JOSHUA 13:6 - DEENA BAIBÉL (BSI)

⁶ Lebanon adi among lokke ila, Misrephoth Maim loope duuna ami kídí emnamde Sidon ami kídíem, ngo agísue Israel kerape monpak biyé. Nom ngo kape kísa poyiltodí, dekepe sim among kídí simkom Israel kídíe yébomdope, bulum orpan subilangka.

JOSHUA 13:6 Iomraidhean Croise

MIRILUNGGU 80:8

Ijiptlok no onggur aneko bomlangkula; mipak kídíem monpak geyéla, no dem díílíkto.

SANNAM 33:54

Asi-amongdem lotori ila, noluke opín-buang ségupe orpan bosulangka. Milung-mibam yanem bojéyape asi-amongem orla, anyonem anyoyape orla ibosulangka. Lotorike akorpe buluke yége-daggepenam asi-amongde iyé. Dekedem noluke buku-neku opín-buang adongpe orpan bosulangka.

JOSHUA 1:6

Aapíe edíípe mínggapla miramlangka. Kapeila buluke buku-nekuem, ngokke bisuyé emla togesunam asi-among delo, bulu yébom dokupe no bulum gíboyé.

JOSHUA 11:12

Ruutum me agér ibina Mosike tuubupe, Joshua bí doolung takamem aabomla, deke delokke roja kídíem moka kayinla, midum atel koteng turmomape iyin gooto.

JOSHUA 11:8

Miru kídí deme Ruutum bí Israel alag aralo ruulíkto. Israel maglíngde bulum mimak delo ikumla, línggíngdanke Misrephoth Maim lolang Sidon loope, delokke sanggo danke Mijpah yiibe loope gílangkula midum atel koteng turmomape petyinto.

JOSHUA 13:7

Sikepe orpansunam sim no Manassehke opín arotkon emlang Israelke opín konang araso ilangka.”

JOSHUA 23:13

Ruutum noluke Shédíbí sim ami kídar sim noluke kerang lok monpak bimayé. Delok ayanpe si ami kídar si, noluke legape nolum batjémkuna etku-edape, demangkom obung supeko arungpe, demangkom noluke méélamlo demmín gena banggén kísa nakope, demangkom noluke amiglo duuna tang kísape iyé. Sikena adír si, Ruutum noluke Shédíke nolum rubinam among gaina sok nolu nyokyinma tetedem katíbomyaryé.”

JOSHUA 23:4

Sanggodanke Jordan koronglok ilenla, Among Raadang Siyéng eloope edítko ngo mibo-miying ami kídíem ikumbotodí, delokke imape metudí deke takamke asi-amongem ngo noluke yéta legape nolume opín-opínpe asi-amongem oryinbito.

JOSHUA 23:5

Ruutum noluke Shédíke togesunampe bí agísue, noluke miru-hogong ami kídardem noluke keranglok monpakbila bulum duggemoyéku.