JOSHUA 11:3 - DEENA BAIBÉL (BSI)

³ sanggodanke Kanaan ami kídíem; delokke anggoyang delo duuna Amorit, Hittit, Perijjit kídíem; anggodanke adilo duuna Jebusit delokke Mijpah moole lokke Harmon dííte rumkílo duuna Hibit kídí takamem.

JOSHUA 11:3 Iomraidhean Croise

KEYUM KERO 31:49

Deme Mijpah emlate mínto, kapeila Laban sipe poto, “Ngonyi mooteng bosula ibo suyé kukom, Ruutum bí ngonyik pénsamlo kaabom daklangka.

2 SAMUEL 24:16

Edílo Ruutum ke kotoki kídíe, Jirusalemem nyokmopem idopak delo, Ruutum ke ami kídíem itung-iréna aapíde angupe ilangkula petgoona kotokidem poto, “Melangka. De aikabong.” Kotokide Jebus ami Araunah ke ali yikkol abe delo dagaduai.

2 SAMUEL 24:7

Delokke bulu sokkodanpe Tur lok lííreng doolung delo gíla, Hibit kelang Kanaan ke doolung takamlo gíto. Méélam yalumpe Judah lok sokko amonglo Beersheba lo gíto.

1 ROJA KÍDÍ 15:22

Depe buluke gírongkuem roja Asabí, Judah ami miyonge (midum atel koteng mepakmape) Ramah doolunglo gíla roja Baashake ilík tunam líísak elíng kídí demlang gaang kídídem, delokke abíd ekurang kídíem jooyin lendope Judah among tabunglo ukumem lulígto. Dekepe ila ekuserang kídí delok roja Asabí Benjamin among lokke Mijpah doolung emla Geba doolungem líísak etor tornatoku.

1 ROJA KÍDÍ 9:20

Edílo Israel ami kídíe Kanaan amongem aabomtodí, delo ayokon Kanaan amiem bulu mokamape turmoto. Deke delokke otíng-oyin kídíem Solomon bí agér ibina amipe imoto.

MIRILUNGGU 133:3

Si Hermon díítelok Jayon etpalo olíkna tangar kísadung. Legade delomin Ruutum bíkke lubééem yénam daknam loope lulíktone.

MIRILUNGGU 89:12

No línggíng sokkuem píto; Tabor díítelang, Hermon dííte nom ashépe miri lugedung.

SOLOMONKE MIRIE 4:8

Ngokke mimepe ipenano, Lebanon Dííte lok ngokkíng aamín getokula; Lebanonlok ngokkíng aatola. Myomur kídíe lang takar simyoe dungko, Amana Díítum ponyuklok, delokke Senir Díítum loklang Hermon Díítum lok oitokula.

JEREMIAH 40:10

Ngolu keelo Babilon lokke migom-mite aayém, ngo agíe nolu takamke legape Mijpah so duula bulum kaarík lupoem irík subiyé. Idola noludan noluke doolung dungang kukolo, arík ila, bagan ila, onggur alangem ikumla, siipí-siiyé, olib tél daadi takamem irusula ila aipe duulangka,” emla bulum takam poyilto.

JEREMIAH 40:6

Depeila Ahikam ke oo Gedaliah kíng Jeremiah gíla Mijpah doolulo bíkkíng lang ummape melíknam Jihudi ami kídí pénsamlo, Jeremiah bí duumín geto.

JEREMIAH 41:14

depe ashéla bulukíng dugaato.

JEREMIAH 41:3

Delok teyo delo Mijpahlo Gedaliah kíng duumín gena Israel ami kídí takamemte pakato.

SANNAM 13:29

Negeblo Amalek kídíe dííte amonglo duudung. Kanaan amie siyéng asi robeng lolang Jordan korong abelo duuyondung.”

POBENG BINAM 4:48

Si asi-among si, Arnon kobungke kerelo duuna Aroer lok ilenla línggíng dan Sirion dííte (Hermon) loope iríto.

POBENG BINAM 7:1

Edílo noluke yébompenam asi-amo delo, Ruutum noluke Shédíbí nolume aaboyédí, delokke noluke keralok, nolum pemílo tolya-ralyana; Hittit, Girgashit, Amorit, Kanaan, Perijjit, Hibit delokke Jebusit ami opín kínídem monpak bila;

JOSHUA 11:17

Seirdanpe gíípongpe ikuna Halak díítumlok ila, Harmon dííte rumkínglo duuna, Lebanon yiibelo duuna Baalgad loope laayin gooto.

JOSHUA 11:8

Miru kídí deme Ruutum bí Israel alag aralo ruulíkto. Israel maglíngde bulum mimak delo ikumla, línggíngdanke Misrephoth Maim lolang Sidon loope, delokke sanggo danke Mijpah yiibe loope gílangkula midum atel koteng turmomape petyinto.

JOSHUA 13:11

So araso, Gilead amongde, Geshur amongde, Maakah amongde, Hermon dííte, delokke Salekah loope karína Bashan among takamde,

JOSHUA 13:5

Delokke Gebal ami kídíke among kídílok ilangala, Hermon dííte sokko danke Baalgad lok irek lenlangkula, Lebanonke sanggodan tabungde ilangala, Hamath dííte begot loope karídung.

JOSHUA 15:38

Dilean, Mijpah, Joktheel,

JOSHUA 15:63

Jebus ami kídíem Judah kídíe Jirusalemlok monbín lamato. Depeila Jirusalemlo Jebus ami kídíe Judah kídílo silo meloteng lekope duubosudung.

JOSHUA 18:26

Mijpah, Kepirah, Mojah,

JOSHUA 3:10

Noluke keralok aropakpe bí Kanaan, Hittit, Hibit, Perijjit, Girgashit, Amorit emlang Jebusit amiem, monpakbiyé. Delo noluke aralo turna Shédí bí yémín gedung emla nolu arope mííyé.

KEBANG RUUTUM KÍDÍ 20:1

Depe irongem Dan lokke ila Beersheba loope delokke Gileadlok ila edítko Israel ami kadudí, bulu takam amíl atel kope Mijpahlo Ruutum ke keralo gídumsuto.

KEBANG RUUTUM KÍDÍ 21:5

buluke aralo, “Israel ngoluke opín takam aralok, Mijpahlo Ruutum ke keralo dumsuduem sékoi aamatone?” emla ííbosuto. (Mijpahlo séko bulu aamayéne dem mokayé emla bulu pébosutuai.)

KEBANG RUUTUM KÍDÍ 21:8

Mijpahlo dumsuduem ingkona erang kídíedí gímatone emla buluke mata bomsuduem Gilead lokke Jabesh ami kídíe aamato emla bulu gaglento.

KEBANG RUUTUM KÍDÍ 3:3

Among delo turmonam kídíde: Philistain roja pilngode, takam Kanaan ami kídíde, Sidonlok ami kídíde delokke Baal Hermon dííte lok ila Hamath gééjongke Lebanon amonglo duuna Hibit ami kídíde.

KEBANG RUUTUM KÍDÍ 3:5

Dekepe ila, Israel kídíde, Kanaan, Hittit, Amorit, Perijjit, Hibit delokke Jebus ami kídíke pénsam raadanglo duubosukai.

1 SAMUEL 10:17

Samuel ami kídídem Mijpahlo gídum sudope gogla,