JOSHUA 12:1 - DEENA BAIBÉL (BSI)

¹ Jordan korongke sanggodan lokke, Arnon kobung lok ilenla Harmon dííte loope, delokke Arabahke sanggodan among kídídem itak sula, edítko deke delo asi-amonge katodí, delokke deke delo edítna roja kídíe yébomtodí, deke takam dem Israel kídíe ikumla, buluke asi-among kídíem, Israel kídíe agí alaglo laayin aato. Ikumnam roja kídíke amín kídíe sikesi:

JOSHUA 12:1 Iomraidhean Croise

1 ROJA KÍDÍ 4:19

Bashan lokke roja Og keela Amorit ke roja Sihon ke rojape yétuako Gilead among lokke Uri ke oo Geber bí. Buluke midum íying kolang annyi teyolote botteyana gobornor ko kato.

MIRILUNGGU 133:3

Si Hermon díítelok Jayon etpalo olíkna tangar kísadung. Legade delomin Ruutum bíkke lubééem yénam daknam loope lulíktone.

MIRILUNGGU 136:21

Buluke amongem bí agíke amikídíem bito, kapeila bíkke ayangde duuyarne.

MIRILUNGGU 89:12

No línggíng sokkuem píto; Tabor díítelang, Hermon dííte nom ashépe miri lugedung.

ISAIAH 16:2

Asuplok ipak lennam pettang kísa, Moab kídíde madu-matok sula Arnon korong robelo idung.

SANNAM 21:13

Delokke byaklen langkula Amorit kídíke rísulope kalíkna yépol mooruk among lokke Arnon robenglo notko itoku. (Arnonde Moab kídíke lang Amorit kídíke rísupe ito.)

SANNAM 21:21

Amoritke roja Sihon kíng Israel kídíe kotoki kídíem lulíkla poto,

SANNAM 21:24

Idokom Israel kídíe bím mokala bíkke asi-amongem Arnon lokke ila Jabbok loope langgola Ammon among rísu loope laaríto. Kapeila buluk rísuem edíírupe yabgo igoosuto.

SANNAM 32:19

Jordan korong lokke sanggo danlo ngoluke yége-daggepenam asi-amongem paarongem ngolu korongke rotkon danlo ngoluke asi-among tarongem ngolu tomín gemayé.”

SANNAM 32:32

Ngolu Ruutum ke keralo mimak leemoem gela Jordanem kooyé, idola ngoluke yége-dagge penam asi-among dedan Jordanke sanggo danso kape aido.”

SANNAM 32:33

Dekepe emkolok Mosi bí Gad opín emlang Reuben opínem delokke Joseph kíng lenna Manasseh opín arot konem, Amoritke roja Ogke among emla delokke dei-degonglo duuna doolung takam emlang asi-amongem panlíkto.

POBENG BINAM 2:24

“Supak gílenla Arnon kobungem koolangka. kaalangka, ngo noluke alaglo Heshbon lokke roja, Amorit ami Sihon me, delokke bíkke asi-amongem bito. Nolu bíme mimak imín sumola asi-among deme aabom langka.

POBENG BINAM 2:32

Edílo Sihon bí, agíke maglíng takamem gílenbola Jahajlo ngolum mimak moríktodí,

POBENG BINAM 3:1

“Delok rongem ngolu Bashan amongpe línggíng bedalok ensaato. Delo Bashanke roja Og bí, agí maglíngem gíbola ngolum Edreilo mimakpe iríkto.

POBENG BINAM 4:44

Israel keralo Mosi bí ayonem leebila bito.

POBENG BINAM 4:46

Dekepe ayonem biko moolop de Heshbon doolung luunelo ito. De Amorit kídíke roja Sihonke rísu aranglo kato. Ijiptlok gílen rongkuem Sihon me Mosi lang Israel ami kídíe mimak mola ikumto.

POBENG BINAM 4:48

Si asi-among si, Arnon kobungke kerelo duuna Aroer lok ilenla línggíng dan Sirion dííte (Hermon) loope iríto.

JOSHUA 1:15

Edílo Ruutum noluke Shédíbí, Israel opín-buang takamem, ai-kamporupe asi-among binam elo duuyin moyédí, delo nolu Ruutum me agér ibina Mosike nolum tolík binam, Jordan korongke sanggodan asi-among so aalat sulang kula, siidum dengepe duulangkuka.”

JOSHUA 11:17

Seirdanpe gíípongpe ikuna Halak díítumlok ila, Harmon dííte rumkínglo duuna, Lebanon yiibelo duuna Baalgad loope laayin gooto.

JOSHUA 11:3

sanggodanke Kanaan ami kídíem; delokke anggoyang delo duuna Amorit, Hittit, Perijjit kídíem; anggodanke adilo duuna Jebusit delokke Mijpah moole lokke Harmon dííte rumkílo duuna Hibit kídí takamem.

JOSHUA 13:8

Manassehke opín arotkone lang Gad kídíe, delokke Reuben kídíe, Jordan korongke sanggodandem, Ruutum me agér ibina Mosike panlíknampe bulu paato.

JOSHUA 22:4

Ruutum noluke Shédíke agí posunampe, bí Israel kídíem aapí eetet mokai. Depeila noluke asi-amongem tosula, nolum Ruutum ke agér ibina Mosike orlíknam Jordan korongke sanggodan among elo nolu enlangkuka.

KEBANG RUUTUM KÍDÍ 11:18

Depe irodem bulu yépol mooruk among delok gíla Edom among emla Moab amongem bilgongla, Moab lokke sanggodan lokke Arnon korong rotkon delo pííla notko ito. Idola bulu, Arnon korongem koomato. Kapeila de Moabke rísupe ito.