JOSHUA 13:3 - DEENA BAIBÉL (BSI)

³ sokkodanke Abbim kídíke among takame. Ijipt lokke sanggodan Shihor roojik lokke ila, línggíng danke Ekron among loope. Sim tabung sim Kanaan amipe sandung. So araso Philistia lokke Gaja, Ashdod, Ashkelon, Gad delokke Ekron doolung luunem yébona Philistia roja pilngoe kadung.

JOSHUA 13:3 Iomraidhean Croise

KEYUM KERO 10:6

Hamke oo kídíe: Kush, Ijipt, Libya delokke Kanaan.

KEYUM KERO 15:18

Delo longe delo Ruutum bí Abramkíng daapong ibosudola sipe poto, “Nok otíng-oyin kídíem, Ijipt among lokke rísulok ila bottena korong Euphrateske pénsamso duuna,

1 ROJA KÍDÍ 8:65

Delo Kumkeng Ekum delo, Solomonlang Israel ami tabunge longe kíníd kope Ippo Adeng-apeme ila, delokke longe kínídkon koteng nyola idumsue looying kola loopiko ilíkto. Dekena gíídí-siipe longe kídí delo Hamath Gééjong línggíng lokke ila sokkodan Ijipt lokke Wadi lok deddína amie píídumsuto.

1 ODONG 13:5

Dekepeila Dabid bí among tabung delok Israel amiem, Ijipt among Shihor lokke ila Hamath Gééjonglo duuna kídarem, Daapong Sonduk dem Kiriath Jearim doolung loge Jirusalemlo langa dokupe laadumsuto.

ISAIAH 23:3

Bottena siyéng lok Shihorke ali-aame lang Ijipt lokke donam-tííname píídumsula Turde pangkepe ila, opín-buang takamke pesi koret ipompe ine.

JEREMIAH 2:18

Kape nolu Ijiptlo gíla, Nail korolok asi tíngkan? Kape nolu Assirialo gíla Euphrates korolok asi tíngkan?

POBENG BINAM 2:23

Among Raadang Siyéngke robeng robengem, Gaja loope doolung luula duubomna Abbim ami kídíem Kaphtor, moopí moolop Kret lokke ami kídíe aala, bulum nyokyin mola, buluke dungko kídíem duuyin bomkai.)

JOSHUA 13:13

Idola delo longe kídí delo, Israel kídíe Makah kelang Geshur ami kídíem, mimak ila monpakmato. Depeila silo loope bulu Israel gooralo duudung.

KEBANG RUUTUM KÍDÍ 16:5

Deme kaala, Philistain kídíke ruutum kídíde mime delo aala poto, “Samsonme yééla, bím iyan sulayimadupe, bím ikum dope, bíkke siddípe ralnam leríng legang sim nome popang bidope no ségulok ilenkíto. No depe ilayémílo, mipil-miyong ngolu nome baldín nokdi éjar kolang língko asak biyé.”

KEBANG RUUTUM KÍDÍ 3:3

Among delo turmonam kídíde: Philistain roja pilngode, takam Kanaan ami kídíde, Sidonlok ami kídíde delokke Baal Hermon dííte lok ila Hamath gééjongke Lebanon amonglo duuna Hibit ami kídíde.

1 SAMUEL 5:1

Philistain kídíke Daapong Sondugem bomrongem, bulu dem Ebenejer lokke buluke doolung luune Ashdod delo geatoku.

1 SAMUEL 5:10

Dekepe ikolok bulu angukon Philistain doolung, Ekron emnamlo Daapong Sonduk dem melíktoku; idola edílo Daapong Sondukde delo píítodín, delok ami kídíde ulo gogla, “Bulu so Israelke Shédíke Daapong Sonduk dem, ngolum takam mokape bomadung,” emto.

1 SAMUEL 5:8

Dekepeila, bulu ami tomlíkla, Philistain roja pilngo dem gogdumsula bulum íngkíto, “Israel ke Shédíke Daapong Sonduk sim ngolu kape ipen?” “Gad among elo melík langka,” emla bulu pobosuto; dekepe ikolok bulu angukon Philistain among Gad lo Daapong Sondukdem bomato.

1 SAMUEL 6:4

“Ngolu íngko amankoi bím melík bipen?” emla ami kídíde íngkíto. Bulu poyansuto, “Philistain roja pilngoem míítak subom dola uunlok tasut-tarí mimangpe pilngoko píla, delokke uunlok kebung mimang pilngoko pílangka, kapeila sikena itung-irée, noluke roja pilngo lolang doolung pilngoso kakai.