum me agér ibina Mosi bí, Reuben opín emlang Gad opínem, delokke Manasseh ke opín arotkonem, buluke yébompenam among supe panlíkto.

JOSHUA 13:7

Sikepe orpansunam sim no Manassehke opín arotkon emlang Israelke opín konang araso ilangka.”

JOSHUA 13:9

Buluke among rísue Arnon kobung duurí Aroer lok ilenla, kobungke raadalo duuna doolung delok sanlangala, Dibon loope itaksula, Medebake gíílíng-géjongpe ina among takamde ito.

JOSHUA 22:4

Ruutum noluke Shédíke agí posunampe, bí Israel kídíem aapí eetet mokai. Depeila noluke asi-amongem tosula, nolum Ruutum ke agér ibina Mosike orlíknam Jordan korongke sanggodan among elo nolu enlangkuka.

JOSHUA 4:12

Kerapekai Mosike podupe, Reuben, Gad delokke Manassehke opín arotkonde mimak leemo gela, koomín geto.

1 SAMUEL 13:7

Ayokone Jordan korongem koola Gad kelang Gilead among kídílo aato. Saul bí Gilgallo duudo ada delokke bíkkíng yémín gena ami kídarde pesolok danla duuto.