JOSHUA 11:6 - DEENA BAIBÉL (BSI)

⁶ Ruutum bí Joshuame poto, “Bulume atí pesomapeka. Kapeila nyampoke sikena moodílo, ngo bulum takam, moka kayinpala Israel alaglo melíkyé. Nolu, buluke guré kídíem lebya-lakbyadope ila buluke gaari kídíem romyin bilangka.”

JOSHUA 11:6 Iomraidhean Croise

2 SAMUEL 8:4

Dabid éjar kolang língko kínídko guré dugbomna sipayingem, delokke jarying annyiko ale sipaying kídíem umto. Bí guré-gaari língkoem gepena guréem ayoko mepala abíd guréem letu-lebang moyinto.

2 ROJA KÍDÍ 6:16

Bím Elisha poyansuto, “Pesomapeka, kapeila bulum pemílo bojéyanako ngolukíng yédung.”

2 ODONG 20:16

Bulum tuurík supe nyampo gítoklangka, kaalangka bulu Jij dííte gébung danlok resaayé; bulum nolu Jeruel mongku-moorakke sanggodan yiibe duurípak delo kaaríksuyé.

MIRILUNGGU 46:10

“Mimak iyimapeka,” bí emdung, “delokke kénlangka, ngomin Shédíe, opín takamem botteyane.”

MIRILUNGGU 46:11

Ruutum bí ngolukíng dung; Jakobke Shédí bí ngoluke duusi sukenge.

MIRILUNGGU 46:9

Tani among tabungso bí mimagem itumdung, bí iyyiem dírpakdung, gíníngem tírsékdung, delokke tamtem emelo romdo!

NGIITOM SIRUNG 20:7

Jonna delokke aroem ina abu kana ome-oo kídíde gérne.

ISAIAH 30:16

Sok ayanpe nolu miru keralok dugdugna guré kídí loge dugnyok gepe míídung. Delokke dugnyok genam de noluke iperuname! Noluke guré kídar de dugdug runeke emla míídung, idola nolum monmín gena kídíde nolum pemílo menayayé.

ISAIAH 31:1

Séko bulu Ijipt amonglo igul legape gítok dudí, bulu reyubnam adírem paayé. Bulu Ijipt lokke sankén yimanam guré-gaari kídíem, gai-gakona guré kídíem, delokke sipaying kídíem erbom aloodung. Idola bulu Israelke Deena kíng kaada sumape, Ruutum kíng igul paape emla matamang.

EJEKIEL 39:9

“Dekepe irodem doolung kídí takamlo duuna Israel ami kídíe gílenla, noluke gíníng, yoksa, tamkung, kattam, iyyi epuk, singgil atí-sirí, mimak ekurang, aménalok ila bottena takamem laadumsula, buluke esing parnanape iyinyéku, delokke rompak pakyinyé. Dítak kínídkope bulu esingpe parnayé.

HOSIA 14:3

Assiria bí edílokom ngolum mopít lamang, delokke mimak guré kídar dete ngolume ipít lamang. Ngoluke uyu mimang kídíem, ngoluke Shédíe emla ngolu edílokom emyimayé. E Ruutum, míída supeko kamana teyolo no ayane.”

NAHUM 2:13

Ralya yalumna Ruutum bí podung, “Ngo noluke mirue! Ngo noluke guré-gaari kídíem emelok gupakyé. Mimaklo noluke sipaying kídíem siyin moyé, delokke angukon ami kídílok edítko nolu lííla bomtokudí, dem takamdem ngo nolukíng laabínyéku. Noluke kotoki kídíke agom-aangem tatbi yimayé.”

POBENG BINAM 7:16

Noluke ale rumkílo, Ruutum noluke Shédíke ruulík binam mibo-miying kídíem nolu nyokyin molangka. Nolu bulum ayang-yaman sula, buluke uyu kídíem kumsula imapeka. Depe inamde noluke annyi supename.

JOSHUA 10:8

Ruutum bí Joshuame poto, “Bulume atí pesomapeka. Bulu sékote nok keralo dakka sulamayé, kapeila nok alag aralo ngo bulume rulígto.”

JOSHUA 11:5

Israelem mimak ipe emla Merom rojik emko delo notko ito.

JOSHUA 11:7

Depeila Merom rojik emko delo, Joshua lang bíkke maklíng takam de miru kídídem mamam sudope mimak iyato.

JOSHUA 11:9

Ruutum ke políknampe Joshuabí, miru kídíke guré kídíem lebya-lakbyamola delokke gaari kídíem romyin bito.

JOSHUA 3:5

Ami kídíem Joshua bí poto, “Nolu agísuem deebín sulangka. Kapeila nyampo noluke gooralo, Ruutum bí irisinyo agérem ikanboyé.”

KEBANG RUUTUM KÍDÍ 20:28

Aaronke oo Eleajar delokke bíkke oo Phinehas bí delo longe kídí delo miripe ibomto.) “Ngoluke bíro Benjaminme mimak ipe ngolu gímílua gímamílua.” Delo Ruutum bí “Aiyé, nyampo nolu gílangka, noluke alag aralo bulume ruulíkyé,” emla pobito.

KEBANG RUUTUM KÍDÍ 7:9

Delo Ruutum bí Gideonme lulígto, “Gerepla notko besime mimak iyabomlangka. Kapeila ngo notko besime nokke alag aralo ruulígto.

1 SAMUEL 11:9

Bulu Jabesh lokke pogoona kídídem poto, “Noluke ami kídíem nyampoke longe raadamang adape mopítyé emlangkuka.” Edílo Jabeshlok ami kídíe dem agom dem tattodí, bulu yagorupe ashéng dola,