JOSHUA 11:21 - DEENA BAIBÉL (BSI)

²¹ Dekepe midu-mimak ido delo, adi among Hibron, Debir, Anab kídí lolang adi among Judah, delokke Israello duuna migo-mimat ami Anakim kídíem, buluke doolungem Joshuabí petnyok-nyokyin gooto.

JOSHUA 11:21 Iomraidhean Croise

JEREMIAH 3:23

Ngolume ngoluke adi teyong kídílo mimang kumgoola inamde atí igulmato. Israelke legape petom Ruutum ngoluke Shédí kelokmin igule aadune.

JEREMIAH 9:23

Ruutum bí sipe ludung: “Mirem amie miremem, miga-miramna amie miramem, kénna-paana amie kénnamem míngkímsula mííte sumapeka.

AMOS 2:9

“Ngo buluke keralo Amorit em petpakto. Bí bodonge sidar esing kísa ituai, delokke ok esing kísa toltuai; idolateng ngo bík ayém teyolok ipakto, delokke bík appírem rumkílok gurpakto.

SANNAM 13:33

Ngolu Nephilim kídíem among delo kaato. (Anakimke otíng-oyin kídíde Nephilim kídílok lento) Ngolu buluke keralo agísueme takom kísa kaasuto. Deke kísapei bulu ngolum kaatope.”

POBENG BINAM 1:28

Ingkolo ngolu gíyén? Ngoluke bíro kídíe ngolum aapí-aang améng moto.’ Bulu sipe emtoku, ‘Ami kídíe, ngolum pemílo bodong botte yala ralyaneeke. Doolung kídíete bottela, taleng telo píídope língkum etorem itung. Ngolu Anakimke (Migo-mimat) otíng oyin emte deke delo duudupe kaato.’

POBENG BINAM 2:21

Bulu milu- mibampe ila, Anakim ami kísa bodong bottela, ralna ami ekíai. Idola Ruutum bí bulum nyokyinmola, buluke dungako delo Ammon kídíem yébom-dagbomdope ruulíkto.

POBENG BINAM 9:2

Ami kídíde bodí-botte ila kedonla migo mimat Anakim amieke. Nolu bulum kéndung delokke, ‘Sikena Anakim ami kídíem séko dakrík sulayén?’ emla buluke legang ponamem nolu tatto.

JOSHUA 10:42

Ruutum Israelke Shédíbí Israel legape mimak ibokolok, mimakpe gírum letellok sim roja kídí takam simlang asi-among tabusim ikum goola yébomto.

BEROK BINAM 6:2

Ngo kaaname ngokke keralo yalunna guréko dakdo! Sim solainade ityiko bomdo delokke bím dumlubem bitung, delokke bí mimaklo ikumna amipe ila ikum gongkape emla dukdak.

KEBANG RUUTUM KÍDÍ 1:20

Mosike pokam pakpe, Hibron dem Kalebme bito. Bí Anakimke oo angumem monpakto.